أخي قاتل أمي ( روايات ليبية )

حلقة 2🔥

#اخي_قاتل_امي
#الحلقه_الثانيه
#قصه_حقيقه
#من_الواقع_اليبي
.
.
.
.
.
.
شفت خيال واحد لاكن ظلام ماعرفتاش من اول ماشافني فتحت عيوني طلع يجري ع المربوعه😕
.
.
انا معش عرفت شن ندير نعيط ولا نضبح ع ماما ولا شن ندير😴قعدت نرعش لاكن صبيت وطلعت من داري وانا خايفه بحتت هكي ع المربوعه لقيت ضيها مطفي قربت منها بشويه وقعدت نبحت من ورا الباب لقيت واحد منهم ماسك التلفون متاعه ويبربش فيه وجهه باين من ضي التلفون عرفته هوا نفسه الي كان يبحت فيا اول ماخش😨
.
معش عرفت كيف نصرف مشيت لي دار ماما لقيتها راقده وريماس راقده جنبها خديت فراش من الصاله ورقدت في دار ماما لاكن ماجانيش نوم خايفه😣
.
لعند الصبح ناض فارس وناضو اصحابه وطلعو هدا وين تريحت😴
.
مشيت لي داري ندور في تلفوني معش لقيته😐خديت تلفون محمد وقعدت نرن ع تلفوني مقفل😨قلبت الحوش كله مالقيتش التلفون😴المشكله انا ماندورش فيه التلفون مش مهم لاكن عليه صوري كلهم وفي صور وانا في اعراس😢
.
قعدت زي المجنونه وقعظت نرن ع فارس من تلفون محمد قلتله تعال الحوش بسرعه طبعا قعد يعيط في التلفون ويقولي شن تبي فيا مش فاضيلك نا😠
. قلتله صايره مصيبه تعال بسرعه😕
.
.
جا فارس خش الحوش كنك شن في😠
.
انا تلفوني وين😕
.
فارس تلفون شنو فيش تخرطي انتي
.
انا تلفوني معش لقيته وينه😠
.
فارس وانا شن دخلني اسالي روحك😑..
.
انا تعال نبيك في المربوعه😐
.
فارس ها كنك
.
انا اسمعني منغير ماتعيط امس وانتا راقد في سابع نومه واحد من الي تسمي فيهم اصاحبك خش عليا داري وانا راقده ونضت رقدت معا ماما ولما مشيتو مالقيتش تلفوني وتلفوني معبي صور ليا😣
.
فارس انتي تتخيالي اصحابي مستحيل حد منهم يدير حاجه زي هكي هدم اكتر من خوتي ونعرفهم زين ودوري تلفونك وين مريحتيه😒
.
.
انا يافارس هدم اصاحبك والله مش كويسن ويبو يضيعوك والله واحد منهم خش عليا وانا راقده عليش بنتبلي عليهم انا افهمني وراص خي تلفوني راهو في صور وانا في اعراس راهو انا شرفك وعرضك وتلفوني معا واحد من اصاحبك خليه ياخده لاكن امسح صوري منه حرام عليك😢
.
.
فارس حولي هكي نا مش فاضيلك ودفني وطلع وسكر الباب😕
.
ضبحت عليا امي رتاج شن في ليش صوتكم عالي كنه فارس
.
انا شي ياماما مافي شي
.
محمد شنو رتاج لقيتي تلفونك
.
انا لا يامحمد وفارس قال مش معاه
.
محمد مش مهم خودي تلفوني خليه معاكي لين تحصلي تلفونك😉
.
انا مش قصه تلفون يامحمد لاكن تلفوني فيه صور وخايفه يطيح في يد ولاد الحرام😴
.
.
محمد لا انشالله مش حيصر شي
.
قعدنا لعند اليل هكي هلي رقدو وقعدت انا نستني في فارس الساعه 1 في اليل دق الباب فتحت لقيته فارس عيونه حمر وجهه اصفر قلتله خش قالي لا نبي فلوس😕
.
انا فلوس شنو يافارس امس مش امي عطاتك 20 وينهم😑
.
وشن تبي فيهم في هاليل😕
.
فارس يتكلم ولسانه تقيل وانتي شن دخلك نبي 200 جنيه توا😠
.
انا باهي خش وتوا نتفاهمو خش
.
فارس لا نبي 200 يا اما بنولعلكم في الحوش😡
.
انا معش عرفت شن ندير قلتله يافارس انتا عارف الحوش كله مافهوش حتا 50 جنيه منين بنجيبلك 200😕
.
فارس مش شوري نا توا نبي فلوس
.
وقعد يعلي في صوته😑
.
قلتله اسمع فلوس مافيش تبي تخش خش تبي تمشي اقلب وجهك وسيبتله الباب مفتوح وخشيت لي داري😴
.
سكرت الباب ع روحي خفت يديرلي شي وهوا مش في وعيه
.
بعدها نسمع في خربشه في المطبخ😕
.
خفت نطلع
.
قعدت شويه لين حسيته طلع
.
طلعت مشيت الكوجينه لقيته واخد بنبله الغاز😨
.
طلعت نجري ع باب الحوش لقيته مسيب الباب مفتوح بحتت هكي بره الحوش لقيته يحط في البنبله في سياره واحد من اصاحبه😳
.
طلعت نجري نوضت محمد نوض بسرعه نوض😕
.
محمد كنك شن في بسمالله كنك
.
انا نوض فارس سرق بنبله الغاز اطلع بسرعه جيبها منه😑
.
محمد
طلع لقاهم مشو😕
.
خش قالي كيف ياخدها وانتي وين كنتي😑
.
انا خبط فتحتله وطلب 200 جنيه قلتله مافيش وخشيت داري بس مانحسباش بيدير هكي😣
.
محمد خش رقد وانا قعدت لعند الصبح وفارس ماجاش وكنت مشغوله عليه
.
طبعا امي وحيده ماعندهاش خوت وباتي عنده خو واحد لاكن عمي هدا تقول مايعرفناش بكل انسان مرته هيا الي متحكمه فيه
.
المهم انا بصراحه معش عرفت شن ندير لاكن قلت نرن ع عمي بالك شهامته تتحرك شويه رنيت عليه خير ياعمي هوا خير يابنت خويا شن حالكم وشن حال امك والله اليوم جيتو ع بالي وكنت نبي نتصل بيكم نطمن عليكم لاكن انتي سبقتيني انا ولا يهمك النيه واصله بس نبي منك خدمه ياعمي ماعندناش حد غيرك
.
عمي تفضلي يابنتي قوليلي شن في
.
انا بصراحه فارس متعرف علي شله شباب فاسده وبدا يتعاطي في مخدرات وامس سرق بنبله الغاز من الحوش ولعند توا ماروحش ومش عارفه شن ندير معاه وانتا عارف امي مريضه وانا بنت ومانقدر ندير شي😣
.
عمي والله يابنتي انا ماعندي ماندير شن بنديرله يعني وبصراحه امك هيا السبب مدلاعته زياده ع الزوم تحملو ملا😕
.
انا باهي شكرا ياعمي سلملي ع اصغارك سلام😑
.
.
قعدت محتاره ضبحت ع محمد قلتله اطلع دور ع فارس شوفه وين
.
محمد وين بندور عليه انتي عارفه انا ماعنديش في الخويط هدا توا شويه ويروح😕
.
ناضت امي ومشت المطبخ مالقتش البنبله
ضبحت عليا وين البنبله
انا بعتتها معا متاع المستودع بيش يعبيها ومزال ماجاش ياماما
.
امي ليش مش كل مره يبدل فيها لنا وهوا هنا😕
.
.انا اها لاكن المره هدي قالي كملت وعطيته البنبله توا يعبيها ويجيبها☺
.
.
امي وين فارس
.
انا طلع معا اصحابه
.
قعدت لعند اليل وانراجي في فارس وهلي رقدو كالعاده وانا والله ماقدرت نرقد وخايفه عليه تصيرله حاجه😣
.
الساعه 2 فاليل سمعت صوت سياره وقفت قدام الحوش طلعت نجري نبحت من فتحت الباب لقيته فارس نازل من السياره ومش قادر يمشي ونزل معاه واحد من اصحابه وصله للباب وركب السياره ومشا
.
فتحت الباب ودخلت فارس للمربوعه وقعدت نسال فيه وينك من امس وين البنبله لاكن ماكانش قادر يتكلم ورقد😐
.
مشيت رقدت نضت الصبح ماعرفتش شن ندير البنبله مش قاعده وكيف بنطيب امس كملناها خبزه وجبنه😕
.
والله والحوش مافيهوش حتا 50 جنيه ع بعضهم😑
.
كلمت محمد قلتله معلش عشان امك ماتعرفش عدي بيع تلفونك وجبلنا بنبله والله غالب
.
محمد وانا شن دنبي نبيع تلفوني عدي خودي تلفون فارس😕
.
انا معلش يامحمد بعد تخلص امي توا نجيبلك تلفون مكانه .
.
محمد عدا باع تلفونه وجابلنا بنبله وجا
.
طبعا انا مانبيش امي تعرف شي ع خاطر الزعل واعر عليها عندها ضغط وسكر😣
.
.
وقعد فارس ع هالحاله اسبوع يطلع الصبح ويجي اخر اليل متعاطي
.
لعند الحكايه تطورت طلع فوق السطوح وخدا فرشات وحطهم وقعد يجيب في اصاحبه يسهرو معاه فوق السطاح وكل مانتكلم امي تقولي خليه يسهر هنا خير مايسهر بره😕
.
يوم من الايام جاب معاه اصاحبه وطلعو لي السطاح وانا الحق كنت مانرقدش نخاف الساعه 3 في اليل طبعا كانو يسهرو ويرقدو ع السطاح كان صيف المهم سمعت صوت حد نازل ع الدروج وانا كنت في المربوعه نتفرج ع التفزيون كان عندنا تلفزيون واحد بس وكنا حاطينه في المربوعه عشان لو جانا ضيف
المهم كانت الدروج جنب المربوعه طول المهم اول ماسمعت الصوت صبيت طول حيت بنطلع من المربوعه وخش عليا صاحب فارس هدا الي كان يبحتلي في تبحيتات غريبه😨
.
انا كنك شن في شن تبي😳
.
هوا خش وسكر الباب وقالي اسمعيني للخير بس كان عليتي صوتك حتندمي 😠
.
.
انا ارتبكت وقعدت نقوله شن تبي انتا عيب عليك تحشم مش فارس صاحبك معقوله تخش ع اخته هكي😕
.
قالي اسمعي تلفونك عندي والصور متعاتك كلهم عندي وتوا انتي نشوف فيكي عاقله واختاري يا اما ننشر صورك كلهم ع الفيس والانترنت ياما تعطيني الي نبيه ونرجعلك تلفونك ها شن قلتي😡
.
.
انا قعدت نضبح بصوت عالي يافارس😴
.
جا يجري وحط يده ع فمي قالي اسمعي ياحلوه فارس توا مش حيسمعك ع سبه سكران طينه ومنبيش نسمع صوتك بيش مانزعلكش خليكي هاديه فاهمه😠
.
.
يتبع
.