أخي قاتل أمي ( روايات ليبية )

حلقة 9🔥

#اخي_قاتل_امي
#الحلقه_التاسعه
#قصه_حقيقه
#من_الواقع_اليبي
.
.
.
.
.
.
.
.
بحتت لقيت معتز نازل من السياره وماسك في يده تورته😨
.
اول ماشفته خشيت نجري للحوش ضبحت ع محمد قلتله اطلع شوف في ضيوف بره😕
.
.
خشيت داري لميت شعري ونضمت روحي
.
وطلعت لقيت محمد مخششهم مشيت لي الصاله سلمت ع المرا وقعمزت
.
امي يامرحبا نورتونا والله
.
المرا تسلمي ياحاجه
.انا خالت معتز الي كان ممرض محمد ولدك والحمدالله ع سلامته
.
.
امي الله يسلمك اها نعرفه معتز والله بارك الله فيه ماقصرش معانا بكل ربي يحفظه شاب اخلاق ومؤدب
.
.
انا صبيت خشيت للمطبخ لقيت التورته درتلهم شاهي وجبتلهم التورته وضبحت ع محمد عطيته الشاهي والتورته
.
محمد قالي كنه معتز ليش جاي😕
.
انا وين نندري عليهم بالك جاي يطمن عليك😑
.
مهم مشيت للمرا حطيتلها تورته والشاهي وقعمزت
.
المرا كيف حالك يارتاج وشن امورك وشن مدايره والله من كتر مامعتز يحكيلي عليكي حبيت من قبل مانشوفك☺
.
.انا تسلمي كلك دوق والله معتز وقف معانا وماقصرش بكل ربي يحفظه نشالله
.
.
وقعدنا نهدرزو
.
بعدها المرا قالت لي امي بصراحه هكي نحنا جاين نطلبو يد رتاج منكم وطبعا معتز امه متوفيه وانا مكان امه وباته راجل كبير اشويه وعنده سكر مايقدرش يتحرك واجد وماقدرش يجي معانا😐
.
.
امي لا عادي انتم تكفو وتوفو
.
بالنسبه لي رتاج نحنا ماعندناش مانع لاكن يعني عطونا فرصه بس نفكرو فيها ونردو عليكم☺
. مهم مشو
.
.
امي ها يابنتي شن رايك في معتز😕
.
انا لا معتز ولا غيره انا نبيش نجوز فاهمين فكوني الله يربحكم عاد خلوني في حالي😴
.
محمد وليش تبيش تجوزي تره😑
.
.
انا هكي مانبيش انا حره انتم ليش تاعبين ارواحكم ها😕
.
محمد انتي تحسابي امك بتقعدلك العمر كله ولا شنو😑
.
انا ياودي انا مش حنجوز اوكي طلعوه الموضوع من روصكم بكل😴
.

خشيت داري وسيبتهم
قعدت نفكر كيف يبوني نتجوز وانا مش بنت😣
.
يعني مستحيل تصير حاجه زي هكي باهي حتا لو انا وافقت شن دنب الراجل مسكين😢
.
قعدت نفكر لين خداني النوم
.
رقدت معا الساعه 2 هكي نسمع في صوت خربشه لاكن خفت نطلع الحق😴
.
نضت وقمزت ع السرير ومش عارفه شن في بره
بعدها نسمع في صوت الباب الي بره اسكر😨
.
بعدها نشم في بنة دخان في حاجه تنحرق😳
.
فتحت باب داري وطلعت نشوف شن في
.
لقيت المربوعه والعه فيها النار والصاله حتا هيا الفرشات الي فيها شايطه فيهم النار😨
.
قعدت نعيط بصوت عالي وطلعت نجري ع دار امي نوضتها هيا وريماس ومحمد كان راقد في المربوعه😣
.
معش عرفت كيف نخش لي محمد باب المربوعه والعه فيه النار قعدت نعيط من بره نضبح ع محمد وهوا يقولي مش عارف كيف نطلع ويعيط وامي تعيط والحوش انقلب كله نار في نار
.
طلعت نجري نبي نفتح باب الحوش لاكن نار المربوعه قريبه منه بكل وماقدرتش فتحت روشن داري وقعدت نعيط ونضبح ع الناس بس ليل وكلهم راقدين😴ونسمع في محمد يعيط بصوت عالي بنموت بنموت الحقوني😣
.
وامي من الدخان داخت وطاحت ع الوطا
.
ورماس تبكي انا كله نفكر في محمد حصل في المربوعه بروحه😨
.
وقعدت نعيط من الروشن ياناس ياهو اسعفونا بنموتو
.
بدو يطلعو الجريان وقعدو يدفو في الباب بيش يفتحوه وانا نعيط خويا بيموت الحقونل بسرعه😢
.
وبعدها معش سمعت صوت محمد كان يعيط وسكت😣
.
والناس تكسر في الباب😴
.
وامي طايحه مسكينه
.
والنار بدت تخش من الصاله لي المطبخ وامي وريماس في دارهم النار سكرت عليهم معش نقدر نمشيلهم وانا حصلت في داري😣
.
وقعدت نبكي وندعي ياربي امي وخوتي😢
.
وقعدت نضبح ع محمد مايبيش يرد عليا
.
وريماس سكتت معش تبكي😣
.
وانا من الدخان خلاص معش عرفت شن ندير سكرت الباب ع روحي😴
.
يتبع
.