أخي قاتل أمي ( روايات ليبية )

حلقة 15🔥

#اخي_قاتل_امي
#الحلقه_الخامسه_عشر
#قصه_حقيقه
#من_الواقع_اليبي
.
.
.
.
.
.
لقيته معتز طبعا😂
قلبي رجع في مكانه وااااك كنت ع اعصابي
.

انا تفضلو
.
خشو وخشت خالته
.
انا معتز كنه تلفونك مقفل😠وليش تاخرت شغلتني عليك ها
.
معتز اسف حبي تلفوني فصل شاحن والي اخرنا كنا ندور في خاتم حلو زيك هكي😉
.
انا تسلم بس والله كنت ع اعصابي☺
.
معتز وين امك انا جوا توا تجي
.
خشيت كلمت امي طلعت وجت قعمزنا
.
معتز كيف حالك ياعميمه
.
امي بخير ياولدي تسلم
.
معتز طبعا انتي عارفه انا جاي نطلب يد رتاج منك زعمه موافقه ولالا☺
.
امي اكيده طبعا موافقه
.
معتز تمام التمام شن طلاباتكم
.
امي مش عارفه والله بالنسبه ليا مانبو شي غير سلامتك لاكن شوف رتاج اهي قدامك
.
معتز شن طلاباتك يارتاج
.
انا سلامتك بس مانبي شي😉
.
معتز كيف ماتبي شي اكيده اي عروسه ليها طلابات طبعآ
.
انا بالعكس نا مانبي اي شي وقربت منه وبصوت واطي قلتله انا نبيك انتا وبس☺
.
معتز ابتسم وقال باهي تمام
.
انا بنجيبلك دهب بي 10 لاف
وكل شي مني انا الاثاث وكل شي يخص الحوش والعرس وكل شي عليا😉
.
وبنكتبلك مؤخر 100الف تمام شن رايكم
.
امي بالك واجد عليك يامعتز هدا كله
...
معتز مافي شي واجد ع رتاج ياعميمه😉
.
انا تسلم معتز بس مانبيش مؤخر مش مهم عادي☺
.
معتز لا هدا حقك كيف عاد
.
معتز ها نقرو الفاتحه
.
امي نقرو ليش لا
.
وقرينا الفاتحه
.
معتز هاتي يدك😊
.
مديتله يدي طلع الخاتم ولبسهولي😍
.
وكان خاتم يهبل
.
معتز الف مبروك رتاج
.
انا الله يبارك فيك
.
خالته قعدت تغرزط وقالتلي الف مبروك
.
معتز نشالله العرس الخميس الجاي متفقين
.
امي مافيش مشكله شن رايك انتي يارتاج
.
انا عادي مافيش مانع☺
.
وشربنا عصير وكلينا تورته ومشا معتز وخالته
.
وكلمني ف التلفون قالي وتي روحك بكره بنطلعو ندهورو😉
.
انا وشغلك

معتز انا خديت اجازه شهر
.
انا تمام حاضر ساعه كم
.
.
معتز ع الفجر بنطلعو😊
.
انا ليش بدري هكي
.
معتز ع سبه ناخدو راحتنا ونروحو بدري😉
.
استادنت من امي وطبعا اليله هدي مارقدتش من الفرحه مش مصدقه روحي بكل
.
الفجر رن عليا معتز هيا وتي روحك جاي ف الطريق
.
وتيت روحي ودق الباب طلعت لقيت معتز
ركبت معاه ف السياره وطلعنا
.
وكانت الشمس مزال ماطلعت
.
معتز وقف ع مطعم جابلنا فطور سندوتاش وخش دكان جاب عصير ومشروبات وشكلاطات وجو من الاخير وطلعنا توا نا سالته وين ماشين قالي صبرك
.
وطلع ع طريق طويله وانا نسال وين ماشي يامعتز
.
لعند ماطلعنا بره بنغازي بكل
.
معتز قالي بنمشو لي سوسه وشحات وشلالات درنه واثار شحات وبندهورو😉
.
وكان معتز واخد معاه خيمه صغيره
.
وصلنا عند استراحت الحيطه درس معتز
.
وقالي تعالي نشربو قهوه
.
نزلنا شربنا قهوه وقعمزنا شويه وطلعنا
.
وطبعا انا اول مره في حياتي نطلع بره بنغازي
.
اول ماطلعنا من استراحت الحيطه خشينا ع طريق جبال وديان وطبعه مش عاديه وانا نسال في معتز مقعوله ليبيا فيها مناطق هكي😨
.
معتز مزال حبي مزال في احلي من هكي
.
وقعدنا ماشين وكان احلي يوم في حياتي كلها وكان معتز مولع اغنيه وليد التلاوي مره يزعل مره يرضي نا حبي كيف نديرله
.
وكنا كيف طالعين من الشتاء والجو بروحه كان يهبل😍
.
وبعدها خشينا ع وادي الكوف😨
معتز قالي انزلي تفرجي
بحتت من فوق الجسر لين حسيت روحي دخت شنو هدا معقوله هدا كله وادي😕
.
معتز تعالي نصورو سلفي😉
.
قعدنا نصورو وكان مافيش حد صبح وناس راقده نحنا وبس نعليا😍
.
وركبنا السياره اخره وطلعنا
.
خشينا ع البيضه محلاها حتا هيا تهبل
.
ومن البيضه طلعنا ع شحات وخشينا للاثار تاع عمر المختار😍
.
قعدنا شويه نتفرجو بعدها طلعنا ع سوسه مناظر خيال بكل تقول مش في ليببيا ومن سوسه راص الهلال نعليا وبعدها درنه وشلالات درنه واااو لين حسيت روحي في اروبا😁
.
وبعدها رجعنا لي راص الهلال مكان هكي فاضي مافيش حد و ع البحر معتز نزل ركب الخيمه وفرش ديسا وقعمزنا جوا الخيمه😍
.
ياربي حسيت روحي نحلم والله مش مصدقه بجديات كان يوم خيال
.
ومعتز فتح شنطت السياره ولعلنا اغاني رومنسيه وكان جايب معاه شوايه ولحم وبدينا شوي وااااو شعور لا يوصف بكل وحقربي حسيت روحي ماكنتش عايشه قبل😴
.
معتز قالي رتاج انا نحبك واجد بكل😍
.
انا رديت عليه بس انا اكتر😉
.
معتز لا انا اكتر
.
انا باهي انتا تحبني قد شنو
.
معتز قد البحر الي تشوفي فيه هدا
.
انا بس انا نحبك قد الكون هدا كله😉
.
معتز قعد يضحك وخداني في حضنه😍
.
وقالي تصدقي اول مره نحس روحي فرحان هكي☺
.
انا حتا نا والله بجد اول مره في حياتي نفرح اصلا ربي مايحرمني منك بكل ياعمري😍
.
معتز باهي هاتي بوسه😁
.
انا لا تحشم😑
.
معتز نحنا مخطبوين عادي حبي ليش متحشمه انتي بتكوني مراتي😉
.
انا بعد نجوزو ساهل توا نفكر نعطيك ولالا😐
.
معتز صار بتفكري😂
.
انا اكيدطبعا ومرات مانعطيكش ع حسب جوي😁
.
معتز حولني من ع صدره وقالي هي زعلت منك😕
.
انا واك ليش هكي توا كنت دفيانه ليش حولتني من ع صدرك😑
.
معتز بنشوف اللحم حبي مرات ينحرق😉
.
شاف الحم وجاني وحط راصي ع صدره قالي هيا عاد عطيني بوسه😴
.
انا لا
.
معتز بوسه وحده بس😕
.
انا بشرط
.
معتز شنو😑
.
انا في خدك
.
معتز به هيا
.
انا امواااه تريحت توا😴
.
معتز الله محلاها تهبل نعليا منك😍
.
انا خلاص اسكت عاد😑
.
معتز باهي توا دوري انا نعطيكي بوسه😄
.
انا لا نبيش😑
.
معتز به خلاص نبي نرجعلك البوسه تاعك عش نبيها😕
.
انا والله
.
معتز اها ومسك راصي وباسني في خدي😨
.
انا واااك مش قلتلك لا😕
..معتز خلاص رجعتلك البوسه حبي مافيها شي😄
.
وقعدنا نضحكو ونبصرو والجو يهبل
.
طاب اللحم وكلينا وقعد معتز يوكل فيا بيده😍
.
وانا نوكل فيه😄
.
معتز قالي شن رايك نخشو البحر توا😉
..
انا لا جو صقع ونا عنديش دبش اصلا😁
.
معتز باهي صبي نتمشو شويه ع البحر
.
انا هي
.
معتز طلع التلفونات من جيبه وحطهم ف الخيمه
...
وقالي وين تلفونك قلتله في جيبي قالي سيبيه ف الخيمه
.
انا ليش
..
معتز مرات يطيح منك ف الرمله ولا شي بس
.
قلتله تمام وسيبت التلفون ف الخيمه
وطلعنا نتمشو ع الشط😍
.
وقاعدين نهدرزو عادي بكل مافي شي ولنا ماشيه ومطمنه بكل😣
.
وفجائه لقيت معتز شالني وخش بيا للبحر😨
.
وانا نعيط حرام عليك شن تدير
.
ومعتز يضحك وخش بيا المشكله ماعنديش دبش نلبسه😕
.
وقعد يبحت فيا ويضحك
.
قلتله باهي توا منين بنجيب دبش نا😑
.
معتز عادي حبي توا نقعدو شويه وتجفي شن بيصر يعني
.
وجاني وقعد يشيل فيا ويرميني ف البحر😄
.
كان الجو صقع
. بس معا معتز ماحسيتش بشي بكل وقعدنا نلعبو ف البحر هوا يجري ورايا بيبي يغرقتي وانا نجري زي الهبله ونعيط😂
.
لعند قريب المغرب طلعنا وقعدنا شويه وبعدها معتز قالي هيا بيش ماتتاخريش ع امك ولمينا الخيمه وركبنا السياره وطلعنا
.
وصلنا لي استراحه الحيطه قريب ع الساعه 9 معتز قالي خليكي هنا نخش نجيب عشاء من المطعم ونجيكي جابلنا عشاء وجاب وجبه لي امي وجبه لي ريماس
.
وروحنا وكان يوم يهبل والله😍
.
خشيت الحوش وتمنيت مانروحش اليوم هدا😴

.
خشيت اول ماخشيت بحتت هكي ف المربوعه لقيت😨.....؟
.
يتبع