نساء الضلام (وحوش السجن)(الرواية مكتملة)

البارت الأخير

السلام عليكم حبايبي

وها قد وصلنا لنهاية المشوار

#نساء_الضلام #البارت_الأخير
#الكاتبة_حوراء_علي

لايك وتعليق قبل القراءة لطفاً🌹

.
.
.
.

.
.

.
.
.

.
عبيد

-اسمع زين اسد انا محترمك وكاعد كبالك بمكان واحد
بس لان انته ضيفي ودايس بساطي

والا انا ماطايقك ولا مسامحك ع السويته بيه وبولد عشيرتي

انته تعرف يااسد شيخ مزاحم هدر دمك !؟

وانا اكدر هسه اقتلك وادفنك بمكانك بدون ماينهزلي جفن!؟

تنهد أسد بهدوء وهوه كاعد ع القنفة كبال عبيد
وكال:

-انا اجيت لهنا ياعبيد مو بطران
بس لان هالمكان أمن ومحد يعرفه

-خير يااسد شنو سويت من مصيبة ثانيه وبيمن غدرت هالمره

-انا سويت الي لزوم اسوي من زمان والي حبستكم علموده

-شنو تقصد!؟

-انا كتلت العميد ابو يزن ياعبيد كتلته بنص مكتبه

-شنووو وليش سويت هيج

-قصة طويلة وقديمة ياعبيد
المهم هسه
مرتي شلونها

-يامره تقصد!؟ انته ماعندك مره عدنه

-نعم!
اسيل مرتي وحامل مني

-جاااانت مرتك

انسى اسيل يااسد انساها
لا اسيل ولا أهل القرية راح يسامحوك ع السويته

-مستحيل اسيل تحبني وراح ترجعلي

-حلم ابليس بالجنة يااسد

اجت ام رحمة شايلة صينية الچاي وكاللها عبيد

-رجعي الچاي يمه اسد مستعجل ويريد يروح

رفع حاجبة أسد وابتسم إبتسامة استهزاء

وكام عدل قميصه وطلع من البيت

وعبيد محافظ على هدوئه وكاعد ع القنفة

اجت امه كعدت يمه وبدت تسأله بقلق

-خير يمه شنو صاير واسد شيسوي ببيتنه

-اوووف يايمه نيمت ارتاح واخلص من أسد وطلايبه نيمت...

.
.
.
.
.
.

.

.
رحمة

خيم اليل علينه واني وسكة بعدنه بالحظيره

وبدينه نجوع ونعطش

رحمة: الضاهر الباشا راح يخلينه نموت موت بطيئ