ﺍﺳﻴﺪ .. ﺍﻭﻝ ﻣﺎ ﺳﻤﻌﺖ ﺍﻣﻲ ﻛﻼﻡ ﺍﻳﻨﺎﺱ ﻭﺗﺄﻛﺪﺕ ﺍﻧﻮ ﺩﺍﻟﻴﺎ ﺑﻨﺘﻬﺎ ﻭﺍﻟﻤﻮﺿﻮﻉ ﺣﻘﻴﻘﻲ ﻭﻣﻮ ﻛﺬﺏ ﺍﺗﺨﺮﺑﻄﺖ !
ﻃﺒﻌﺎً ﺍﻣﻲ ﻣﺮﻳﻀﻪ ﻋﺪﻫﺎ ﺗﻬﻄﻞ ﺑﺸﺮﺍﻳﻴﻦ ﺍﻟﻘﻠﺐ ﻭﺍﻟﺪﻛﺘﻮﻭ ﻛﺎﻝ ﺍﻗﻞ ﺻﺪﻣﻪ ﺍﻭ ﺍﺭﻫﺎﻕ ﺗﺄﺛﺮ ﻋﻠﻰ ﺻﺤﺘﻬﺎ ﻻﻥ ﻗﻠﺒﻬﺎ ﺍﻭﻻً ﺿﻌﻴﻒ ﻭﺛﺎﻧﻴﺎً ﻣﺮﻳﺾ .. ﻓﻜﺎﻥ ﺍﻗﻞ ﻋﺎﺭﺽ ﺍﻭ ﺍﻧﺰﻋﺎﺝ ﻳﺴﺒﺒﻠﻬﺎ ﻓﻘﺪﺍﻥ ﺍﻟﻮﻋﻲ ﻻﻥ ﮔﻠﺒﻬﺎ ﻣﻴﺘﺤﻤﻞ !
ﺍﻧﻲ ﺍﺑﺪ ﻣﻮ ﺑﻨﻴﺘﻲ ﺃﺃﺫﻱ ﺍﻣﻲ ﻻﻥ ﻫﻲ ﻋﻨﺪﻱ ﺍﻏﻠﻰ ﻣﻦ ﺭﻭﺣﻲ ﺍﺷﻠﻮﻥ ﺍﻓﻜﺮ ﺍﻏﺜﻬﺎ ﻟﻮ ﺍﻛﻮﻥ ﺍﻟﺴﺒﺐ ﺑﻤﻮﺗﻬﺎ؟ !!
ﺑﺲ ﻣﻦ ﻋﺮﻓﺖ ﺍﻧﻮ ﻫﻲ ﺍﻟﻲ ﺧﻠﺖ ﺳﺎﺭﻩ ﺗﺮﻭﺡ ﺍﻟﺪﺍﻟﻴﺎ ، ﻭﻛﻨﺖ ﺭﺍﺡ ﺍﺧﺴﺮ ﺍﺑﻨﻲ ﺍﻟﻲ ﺣﺘﻰ ﻣﺎﺍﺩﺭﻱ ﺑﻮﺟﻮﺩﻩ ﺑﺴﺒﺒﻬﺎ ، ﻭﺍﻻﻋﻈﻢ ﻣﻦ ﻫﺬﺍ ﻛﺎﻧﺖ ﺗﻌﺮﻑ ﺍﻧﻮ ﺍﻧﻲ ﻣﺘﺰﻭﺝ ﻣﺴﺄﻟﺘﻨﻲ ﻭﻻ ﻭﺍﺟﻬﺘﻨﻲ ﻭﺍﺻﺮﺕ ﺍﻧﻮ ﺍﺗﺰﻭﺟﻨﻲ ﻭﺣﺪﻩ ﻻ ﺍﺭﻳﺪﻫﺎ ﻭﻻ ﺍﻃﻴﻘﻬﺎ .. ﻛﻞ ﻫﺬﺍ ﺧﻼ ﺍﻟﻐﻀﺐ ﻳﻌﻤﻴﻨﻲ ﻛﻤﺖ ﻣﺎﺍﺷﻮﻑ ﺍﺣﺪ ﻭﻻ ﺍﺣﺴﺐ ﺣﺴﺎﺏ ﺍﻟﺸﻲ ﺍﻟﺨﻴﺎﻧﻪ ﻫﻲ ﻧﻘﻄﺔ ﺿﻌﻔﻲ ﻭﺍﻣﻲ ﺍﻟﻲ ﺳﻮﺗﻪ ﺍﻛﺒﺮ ﻣﻦ ﺧﻴﺎﻧﻪ ﺑﺎﻟﻨﺴﺒﻪ ﺍﻟﻲ ﻻﻧﻬﺎ ﺑﻜﻞ ﺑﺴﺎﻃﻪ ﺳﻮﺗﻨﻲ ﻟﻌﺒﻪ ﺑﻴﺪﻫﺎ ﻭﺳﺎﺭﻩ ﻫﻲ ﺍﻟﻲ ﺗﺤﺮﻛﻨﻲ !
ﺍﻟﻤﻬﻢ ..
ﻣﻦ ﺷﻔﺖ ﺍﻣﻲ ﺗﺨﺮﺑﻄﺖ ﺍﻋﺼﺎﺑﻲ ﺗﻬﺴﺘﺮﺕ ﺣﺴﻴﺖ ﺑﺬﻧﺐ ﻓﻀﻴﻊ ﻭﻧﺪﻡ ﻻﻥ ﻛﻠﺘﻠﻬﺎ ﻉ ﺍﻟﺤﻘﻴﻘﻪ .. ﺑﺲ ﻣﺎ ﻋﻨﺪﻱ ﺧﻴﺎﺭ ﺛﺎﻧﻲ .. ﻻﻥ ﺍﻣﻴﻲ ﻣﺴﺘﺤﻴﻞ ﺗﺘﻘﺒﻞ ﺩﺍﻟﻴﺎ ﺑﺤﻴﺎﺗﻨﺎ ﺳﺒﻖ ﻭﻛﻠﺘﻠﻜﻢ ﺍﻣﻲ ﺗﺤﺐ ﺍﻟﺸﻜﻠﻴﺎﺕ ﻭﺍﻟﻤﻈﺎﻫﺮ ﻭﺍﻫﻢ ﺷﻲ ﻋﺪﻫﺎ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺗﻌﺘﺒﺮﻫﺎ ﺧﻄﻮﻁ ﺣﻤﺮﺍﺀ ﻭﻣﺎﻛﻮ ﺍﻱ ﻣﺨﻠﻮﻕ ﻋﻠﻰ ﻭﺟﻪ ﺍﻻﺭﺽ ﻳﻜﺪﺭ ﻳﻐﻴﺮ ﻧﻈﺮﺗﻬﺎ ﺗﺠﺎﻩ ﻫﺬﻱ ﺍﻻﻓﻜﺎﺭ ﺍﻣﻲ ﺍﻧﺴﺎﻧﻪ ﺣﺪﻳﻪ ﻟﺪﺭﺟﻪ ﻋﺠﻴﺒﻪ ﺍﺫﺍ ﻛﺎﻟﺖ ﺷﻲ ﻣﺴﺘﺤﻴﻞ ﺗﺘﺮﺍﺟﻊ ﻋﻨﻪ ﺍﻭ ﺗﻐﻴﺮﻩ !
ﻳﻌﻨﻲ ﻋﺎﻳﺸﻪ ﺑﺎﻟﻌﺼﻮﺭ ﺍﻟﻤﺘﺤﺠﺮﻩ .. ﻭﺩﺍﻟﻴﺎ ﺑﺎﻟﻨﺴﺒﻪ ﺍﻟﻬﺎ ﻣﺘﻠﻴﻖ ﺑﻴﻪ .. ﻓﻤﻦ ﺳﺎﺑﻊ ﺍﻟﻤﺴﺘﺤﻴﻼﺕ ﺗﺮﺿﻰ ﻉ ﺯﻭﺍﺟﻨﺎ ﻭﺧﺼﻮﺻﺎً ﺍﻟﻄﺮﻳﻘﻪ ﺍﻟﻲ ﺗﻢ ﺑﻴﻬﺎ ، ﻳﻌﻨﻲ ﺑﻴﻦ ﻗﻮﺳﻴﻦ ﻻ ﻳﻤﻜﻦ ﺗﺘﻘﺒﻞ ﺩﺍﻟﻴﺎ ﻛـ ﭼﻨﻪ ﺍﻟﻬﺎ .
ﺑﺲ ﻣﻊ ﺫﻟﻚ ﺍﻣﻲ ﻣﺘﻘﺒﻞ ﺑﺎﻟﻈﻠﻢ .. ﻟﺬﻟﻚ ﻛﺎﻥ ﻻﺯﻡ ﺍﻛﻮﻟﻠﻬﺎ ﺍﻟﺤﻘﻴﻘﻪ ﺣﺘﻰ ﺗﻌﺮﻑ ﺍﻧﻮ ﺩﺍﻟﻴﺎ ﻣﻮ ﻣﻦ ﺍﻟﺸﺎﺭﻉ ﻣﺜﻞ ﻣﺎ ﻫﻲ ﻣﻔﻜﺮﻩ ﻭﺍﻧﻮ ﻫﻲ ﻣﻈﻠﻮﻣﻪ ﻭﻋﺎﻧﺖ ﺍﻻﻣﺮﻳﻦ ﺑﺴﺒﺐ ﺍﻣﻬﺎ ﺍﻟﻲ ﻫﻲ ﺍﻳﻨﺎﺱ ﺍﺧﺘﻬﺎ ﻻﻣﻲ !
ﺷﻠﺖ ﺍﻣﻲ ﺧﻠﻴﺘﻬﺎ ﻉ ﺍﻟﺘﺨﻢ ﻭﺍﻡ ﻋﺎﺩﻝ ﺟﺎﺑﺖ ﺟﻬﺎﺯ ﺍﻟﻀﻐﻂ ﻭﺍﻟﺴﻜﺮﻱ ﻗﺴﺘﻬﻢ ﺍﻟﻬﺎ ﻃﻠﻊ ﻋﺪﻫﺎ ﺍﺭﺗﻔﺎﻉ ﺑﺎﻟﺴﻜﺮ ﺑﺲ ﻣﻮ ﻫﻮﺍﻱ ﻭﺿﻐﻄﻬﺎ ﺯﻳﻦ !!
أنت تقرأ
في أرض الغرام انت،، دولتي 💛✨🎭🕸️،،
General Fictionروايةة مكتملةة 🕸️🧚♂️،، بالهجةة العراقيةة 🌸✨،، تتحدث عن بنت في دار الايتام 🥺💔 ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، يسألون ماهو حلمك؟؟؟؟ فأجيبهم : أن يكون لي حظ في الدنيا🖤
