ﺃﺳﻴﺪ .. ﺻﺎﺭﻟﻲ ﺷﻬﺮ ﺗﻘﺮﻳﺒﺎً ﻣﻨﺎﺯﻝ ﻟﻠﺒﻴﺖ ﻭﺍﻟﺴﺒﺐ ﺍﻣﻲ !
ﺍﺧﺮ ﻣﺮﻩ ﻧﺰﻟﺖ ﺑﻴﻬﺎ ﺑﻘﺖ ﺗﺒﺠﻲ ﻭﺗﺤﺠﻲ ﻋﻠﻴﻪ ﺣﺘﻰ ﺍﺗﺰﻭﺝ ، ﻳﻤﻪ ﺍﻧﺖ ﻛﺒﺮﺕ ، ﻳﻤﻪ ﺍﺭﻳﺪ ﺍﺷﻮﻑ ﺟﻬﺎﻟﻚ ، ﻳﻤﻪ ﺣﺮﺍﻡ ﻋﻠﻴﻚ ﻫﻴﺞ ﺗﻌﺪﻡ ﺷﺒﺎﺑﻚ ، ﻳﻤﻪ ﻳﻤﻪ ﻳﻤﻪ .... ﺍﻛﻠﺖ ﮔﻠﺒﻲ ﺑﻬﺬﺍ ﺍﻟﺤﺠﻲ !
ﻫﻲ ﺗﻌﺮﻑ ﻛﻠﺶ ﺯﻳﻦ ﻟﻴﺶ ﺍﻧﻲ ﺭﺍﻓﺾ ﻓﻜﺮﺓ ﺍﻟﺰﻭﺍﺝ ﻭﺍﻻﺭﺗﺒﺎﻁ ﺍﺻﻼً ﺑﺲ ﻣﻊ ﺫﻟﻚ ﺗﺒﻘﻰ ﺗﻠﺢ ﻋﻠﻴﻪ ..
ﻛﻠﺘﻠﻬﺎ ﻫﺎﻱ ﺍﻟﺴﺎﻟﻔﻪ ﺍﻧﺴﻴﻬﺎ ﻭﻫﺬﺍ ﺍﻟﻤﻮﺿﻮﻉ ﻣﺎﺍﺭﻳﺪ ﻧﺤﺠﻲ ﺑﻲ ﺑﻌﺪ .. ﺣﺘﻰ ﻗﺒﻞ ﻟﺘﺨﻠﺺ ﺍﺟﺎﺯﺗﻲ ﺍﺧﺬﺕ ﻣﻼﺑﺴﻲ ﻭﻃﻠﻌﺖ ﻣﻦ ﺍﻟﺒﻴﺖ ﺭﺟﻌﺖ ﻟﺪﻭﺍﻣﻲ !
ﺑﺎﻟﻠﻴﻞ ﺧﺎﺑﺮﺗﻨﻲ ﺍﺧﺘﻲ ﻧﻮﺭ !!
ﻛﺎﻟﺘﻠﻲ ﺍﻣﻲ ﻣﺘﺨﺮﺑﻄﻪ ﺍﺷﻠﻮﻥ ﺗﻌﻮﻓﻬﺎ ﻭﺣﺪﻫﺎ ﺑﺎﻟﺒﻴﺖ ﺭﺍﺡ ﺗﻤﻮﺗﻬﺎ ؟ !!
ﺃﺳﻴﺪ .. ﺍﻧﻲ ﻣﻮ ﻣﺮﺑﻴﻪ ﻭﻻ ﻣﺮﻩ ﺣﺘﻰ ﺍﻛﺎﺑﻠﻬﺎ ﻭﺍﻛﻌﺪ ، ﻭﺑﻌﺪﻳﻦ ﺳﺎﻟﻔﺔ ﺍﻟﻤﺮﻳﻀﻪ ﻭﻣﺘﺨﺮﺑﻄﻪ ﺑﻄﻠﻨﻬﺎ ﻻﻥ ﺻﺎﺭﺕ ﻗﺪﻳﻤﻪ ، ﻻ ﻉ ﺑﺎﻟﻜﻢ ﺗﻀﻐﻄﻮﻥ ﻋﻠﻴﻪ ﺑﻬﺎﻱ ﺍﻟﺴﻮﺍﻟﻒ ﺣﺘﻰ ﺍﻏﻴﺮ ﺭﺃﻳﻲ !
ﻛﻮﻟﻲ ﻻﻣﺞ ﺯﻭﺍﺍﺍﺍﺍﺝ ﻣﺎ ﺍﺗﺰﻭﺝ ﻟﻮ ﺗﻨﻜﻠﺐ ﺍﻟﺪﻧﻴﺎ ﻭﺧﻠﺺ ﻫﺬﺍ ﺍﺧﺮ ﻛﻼﻡ ﻋﻨﺪﻱ .
ﻧﻮﺭ .. ﺍﺳﻴﺪ ﺗﺮﻯ ﺣﺮﺍﻡ ﺍﻟﻲ ﺩﺗﺴﻮﻱ ﺑﺄﻣﻲ ﻭﺑﻨﻔﺴﻚ ، ﻳﺎ ﺍﺧﻲ ﻫﻲ ﺷﺘﺮﻳﺪ ﻣﻨﻚ ﻗﺎﺑﻞ ﻏﻴﺮ ﺗﺮﻳﺪ ﺗﻔﺮﺡ ﺑﻴﻚ .
ﺃﺳﻴﺪ .. ﺣﺮﺍﻡ ﻋﻠﻴﻪ ﻣﻮ ﻋﻠﻴﻜﻢ ، ﻣﺤﺪ ﺍﻟﻪ ﺩﺧﻞ ﺑﺤﻴﺎﺗﻲ .
ﻧﻮﺭ .. ﻭ ﺃﻣﻲ ﺗﺒﻘﻰ ﻭﺣﺪﻫﺎ ﺑﺎﻟﺒﻴﺖ .. ﺍﻧﺖ ﻛﻞ ﺷﻬﺮ ﺗﻨﺰﻝ ﻛﻢ ﻳﻮﻡ ﻭﺗﺮﻭﺡ ﺍﻣﻲ ﻣﻨﻮ ﻳﺒﻘﻰ ﻳﻤﻬﺎ؟ !!
ﺃﺳﻴﺪ .. ﻫﻬﻪ ﻫﻮ ﺍﻧﺘﻮ ﻫﺬﺍ ﺍﻟﻲ ﻫﺎﻣﻜﻢ ﺗﺮﺩﻭﻧﻲ ﺍﺗﺰﻭﺝ ﺣﺘﻰ ﺍﻣﻲ ﻣﺘﺒﻘﻰ ﻭﺣﺪﻫﺎ ﻟﻮ ﺍﻧﻲ ﺍﻛﺎﺑﻠﻬﺎ ﻭﺍﻛﻌﺪ ، ﺑﺲ ﻣﺤﺪ ﺑﻴﻜﻢ ﻓﻜﺮ ﻓﺪ ﻳﻮﻡ ﻳﻔﺮﻍ ﻧﻔﺴﻪ ﻳﺎﺧﺬﻩ ﻳﻄﻠﻌﻬﺎ ﻳﺰﻭﺭﻫﺎ ، ﻳﺎﺧﺬﻫﺎ ﻟﻠﺪﻛﺘﻮﺭ ﻳﺸﻮﻓﻬﺎ ﺷﺘﺮﻳﺪ ﻳﻜﻌﺪ ﻳﺤﺠﻲ ﻭﻳﺎﻫﺎ ، ﻛﻞ ﻭﺍﺣﺪ ﻣﺤﺘﺎﺭ ﺑﻨﻔﺴﻪ ﻭﺃﺳﻴﺪ ﺍﻟﻲ ﻻﺯﻡ ﻳﺴﻮﻱ ﻛﻠﺸﻲ ﻭﻓﻮﻛﺎﻫﺎ ﺍﻃﻠﻊ ﻣﻮ ﺯﻳﻦ ﻭﺍﺭﻳﺪ ﺍﻣﻮﺕ ﺍﻣﻲ !!
ﻧﻮﺭ .. ﺃﺳﻴﺪ ﻣﺤﺪ ﻛﺎﻝ ﺍﻧﺖ ﻣﻮ ﺯﻳﻦ ﻭﻻ ﻣﺘﺒﺮﻳﻦ ﻣﻦ ﺍﻣﻨﺎ ﺑﺲ ﺍﻧﺖ ﺗﻌﺮﻓﻬﺎ ﻻﻣﻲ ﻛﻮﻟﺶ ﺯﻳﻦ ﻣﺘﻘﺒﻞ ﺗﺠﻲ ﻳﻢ ﺍﺣﺪ ﻣﻦ ﻋﺪﻧﺎ ﻭﻻ ﺗﻘﺒﻞ ﺗﻌﻮﻑ ﺑﻴﺖ ﺍﺑﻮﻳﻪ ﻳﻌﻨﻲ ﺍﺷﻠﻮﻥ ﻧﺘﻄﻠﻚ ﻭﻧﺮﺟﻊ ﻧﻜﻌﺪ ﻳﻤﻬﺎ ، ﻟﻮ ﺍﻧﺨﻠﻴﻬﺎ ﻭﺣﺪﻫﺎ ﺑﺎﻟﺒﻴﺖ ﺷﻜﺒﺮﻩ ﻭﺷﻌﺮﺿﻪ ﻣﻨﻌﺮﻑ ﺷﻴﺼﻴﺮ ﻣﻴﺼﻴﺮ ﻭﻣﺤﺪ ﻳﻤﻬﺎ .
أنت تقرأ
في أرض الغرام انت،، دولتي 💛✨🎭🕸️،،
General Fictionروايةة مكتملةة 🕸️🧚♂️،، بالهجةة العراقيةة 🌸✨،، تتحدث عن بنت في دار الايتام 🥺💔 ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، يسألون ماهو حلمك؟؟؟؟ فأجيبهم : أن يكون لي حظ في الدنيا🖤
