نساء الضلام (وحوش السجن)(الرواية مكتملة)

البارت الواحد والعشرين

رجاااءً اعذروني صار خطأ فادح بالبارت العشرين والله شاهد مانتبهت عليه

نشرت البارت ناقص هذا الواتباد راح يخبلني شلون صار هيج ماعرف اليوم يلا انتبهت وعدلته وضجت كلش ورجعت نشرته من جديد لاتنسون ارجعو  اقرو حتى تفهمون أحداث هذا البارت

واسفة مره ثانيه بعد مايتكرر ان شاء الله هيه القصة راح اتخلص وان شاء الله البارت الجاي أو البارت البعده  راح تكون الخاتمة وينتهي المشوار لذالك تحملوني

.

.

.
.
.

.
.
.
.
.

.
.

.
.
.
.
.
.

#نساء_الضلام #البارت_الواحد_وعشرين
#الكاتبة_حوراء_علي

رحمة

مهمتنة بدت تصير حلوة وممتعة بوجود ست فردوس الي تدرسنه انكلش واني عشقي هالمادة

واستمرينه اني وسكة ناخذ كورسات عدها يومية لمدة أسبوعين

وبهالفترة ابد ماشفنه ست دنيا مدري وين راحت

جانت ست فردوس تجينه الصبح ب ٧
وتروح ب٩ باليل

كلامها ويانه على كد الدروس ثكيلة ورزنه وجدية يعني متحب الشقة والكلام الفارغ

واحنه هم ماختلطنه وياها بس على كد الدروس

بس على الرغم من كلشي الحوادث الغريبة العجيبة مال الفيلا مانتهت

وجانت يوم عن يوم تزداد رعب وسوء

انا وسكة ضلينه انام بغرفة وحده من الخوف

انا على طول قرآني بيدي ومااتركه

وجنت ماخذه عادة امي اشغل سورة البقرة وارش ملح خشن بالزوايا مال الفيلا

بس فجأة الكهرباء تنطفي اذا جنت مشغلة سورة البقرة على التلفزيون

واذا جنت مشغلتها على الراديو من وحده يضل يوشوش وهم يطفي

ضليت انا اكعد بنص الصالة مال الفيلا واقراها بصوت عالي

وحده من الأحداث المرعبة الصارت ويانه ومستحيل أنساها

جان دنيا ليل وساعة تقريبا ب٧ المغرب

ست فردوس بعدها مارايحة وكاعدة بالقاعة لوحدها

وانطتنه احنه إستراحة نص ساعة

صعدت انا اصلي فوك بغرفتي وسكة راحت للمطبخ تسويلنه لفات

طفت الكهرباء يهالاثناء وانا نهيت صلاتي

ونزلت على كيفي على الدرج اتحسس بالمحجر وگلبي احسه راح يوكف من الخوف حتى كمت كوه اتنفس