أخي قاتل أمي ( روايات ليبية )

حلقة 8🔥

#اخي_قاتل_امي
#الحلقه_الثامنه
#قصه_حقيقه
#من_الواقع_اليبي
.
.

.
.
.
.
معتز بصراجه هكي انا ماعنديش في الف والدروان وجو متاع الشباب هدا ونحبك وعلاقه ما علاقه مايمشيش معايا بكل
.
لاكن انا نبي نجي من الباب طول
انا حبيتك ونبي نطلب يدك من هلك
موافقه تكوني مرتي بالحلال☺
.
انا😨انصدمت
معتز شن تقول انتا
لا طبعا مستحيل مامعتز وحولت يده من ع يدي وقلتله سامحني لازم نمشي توا😴
.
.
معتز ليش زعلتي وليش انصدمتي هوا انا قلت شي غلط ولا عيب ولا انا مش عاجبك ولا كيف فهميني😕
.
.
انا لالا انتا فهمتني غلط بالعكس انتا ماقلت شي غلط وانتا كلك رجوله وشهامه والف بنت تتمناك بس انا بصراحه مانقدرش ومانفكرش نتجوز عندي ظروف😣
.
.
معتز باهي تمام بس ممكن نعرف شن هيا ظروفك بالك نساعدك😕
.
.
انا اسفه معتز طولت ع محمد هيا تصبح ع خير😴
.
ومشيت وسيبته خشيت دار محمد لقيته راقد طلعت قعدت في الممر كالعاده وبديت نبكي ع حالي😢
.
.
وقعدت نفكر في معتز بس في النهايه مافيش حل انا ماينفعش نتزوج ولا ينفع نحب حد للاسف انا مش زي اي بنت انا فيا شي ناقص اعز شي فيا فقدته😣
.
وقعدت نفكر ودمعتي ع خدي
.
. تاني يوم الصبح كان موعد خروج خويا محمد من المستشفي
.
قبل مانطلعو مشيت لي معتز في داره
.
انا اهلين معتز كيف حالك اليوم
.
معتز بخير انتي شن حالك
.
انا تمام بخير تسلم
المهم نا جايه نطمن عليك ع خاطر اليوم بنطلعو من المستشفي😣
..
.
معتز😨بجديات باهي قصدك معش بنشوفك😣
.
.
انا مش مهم ومعرفه طيبه وانشالله تنوض بالسلامه😴
.
.
معتز انتي شن قصدك😣
توا بالله عليكي انا في شن غلطت معاكي قوليلي بس
.
.
انا من قال انك غلطت معايا

.
معتز باهي ليش يابنت الناس انا جيتك من الباب وانتي رفضتيني منغير اي سبب مقنع باهي عطيني سبب واحد مقنع بالك انتي تحبي شخص تاني😐
.
.
انا لا مانحبش حد لاكن انا ليا ظروفي بالله عليك يامعتز ماتكثرش عليا انا الي فيا مكفيني وانا والله ماناقصني ع المهم ربي يبعتلك بنت الحلال الي تصونك😴
.
.
وطلعت وسيبته😣
.
.
روحنا للحوش
.
امي حمدالله ع السلامه
.
محمد تسلمي
.
انا شن صار في فارس روح😕
.
امي لا والله يابنتي مشغوله عليه بالك يديروله شي😣
.
انا اطمني انشالله مش حيصيرله شي
.
.
قعدنا قريب 3 ايام وفارس مختفي
.
اليوم الثالث الباب يخبط الساعه 1 في اليل
.
انا نضت فتحت الباب لقيته فارس😨
.
.
دفني وخش للحوش وقعد يسال وين امي
.
انا شن تبي فيها امك راقده
.
.
فارس خش دار امي ونوضها
.
وقعد يعيطلها ويقوللها نبي 300 جني توا بسرعه😠
.
.
امي بسم الله الحمدالله انك رجعتلنا سالم وليدي هدي روحك شن تبي فيهم 300 توا عقاب ليل ارقد والصبح ساهل😣
.
.
فارس قلتلك نبي 300 توا بسرعه خير مانكصرلكم الحوش ع روصكم😡

.
.ناضت ريماس من الصوت وقعدت تبكي 😴
.
لما شافت فارس يعيط ع امي طلعت من الدار وجايه تجري عليا مسكها فارس
.
خدها وطلع يجري بيها ع المطبخ وجاب موس وحطه ع رقبت ريماس😨
.
وقعدت يعيط هاتو 300 بسرعه خير ماندبحها لكم😡
.
امي قعدت تعيط بصوت عالي
.
.
محمد كان راقد في المربوعه ناض وجا يجري شن في فارس فيش تدير انتا😐
.
.
فارس انتا مش شورك خليك بعيد خيرلك فاهم😠
.
فارس هيا بسرعه هاتو 300 والله نبدحها الله

.
ريماس تبكي بصوت عالي مسكينه😢
.

امي كانت مزال كيف واخده المعاش
.
طلعت تجري ع الدولاب وجابتله الفلوس وعطتهمله
.
فارس سيب ريماس وخدا الفلوس وطلع😴
.
ريماس جت تجري عليا وتبكي وترعش مسكينه..
.
امي قعدت تبكي حتا هيا
.
محمد والله نقتله فارس هدا لازم يموت بيش الحوش يتريح منه😠

.
امي حرام عليك هدا خوك ماتقولش هكي😴
.
.
مشينا رقدنا
.
تاني يوم جا فارس في اليل فتحتله وكان مايشوف في شي قدامه واخد حبوب لين عميان بكل
.
.
خششته المربوعه ومشيت رقدت
.
تاني يوم بعد ماناض فارس جا لمي وقاللها انا نبي حقي في الحوش😐
.
امي حقك شنو ولدي
.
فارس نبي الورث متاعي
.
امي باهي ونحنا نقعدو في الشارع ولا كيف😕
.
فارس نا مش شوري نبي حقي فالحوش ماعنديش علاقه بيكم وين تقعدو😡
.
.
امي باهي لما نموت انا خود نصيبك تمام😑
.
.
فارس لالا توا بيعو الحوش وكل واحد ياخد حقاته😠
.
.
جا محمد قال لي فارس تبي حقاتك بيش تاخد بيهم حبوب وحشيش ملا😐
.
فارس انتا سكر فمك خيرلك
.
محمد انتا زودها بكل راهو انتا مش طبيعي عدي تعالج من الخرا الي تاخد فيه هدا😠
.
.
فارس ناض وقال لمي معاكم 24 ساعه ماتبيعوش الحوش والله نولعلكم فيه وانتم راقدين تمام😡
.
وطلع
.
امي نشالله ربي يهديه وقعدت تدعليه
.
محمد هدا المفروض تدعي عليه مش تدعيله😑
.
قعدنا هكي لعند العصر الباب خبط
.
انا طلعت نفتح
.
اول مافتحت لقيت وحده مش كبيره في العمر تقربيا 35 سنه
.
انا تفضلي
.
هيا معلش مش هدا حوش الحاج اعمر الله يرحمه
.
.
انا مظبوط تفضلي .

.
هيا انتي رتاج
.
انا اها نشالله خشي تفضلي
.
هيا دقيقه بس يجي ولد اختي يدرس في السياره
.
بحتت هكي لقيت
.
.
يتبع
.