أخي قاتل أمي ( روايات ليبية )

حلقة 13🔥

#اخي_قاتل_امي
#الحلقه_الثالثه_عشر
#قصه_حقيقه
#من_الواقع_الليبي

.
.
.
.
.
.
.
.
معتز قالي كملي نسمع فيكي
.
انا وبعدها خشو عليا هما الاثنين وصار الي صار😣
.
معتز شن صار قصدك اغتصبوكي😠
.
انا اها للاسف اغتصبوني😢
.
معتز لا حول ولا قوه الا بالله
وناض من جنبي وقعد ويخبط ع يده وعدا وقف عند روشن الدار وقعد يبحت منه وساكت ومايبيش يبحت فيا بكل😣
.
انا حسيت انه معتز زي الي معش يبيني او مش مصدق مهم مافهمتش شي وكنت نبكي بحرقه بعدها قلتله كنك ماتبيش تبحت فيا اكيده الموضوع صعب انه يتصدق واكيده توا في بالك تقول انا وحده مش كويسه واكيده متحشم حتا تبحت في وجهي😴
.
معتز برم وجهه وبحت فيا قالي شنو الكلام الي تقولي فيه هدا معقوله تقولي هكي بالعكس والله مصدق كل حرف قلتيه وانا كنت حاسس انه صايرلك شي من حزنك ومن عيونك باين عليكي انه صايرلك شي بس بنقولك ع شي يارتاج .
.
.
انا تفضل
.
معتز اول حاجه امسحي دموعك ومعش تبكي😉
.
انا حاضر
.
معتز نوضي اوصبي نوضي
.
انا وقفت
.
معتز قرب مني وحط يده الاثنين ع كتفي وحط عينه في عيني بس انا نزلت عيني متحشمه منه
.
رفع راصي بيده وقالي من يوم وغادي معش تنزلي راصك غير للي خالقك بس😕
.
وبعدها قعد يمسح في دموعي بيده وانا مستغربه😑
.
وقالي بحتي في عيوني
.
انا قلتله مانقدرش نتحشم
.
معتز سلمها العسل متحشمه مني نا☺
.
غير بحتي في عيوني بنقولك شي
.
انا رفعت عيوني وبحتت في عيونه وكان مبتسم بكل وفرحان☺
.
وقالي رتاج انا نحبك ونعشقك ونعشق هالعيون الحزينه المكسوره ونوعدك مانتخالاش عنك ولا دقيقه وحنكون معاكي لي اخر نفس فيا هدا وعد مني ومش كلام صغار ولا كلام مارهقين😤
.
بس بحدبات انتي جوهره مستحيل نتخلي عنك مهما صار☺
.
انا نسمع فيه ومش مصدقه وحاسه روحي نحلم والله زي مانحكيلكم وابتسمت من الفرحه ماقدرتش نخبي ابتسامتي
.
معتز اول ماشافني مبتسمه قعد يقولي الله اكبر اول مره نشوفك مبتسمه تاريته ضحتك خيال معقوله كنتي حارمه الناس من الضحكه البرئه هدي☺
.
انا نزلت عيوني وجهي قعد الوان😥
.
.
وبعدها قالي بنطلب منك طلب
.
انا تفضل
.
معتز لا عيونك في عيوني قبل😉
.
انا هيا عاد شنو طلبك😑
.
معتز لالا والله ماني قايلك لين ترفعي عيونك في عيوني😐
.
.
انا رفعت عيوني وبحتت فيه وانا نضحك قلتله ها شنو طلبك☺
.
معتز نبيكي توعديني معش تزعلي تاني بكل ولا تبكي ومعش نبيكي تتدكري الماضي ابدا انسي كل شي صارلك واعتبري روحك توا كيف جيتي لي الدنيا😉
.
انا حاضر اصلا صح توا حاسه روحي انسانه تانيه معاك وحاسه روحي كيف جايه لي الدنيا☺
.
معتز مشالله ع الكلام الحلو العسل هدا اهو تعرفي تتكلمي ياني عليا منك وين الكلام هدا من زمان وينه😍
.
انا ملا شنو قالولك نعرفش نحكي ولا شنو😑
.
معتز قعد يضحك وقالي من بدايتها نكد عاد ولا شنو
.
بس نحبك😍
.
انا وحتا نا بنقولك ع شي😐
.
معتز شنو
.
انا غمض عيونك قبل
.
معتز هي غمضت قولي
.
انا قلتله حتا نا نحبك☺
.
معتز واخيرآ😍
.
انا هيا تصبح ع خير امشي ارقد
.
معتز والله ماظني بيجيني نوم من الفرحه😄
.
انا انشالله دوم فرحان يارب
.
معتز لاكن بجد انا اول مره نحس روحي فرحان هكي😍
.
انا والله وانا اول مره في حياتي كلها نحب شاب والي هوا انتا☺
.
معتز هيا حبي عدي ارقدي وتغطي زين جو صقع😉
.
انا حاضر وانتا تغطي زين
هيا تصبح ع خير
وجيت بنطلع من المربوعه
.معتز اسمعي رتاج
انا نعم
معتز نحبك😍
.
انا☺هيا تصبح ع خير
.
معتز ياشينه مافيش كلمه حلوه قبل تصبح ع خير😑
.
انا ههههه نحبك هيا تصبح ع خير😄
.
معتز نجك وانتي من اهل الخير
..
ومشيت رقدت لاكن والله نوم ماجاني من الفرحه بجديات😴
. رقدت قريب الصبح
نضت ع الضهر تنوض فيا خالت معتز بيش نفطر معاهم
.
نضت هكي سالتها وين معتز
.
قالتلي طلع من الصبح
.
انا خشيت لقيت امي قاعده وتبكي وريماس حتا هيا تبكي😴
.
انا كنك يا امي توا ليش تبكي😢
.
امي ماتبيش ترد
ريماس قالتلي نبكو ع محمد😣
.
انا انصدمت من كلمه ريماس ونزلت دمعتي وقعدت نصبر في امي خلاص عاد يا امي محمد الله يرحمه وهوا توا عند ربي ادعليه وخلاص😣
.
وخشت خالت معتز وحطت فطور
انا هيا امي افطري
امي عنديش نيه
خالت معتز لا عاد والله نزعل معقوله هكي
وقعدنا نجدو في امي تفطر معانا لعند مافطرنها
.
قعدنا ع الحال هدا 3 ايام وكل يوم معتز يروح نساله شن بيصير توا فينا ويقولي شكلكم مضايقين من حوشنا ولا شنو نسكت😕
.
وكنا كل يوم نسهرو كالعاده انا ومعتز هدرزه وضحك
.
معتز مره كنا ساهرين قالي رتاج انا نبي نقرا عليكؤ فاتحه بيش الموضوع يكون بالرسمي
.
انا قلتله لا توا ماتجيش محمد كيف متوفي الله يرحمه اصبر ع الاقل يفوتو 40يوم😴
.
معتز باهي الي يريحك حبي
.
معتز شن رايك في الحوش هدا
.
انا قصدك انتا تبي تجوز هنا في حوش هلك
..
معتز اها ع خاطر باتي مانقدرش نسيبه بروحه وعندي خويا مهدي الكبير متجوز وبصغاره لاكن انا نقدرش نخلي باتي بروحه فهمتي😉
.
انا اها عادي نا ماعنديش مشكله نشالله حتا براكه حمام اهم شي نكون جنبك وبس☺
.
معتز ربي مايرحمني منك بكل بكل ياعمري😍
.
رابع يوم معتز الصبح قالي رتاج البسي نبيكي معايا بنفرجك ع شي
...
انا كلمت امي وطلعت معاه
.
ركبنا في السياره وطلعنا
.
وقعدت نسال في معتز وين ماشي بيا😑
.
معتز اسسس مفاجئه ياقلبي😉
.
انا لا مانحبش المفجائات قولي وين رافعني😐
.
معتز مانيش قايلك هي شن بتديري😕
.
انا مغير بلاش صماطه قولي وين شايلني
.
معتز بصارحه هكي انا خاطفك حبي☺
.
انا اوووف عليك يامعتز قولي هيا
.
معتز مغير خلاص قريب نوصلو اصبري
.
بعدها لقيته خاش لي طريق حوشنا😨
.
وصلنا للحوش بحتت من بره لقيت الحوش من بره كانه مش هوا بكل😍
الباب مغير والحوش مزوق من بره
.
قالي معتز هيا انزلي
.
انا نزلت وقفت قدام الباب
..معتز سكر سيارته وجاني عطاني مفاتح جديد وقالي هيا سمي الله وافتحي
.
انا خديت المفتاح فتحت الباب وجيت بنخش مسكني معتز
.
قالي خشي برجلك اليمين حبي😉
.
خشيت لقيت الحوش متغير 180درجه كانه مش هوا بكل😨
.
المطبخ كله رخام
.
الحوش كله مزوق
.
المطبخ مزوق بالون الموف
.
داري بالون الوردي بالكابتشينو
.
وكل دار لون شكل والصاله ابيض😍
.
قعدت نبحت في معتز ومش مصدقه
.
معتز شن رايك حبي😘
.
انا بصراحه مش مصدقه لاكن ليش درت هدا كله يامعتز😣 اكيده صرفت كل فلوسك عليه😨
.
معتز واك منك فكيني منه جو الفلوس ما الفلوس حبي
.
بعدها قالي توا مزال الاساس تاع الحوش بس
..
وانا وصيت عليه ودفعت فلوسه وبكره بيحيبوه حبي😉
.
انا ليش هدا كله يامعتز😴
.
معتز عيب عليكي تقولي هكي امك هيا امي واختك اختي وانتي حياتي☺
.
وبعدها قالي هوا صح فارس دارلنا مشاكل شويه بس عدت ع خير😉
.
انا شن دار فارس😩
.
معتز لا شي حبي جا كم مره يبي يخش الحوش ودار مشاكل معا العمال بس عدت ع خير وسال عليكم العمال لاكن نا قلتلهم لما ياسلكم قولوله مانعرفوش
.

وطلعنا وروحنا لحوش معتز
.
وانا قعدت نحكي لي امي ع الحوش
.
ومعتز مشا لي عمله
.
قعدنا لعند اليل معتز ماروحش
.
خالته ترن عليه مقفل
.
وانا انشغلت عليه بكل
.
جت الساعه 2 ومزال ماروح😨
.
قعدت نراجي وانشغلت اكثر😴
.
اليله هدي مارقدتش بكل واخده تلفون خالت معتز ونرن مقفل مقفل😣
.
وقعدا لعند الصبح ومعتز ماروحش
وااك ياربي زعمه شن صايرله😢
.
والله قاعده ع اعصابي😣
.
ماقدرتش نصبر
قلت لي خالته انا بنمشي للمستشفي نشوفه😴
.
وطلعت ركتب تاكسي وخديت معايا ريماس
.
وصلت للمستشفي وخشيت سالت عليه في مكان عمله قالولي هوا ماجاش امس😨
.
كيف قلتله كيف ماجاش
.
قالولي والله ماجا امس😕
.
نزلت نجري وانا نبكي وركبت تاكسي وروحت😴
.
قلت لي خالته مامشاش امس وقعدت نبكي
خالته قعدت تقولي وسعي بالك اكيده عدا شي مكان توا يروح😣
.
قعدت ع اعصابي لعند اليل ومزال ماروح😴
.
بعدها خبط الباب
.
انا طلعت نجري ع الباب فتحت طول نحسابه معتز
لقيت واحد سالني هدا حوش معتز.
انا اها وين معتز شن صاريله شن في😨
.
قالي مغتز....؟
.
.
يتبع