مرحباا احبابي 🌹🌹
#البارت_الرابع #نساء_الضلام
#حوراء_علي
بغداد 2005\كانون الثاني
كاعده اسيل ع الأرضية الباردة مال البيت الواسع بس خالي من الاثات وجدرانه كلها ملونه بالابيض عكس حياة اسيل الي اصبحت سوداء بعد دخول اسد لحياتها
تدور بعيونها ع البيت بخوف ورهبه من المكان ومن صاحب المكان!!!
اسد جان طالع من الصبح وعافها محبوسه لوحدها لليل وهيه كاعده بنفس وضعها بنص الصاله الجبيرة وگلبها ينبض بالدقيقة الف
من الرعب العايشته ماجانت تحس بخدر أطرافها من اثر مدة الجلوس الطويلة على نفس الوضعية
غمضت عيونها بألم ونزلت منها دمعه حارة معلنه عن نفاذ اخر قطرة ماء من عيون اسيل الحمر من اثر البكاء
فركت عيونها الي كامن يأذنها حيل
ووكفت على حيلها بمساعدة الجدار وهيه تحاول تكتشف البيت الجديد الي خلاها بيه اسد
تمشي بخطوات يائسه وتجر اذيال ثوبها الاسود الطويل الجانت مثل الغركانه بيه
وتحاول تلفه على جسمها وتدفي من البرد
دخلت لااحد الغرف الي جانت على الطرف الايمن من الصالة
وجانت غرفة بيها اثاث بسيط سرير نفر واحد وتعلاكه مال ملابس عليها منشفه أو(خاولي)
وجان اكو طبله موجود عليها هاتف ارضي
لمعت عيون اسيل من شافت الهاتف الارضي وركضت عليه بساع وهيه تشيله وتخليه على اذنها وشبه ابتسامه نرسمت على محياها الحزين
لكن سرعان ما تلاشت هاي الابتسامة قبل لاتتسع وتدخل الفرحة لقلب اسيل
وهيه تسمع صوت اسد الهادئ وراها
-لاتفرحين الارضي عطلان
ارتجفت ايد اسيل الممسوكه بالهاتف وعلى اثرها سقط الهاتف من ايدها
التفتت ببطئ وشفايفها ترجف وهيه تنظر لااسد الواكف كدامها بزي رسمي (قميص وبنطلون) على العلم من طلع جان لابس ملابس الشغل
جانت تباوعله بعيون تعبانه وتريد تنقض عليه مثل الاسد بس كل مره تخونها قوته لان الأسد بنفسه كدامه
تقرب منها اسد بخطوات بطيئه ولزمها من ايدها الي ارتجفت اول مالمسها مثل اول رجفة سرت بجسدها من تلامست ايدها وي ايد اسد بالبستان
لمعت عيونها وهيه تسترجع ذكريات زمنها الجميل البستان والقرية وبنات عمها وأهلها
انتبهت من تفكيرها على وجودها بقرب اسد بغرفة عبالك خارج البيت
لان جانت تختلف عن البيت الخالي من الاثاث
جانت جبيرة واثاثها راقي وجميل والوانه فاتحه وجميلة تزهو بالحياة
أنت تقرأ
نساء الضلام (وحوش السجن)(الرواية مكتملة)
Diversosرواية مكتملة✅ تدور أحداث الرواية في تسعينات القرن الماضي في عصر النظام البائد حيث غطرسة رجال الدولة والعشائر الجنوبية وتتوالى الأحداث في إطار درامي عند دخول أحد بنات القرية للسجن.... تنويه🚫 جميع الشخصيات من نسج الخيال ماعدا الأحداث فأنها جميعها حقي...
