أخي قاتل أمي ( روايات ليبية )

حلقة 1🔥

#اخي_قاتل_امي
#المقدمه
#قصه_حقيقه
#من_الواقع_اليبي
.
.
.
.
.
اولا السلام عليكم الروايه هدي مش خيال ولا تاليف هدي قصه واقعيه من مجتمعنا اليبي المؤلم للاسف وانا كاتب فقط بطلب من صاحبه القصه وشكرآ للعقول الراقيه
.
نعرفكم ع الشخصيات طبعا كالعاده بنتكلم بلسان البطله ع طول
.
انا اسمي رتاج عمري حاليا 26 سنه مسيبه القاريه بسبب الظروف المدايه
عندي خويا فارس اصغر مني بي 4 سنوات يعني 22 سنه وعندي اخ تاني اسمه محمد اصغر من فارس وعمره 19 سنه وعندي اختي اسمها ريماس وهيا اخر العنقود وعمرها 7 سنوات باتي متوفي من 2010 الله يرحمه وامي صالحه عمرها 52 سنه وعندها الضغط والسكر
حالتنا علي قدنا نصرفو من معاش باتي الله يرحمه والحمدالله مستوره نسكنو في حوش ملكنا في منطقه في بنغازي اسمها قنفوده خوتي كلهم يقرو ماعادا انا خويا فارس الي هوا الكبير كان قبل الاحداث مافيش اطيب منه ولا احن منه وخويا محمد هدا طيوب بكل وديما في حاله مايتكلمش واجد وطبعا كانت ريماس لما توفا باتي عمرها سنه امي مش مخليه حاجه في خاطرنا بكل الي نبوها تجبلنا فيها ومرات ماتجيبش دوها بيش تجيبلنا الي نيوه لعند 2011 بعد الثوره طول خويا فارس تعرف ع شلة شباب خاربه وقعد يسهر في اليل وقعد يدخن وطبعا امي حاولت تمنعه لاكن لا حياه لمن تنادي لعند يوم من الايام كنت انا ساهره نستنا في فارس يروح وكنت مشغوله عليه ع سبه تاخر واجد وكانت الساعه تقريبآ 3 في اليل وفجائه دق الباب طلعت نفتح اول مافتحت الباب لقيت فارس
.
#اخي_قاتل_امي
#الحلقه_الاولي
#قصه_حقيقه
#من_الواقع_اليبي
.
.
.
.
.

.
انا مش مسامح اي حد ياخد جهدي منغير مايكتب اسمي ويكتب منقول😉
.
.
.
.
.
.
لقيت فارس وجهه متغير عيونه حمر مش قادر يوقف ومسند ع الباب😨
.
انا كنك يافارس شن في من داير فيك هكي😴
.
فارس لسانه تقيل وكلامه متلخبط وقعد يقولي حولي مافي شي حولي😠
.
سندته ودخلته للمربوعه اول مادخل طاح ع الفراش طول وقالي اطلعي وسكري الباب نبي نرقد😑
.
انا باهي وخي فهمني كنك شن فيك ماتخاف مش حنقول لي حد لاكن طمني عليك انتا متعارك معا حد ولا شنو😳
.
.
قعدت يكلم فيا ولسانه تقيل بكل ويقولي في كلام ملخبط مش مفهوم اطلعي بره بكره عندي دبش نبي نشريه من مول متاع باتي مش عارف شنو😨ويخرط ويعجن في كلام في بعضه😴
.
.
عرفته واخد حاجه لاكن مش سكران شميته ريحته مش سكير لاكن تاكدت انه واخد شي وشكيت انه واخد حبوب😣
.
غطيته وطلعت وسكرت عليه المربوعه وطبعا ماحبيتش نقول لي امي هيا اصلا مش ناقصه الي فيها مكفيها😴
.
.
رقدت ونضت الصبح وكان فارس ناض ويعيط يبي فطور نضت علي صوته
.
انا كنك يافارس وسع بالك وخي حاضر توا نديرلك فطور ليش تعيط بس اهدا وراص وخي😣
.
فارس هيا جعان امس ماتعشيتش😡
.
انا حاضر ومشبت درتله فطور وجبتهوله في المربوعه وقعدت جنبه وقعدت نسال فيه فارس انتا شن واخد امس 😐

.
فارس كنك انتي مش واخد شي نا فكيني من الكلام هدا فاهمه😠
.
انا ياوخي انا خايفه عليك من ولاد الحرام وانتا امس ماكنتش طبيعي وكنت تخرف في كلام مش مفهوم😴وعدي بحت في المرايه عيونك مورمات ليش😕
.
.
فارس قلتلك مش واخد شي واطعلي بره خير مانضربك😠
.
انا انصدمت اول مره فارس يقولي نضربك😨
.
انا باهي يافارس براحتك بس نقولك ع شي كانك بتمشي في الطريق هدي اعتبرني لا اختك ولا نعرفك ودور وين تبات معش تجينا للحوش😑
.
.
فارس شنو ع اساس هدا حوشك وقلب صونيه الفطور في وجهي وناض وقعد يقولي لما يكون هدا حوشك تكلمي هدا حوش باتي وكلنا ورثه فيه فاهمه😠
.
ولبس شبشه وطلع وسكر الباب بالقوه بكل😣
.
.
امي ضبحت عليا رتاج بنتي شن في😐
.
انا نعم ماما لالا مافي شي فارس وانتي تعرفيه انا ضغطت عليه شويه نبيه معش يتاخر بره وزعل وطلع😣
.
.
امي انشالله ربي يهديه مش عارفه لي من طالع الولد هدا باته كان طيب الله يرحمه😴
.
محمد خويا الي اصغر من فارس
اصلا فارس ماشي معا شباب متاعين حبوي ومخدرات وكلهم مش كويسن بكل😕
.
انا خلاص محمد اسكت نشالله ربي يهديه
.
محمد حاضر بس راهو ولدكم فارس هدا لازم تشوفوله حل قبل مايجيكم مقتول شي يوم😑
.
.
امي حرام عليك يامحمد ماتقولش هكي محمد طيب ومايديرش هكي ابدآ
.
.
محمد انتي دافعي عليه هكي لعند مايخرب بكل اصلا الي خلاه هكي دلعك ليه😐
.
انا خلاص محمد عدي جيبلنا حجات للحوش نبو نديرو غداء😕
.
محمد حاضر
.
جت الساعه 12 في اليل وفارس مزال ماروحش وقعدت نرن عليه مايبيش يرد وبعدها دار تلفونه مقفل انا انشغلت عليه واجد وعرفاته ماعنداش دماغ ممكن يدير اي شي😣
. بعدها خبط الباب طلعت تفتح لقيت فارس وجايب معاه 2 شباب منظرهم تقول شياطين وباين عليهم مدمنين مخدرات من شكلهم هكي واحد منهم قعد يبحت فيا في تبحيتا غريبه بكل لين رعشت😨
.
فارس خششهم للمربوعه وقالي ديرلنا عشاء بسرعه😠ويعيط
.
ضبحت عليه قلتله تعال نبيك😕
.
خش سالته من هدم😑
.
فارس شن دخلك انتي هدم اصحابي ولا حرام يباتو معايه😠
.
انا لا ماقلتش حرام😕بس هدي مش اشكال تصاحبها صاحب ناس محترمه وعوني ليك نديرلك عشاء ونديرلك شن تطلب😑لاكن توا والله ماني مدايرتلكم شي بكل عدي جيبلهم عشاء من بره😠
.
فارس ضربني كف😨
اول مره يمد يده عليا معقوله هكي انا بصراحه ماوجعنيش الكف لاكن وجعتني كيف يمد يده عليا وانا الي عمري ماقصرت معاه ولا عمري رفضتله طلب😴وقالي وبعد ماضربني قالي مانبي من وجهك شي😒
.
انا بحتت فيه هكي ودمعتي في عيني وقلتله تضرب اختك عشان وحدين مدمنين
.
.
بحت فيا وقالي معش تقولي هكي ع اصحابي فاهمه هدم اشرف منك😐
.
انا مش مصدقه كيف فارس يكلم فيا هكي😨
.
مابيتش نرد عليه وخشيت داري وقعدت نبكي وبعدها نسمع فيه ينوض في امي بيش تديرله عشاء وطبعا امي مستحيل تردله طلب مدلعاته اكتر من الازم ناضت امي ونسمع فيها في المطبخ تدير في عشاء لي فارس بصراحه مهانتش عليا امي طلعت وقلتلها خشي ياماما توا انا ندريلهم😴
.
خشت امي دارها وانا درتلهم العشاء حطيته قدام باب المربوعه وخبطت ع الباب بيش فارس يجي ياخد العشاء لاكن لقيت واحد من اصحاب فارس يبحتلي من الفتحه الي وراء الباب ويبحت تبحيته غريبه بكل وقال نوض يافارس اختك تبيك😑
.
جا فارس وخداء العشاء
.
وانا خشيت لي داري وقعدت تحت البطانيه راقده نص نومه بصراحه كنت خايفه اول مره ناس غريبه مانعرفوهمش يباتو عندنا وطبعا محمد خويا كان يرقد في الصاله بروحه وقعدت هكي لعند خداني النوم وبعدها حسيت بي حد واقف ع باب الدار لاكن وبعدها شفت زي ضي تلفون علي وجهي😨فتحت عيوني هكي و.......؟
.
يتبع
.