السلام عليكم حبايبي🌹🌹
شخباركم...؟❤
اولا اعتذر عن التأخير لان اشتراك النت خلص واليوم اشتركت يومي حتى انشرللكم هالبارت
وايضاً بفترة غيابي كتبت بارت ثاني راح انزله الكم بعد نشر هالبارت حتى اعوضكم
بارت طويل جدا ومليئ بالأحداث المشوقه وايضاً هو راح يكون نهاية مرحلة من قصتنه
وراح تبدي المرحلة الجديدة بحياة ابطالنة مابين بغداد والرمادي...
نسأل الله التوفيق لاتنسون التصويت واتركم مع الأحداث......
#نساء_الضلام #البارت_السابع
#الكاتبة_حوراء_علي
عزام: ليش هيج مروة يعني عمي ابو خضير محتاج فلوس وماكالي!؟
تلعثمت مروه وماعرفت شتجاوب
-عزام مو هيج السالفه والنعم منك انت ماتقصر
-جا شنو السالفه مروه فهميني
-عزام احنه كلنه نعرف بظروفك بالسنوات الاخيره انت حتى بيتك بعته وكعدت وي بيت عمي ابو عبيد علمود هيج ماكلنالكم لان كلنه نعرف ظروفكم صعبة واصعب بهواي من عدنه
تنهد عزام وراح كعد يم مروه ولزم ايدها
-مروه انا مابعت بيت ابوي واجيت انا واختي كعدنه هنا معناها فلست انتي غلطانه كلكم تعرفون انا وعبيد تشاركنه واشترينه كاع جبيره والحمدالله موسم الحصاد اجه وبعنه المحاصيل وطلعنه فلوس الكاع والله رزقنه من فضله وان شاء الله راح اشتري بيت بالولاية وراح نطلع كلنه من القرية
مروه بفرح: صدك عزام يعني احنه وكل عمامي راح نعيش بالولاية
-اي بس..
وقبل لايكمل عزام كلامه قاطعته اسيل بخوف
-واسد؟؟
التفتلها عزام وعقد حواجبه
-شبيه هذا
ابتلعت اسيل ريقها وحست بالاحراج هسه شيكول اخوها عنها كاعده تفكر بأاسد
-مابي شي خويه بس خاف يعرف ويسويلنه مشكلة يعني تعرف انته بسالفته
تنهد عزام بتعب
-اي اعرف بسالفته لذالك احنه راح نطلع منا ونعيش بالولاية مؤقتاً لحد ماتصفى بين اسد وشيخ مزاحم ونلكى حل ونخلص منه ومن شره
مروه بنفاذ صبر: اووووف ياملازم اسد كون جيلة تايهه تستقر بگلبك ونخلص منك
اسيل: امين يارب العالمين
كام عزام على حيله وباوع لمروه
- انا رايح لعمي ابو خضير احجي وياه واعاتبه تجين وياي
أنت تقرأ
نساء الضلام (وحوش السجن)(الرواية مكتملة)
Acakرواية مكتملة✅ تدور أحداث الرواية في تسعينات القرن الماضي في عصر النظام البائد حيث غطرسة رجال الدولة والعشائر الجنوبية وتتوالى الأحداث في إطار درامي عند دخول أحد بنات القرية للسجن.... تنويه🚫 جميع الشخصيات من نسج الخيال ماعدا الأحداث فأنها جميعها حقي...
