أخي قاتل أمي ( روايات ليبية )

حلقة 5🔥

#اخي_قاتل_امي
#الحلقه_الخامسه
#قصه_حقيقه
.
.
.
.
.
.
قعدت نحكليها في كل شي نحس فيه وقلتلها اني لما يكون حد معايا نحس في روحي مضايقه وهدرزلتها كل شي بس طبعا ماحكتليهاش شن صار معايا
.
.
قعدت يمكن اسبوعين والدكتوره هدي كل يوم تجيني لعند ما قالت لي امي روحو بيها للحوش بالك تتحسن لما ترجع وكان تقدرو ارفعوها اماكن تدهور فيهم زي جنينه او ملاهي المهم روحنا للحوش طبعا روح بيا محمد وامي فارس ماشفتاش اول ماخشينا الحوش كان باب المربوعه مسكر😴اول مشفت باب المربوعه وقعدت نعيط وطلعت نجري بره الحوش ومحمد طلع يجري ورايا ويمسك فيا ويقولي تحشمي جيران يشوفو فينا خشي الحوش عيب الي تديري فيه هدا😣
ومسك يدي وقعد يكر فيا شور الحوش مشيت معاه وكنت نرعش وحاسه انه في حد في المربوعه😢جسمي كله يرعش😴
.
خششني محمد بالقوه للحوش وسكر الباب وانا طلعت نجري لي داري طوول😐
.
خشيت داري وسكرت ع روحي الباب
للعلم قبل مانخش المستشفي كان وزني 75 بعد طلعت من المستشفي وصل وزني 47 بدون مبالغه نحكيلكم ماكنتش ناكل مافيش نيه لي شي بكل😣
.
امي قعدت تخبط ع الباب افتحي يابنتي نبي نحكي معاكي فتحتلها الباب خشت وكنت مطفيه الضي مابيتش نخليها تولعه وقعدت تنصح فيا وحرام عليكي تعبتنا في جرتك سادك هكي اعقلي
.
قلتلها يا امي والله بش بيدي نا لاكن مش متخيله اني انا مش بنت😢
.
وقعدت فتره ع الحاله هدي ديما في داري ومسكره ع روحي طبعا فارس كان يجي للحوش ونسمع في صوته ديما لاكن ماشفتاش ولا شافني بكل😕
.
يوم كنت في داري سمعت صوت ضيوف لاكن مانعرفهمش من ماعدلتش شويه خبطت عليا امي قالتلي افتحي الباب نبيكي فتحت الباب خشت امي قالتلي جايينا ضوف البسي وتعالي اقعدي معاهم عيب وسالو عليكي قلتلها من هما قالتلي ماتعرفيهمش باتهم كان صاحب باتك زمان
.
لبست ومشيت غسلت وجهي وقلت نطيب خاطر امي وطلعت سلمت عليهم وقعمزت كانت مرا كبيره ومعاهم بنتين المهم قعدنا وبدو يهدرزو وانا ساكته المرا قالتلي كنك يابنتي متحشمه ولا شنو ليش ساكته😐
.
انا لا والله مش متحشمه بالعكس نورتونا☺

سالتني كم عمرك انتي يارتاج

انا م 92 وكان عمري وقتها 20 قالتلي مشالله كبرتي بسرعه زمان لما كنا نجوكم كنتي صغيره بكل😊
.
بعدها سالتني لعند وين قاريه يارتاج
.
انا 6 ابتدائي☺
.
قعدو يهدرزو شويه بعدها المرا قالت لي امي بصراحه هكي نحنا جاين نطلبو يد بنتكم رتاج لي ولدنا معتز
.
انا😨اول ماسمعت الكلمه هدي صبيت وسيبتهم وخشيت داري طول وقعدت نبكي😢
.
طبعا ماكنوش يعرفو اني انا مريضه واني مش بنت😣
.
وبعد مامشو جتني امي وقالتلي ليش تبكي المفروض تفرحي
.
انا كيف تبيني نفرح كيف قوليلي انا اصلا مستحيل نتزوج ياماما انتي عارفه اني مش بنت كيف بنتزوج😢

.
امي وسعي بالك توا نبيع دهبي ونرفعك تونس ونديرولك عمليه وكانه ماصار شي😴
.
انا مستحيل كيف نخدعو الناس حرام عليكي ياماما شنو تقولي انتي وقعدت نبكي😢
.
امي سيبتني وطلعت وانا سكرت الباب ع روحي ورقدت😣
.
تاني يوم نضت الصبح فتحت الروشن متاع داري وقعدت نبحت منه ع الشارع

. شويه هكي نشوف في فارس طلع من الحوش وبحتت لقيت سياره جت وفيها 2 شباب وركب معاهم وهما يلفو بالسياره شفت الي يسوق ليقته واحد من الي اغتصبوني😨
ومنغير مانندري ع روحي عيطت بصوت عالي ياكلاب ربي ينتقم منكم ياكلاب وقعدت نعيطلهم من الروشن لاكن لما سمعوني ماعدلوش ومشو وطلعو الحيران ويبحتو في مستغربين😣
.
.
ناض محمد ع صوتي وجاني يجري كنك شن في ليش تعيطي😕
.
دفيته بدون قصد وطلعت نجري ع امي وانا نبكي وقعدت نقول لمي شفتهم توا شفنهم وامي انجعت مني قالتلي اهدي من هما الي شفتيهم😨 وانا نقوللها ونبكي الي اغتصبوني شفتهم توا معا فارس😐امي باهي اهدي بنيتي
.
محمد وين شفتيهم الكلاب هدم😡
.
انا معا خوك شفتهم مزال مصاحبهم ماتابش من الي صارلي والله نقتله لما يروح اقسم بالله نقتله وطلعت نجري خشيت داري روح فارس في اليل وكنت انا بصراحه ناويه نديرله شي😕من قهري لما خش المربوعه خليته لين رقد خشيت عليه بطوبو غاز وبديت فيه ضرب وهوا راقد ناض منفجع لاكن من الحبوب ماحسش بالضرب وقعد يبحت فيا ومنصدم ويقولي كنك انتي لابسك جن وانا نضرب فيه مسك الطوبو من يدي ومسكني من شعري وقعد يكر فيا قعدت نعيط ونقوله سيبني ياحيوان ناضت امي وناض محمد وريماس محمد جا يجري ودف فارس طيحه وقعد يتعارك معاه😕
.
وامي حزتهم بعدها خش فارس لمي قاللها والله كان ماتربي بنتك هدي بنقتلها فاهمه😡

.
انا خزي ياحيوان مزال ماتبتش واقعد مصاحب الي اغتصبو اختك بدال ماتقتلهم يلي ماعندك غيره اتفو عليك😐
.
.
.

لعند يوم من الايام نسمع في صوت فارس يعيط ويبي فلوس😑وبعدها نسمع فيه هوا ومحمد يتعاركو ومحمد يقوله فلوس بيش تاخد بيهم حبوب وخشو في بعضهم ضرب ونسمع في امي تحز فيهم بعدها سمعت صوت امي تعيط وتقول محمد نوض ياولدي وتعيط بصوت عالي وصوت محمد اختفا معش نسمع فيه😨طلعت نجري فتحت الباب ولقيت محمد قادمي طايح وامي تعيط والدم ينزل منه تقول سيل😳
.يتبع