أخي قاتل أمي ( روايات ليبية )

حلقة 20🔥 النهاية 🔥

#اخي_قاتل_امي
#الحلقه_العشرون والاخيره
#قصه_حقيقه
#من_الواقع_اليبي
.
.
.
.
.
.
.
.
اول مافتحت الباب شميت ريحه معفنه بكل😨
تقول ريحه فار ميت😕
.
دخلت اول مادخلت بحتت ع المربوعه ونلقي فارس مرمي ع الوطا وقدامه الحشيش والحبوب  ومنظر اعوذ بالله 😨
.
طلعت نجري برا الحوش ونعيط معتز جا يجري كنك شن في قلتله فارس فارس خش يجري ع المربوعه يبي يشيل فارس ويحطه ف السياره لاكن ماقدرش جسمه دايب ليه فتره ميت😣
.
معتز قالي اركبي وطلع جري ع مستشفي كلم الاسعاف انا مصدمه ونبكي😢
.
وريماس تبكي وحاله مايلعم بيها غير ربي😣
.
جت الاسعاف وخدو فارس وطبعا كان ميت خششوه للمشرحه وطلعت نتيجه موته من المخدرات واخد جرعه زياده

.
تبو الحق مازعلتش عليه
.
ربي خلص منه ومات موته مش حلوه
.
معتز قالي لازم نديروله عزاء
انا قلتله مايهمنيش
معتز دارله عزاء وتم العزاء
.
وبدت حياتنا ترجع طبيعيه
.
قعدنا قريب شهرين وبيدنا ننسو الي صار وبدا معتز يخدم  لعند جا يوم معتز سيب المستشفي ع خاطر المرتب مش حلو
.
انا بعت حوش امي وعطوني نص البلغ والنص التاني قعد ف المصرف لين تكبر ريماس
.
كان نصيبي تقريبآ 30 الف عطيتهم لي معتز قلتله دير بيهم مشروع
.
معتز بدا يخدم ف التجاره ويمشي لي طرابلس ومصراته ويجيب بضاعه ويبيعها في بنغازي ومشت امورنا تمام التمام
.
لعند يوم من الايام معتز كان ماشي مصراته بسيارته وكان معاه قريب 20الف ف السياره وكان ديما يكلم فيا وهوا في الطريق اخرمره كلمني قالي انا توا خاش ع بوابه اسداده متاع مصراته وسكر
.
بعدها قعدت نرن عليه في الاول ماردش بعدها ليقته مقفل😨
.
انشغلت عليه وقعدت نرن ومقفل
.
مارقدتش الليل كله وانا نابضه ونبكي ومشغوله عليه😴
.
وقعد معتز اسبوع مختفي😢
.
كلمت خوه الكبير وناس الي تعرفه كلهم
.
وقعدو يدور عليه لاكن للاسف مختفي
.
وقعدت انا زي المجنونه معش عرفت شن ندير😣
.
وبدت تمشي الايام وفات شهر ومعتز مختفي😴
.
خلاص انا فقدت الامل😢
.
لعند يوم من الايام
.
واحد صاحب خو معتز كلمه وقاله لقينا سياره معتز بعد بوابه اسداده في مزرعه ومعتز مش قاعد مختفي😴
.
والمزرعه متاع واحد مسافر بره ليبيا بكل من فتره
.
ولعند يوما هدا ومعتز مارجعش
وانا عايشه ع امل انه مزال حي وبيرجع
.
وانا ماخليت شي مادرته مشيت مصراته ولفيت ومشيت كل السجون في مصراته لاكن مافيش ليه اي اثر
.
وانا حاليا عايشه بي مهدي ادمنت عليه معش نقدر نرقد منغيره 😣
.
وجتني حاله اكتئاب
ووطلع عندي السكر وناخد في علاج ليه
.
.
وعايشه زي الميته بالضبط
ونربي في ريماس وحتا هيا مسكينه خشت في حاله اكتئاب من الي شافاته
.
وهدا كله ليش ع خاطر المخدرات
المخدرات دمرت عيله كامله
.
طلبي منكم تدعولي معتز يرجعلي هدا الامل الوحيد الي عايشه عليه وهدا الشي الوحيد الي مصبرني😢
.
معتز توا ليه سنه مفقود
اسمه الروباعي
معتز علي فرج احمد الفرجاني
اي حد يعرف عليه اي شي ياريت يتواصل معا كاتب القصه محمود محمد☝
.
والي خلاني نحكي قصتي شي واحد
والي هوا
ليش هكي ياليببن لا امن ولا امان واصغار يتعاطو في المخدرات والمخدرات يبيعو فيها علني زعمه هدي هيا الحريه الي كنتم تبوها😴
.
كم من عايله ضاعت في جرت المخدرات
وكم من شاب دمر روحه في جرت المخدرات
حسبي الله ونعم الوكيل
.
.
وانا الكاتب محمود محمد كتبت قصيده صغيره ع الروايه وانشالله تعجبكم👇

.
.
يادنيا ليش ظلمتيني
وشن دنبي الدمعه ماتجفش من عيني
يادنيا منك ريت الويل حرام عليك ارخيني
وليش خديتهم مني وليش وجعتيني
يادنيا شن تبي من اكثر قوليلي
خديتهم مني بالواحد باهي خوديني
قالو عنك قاسيه وغداره وانا شفت منك ايام غباره
وجيتي يوم فرحتيني وقلت خلاص رضيتي عني وريحتيني
تاريتك تلعبي بيا ورجعتي بكيتيني
ليش القسوه يادنيا سادك معايا هديتيني
مانبي منك شي غير في حالي تخليني
.

لاني طالب منك هنا ولا نبي منك تفرحيني
مانبي منك غير تبعدي عني وتخطيني
ليش الجفا يادنيا حرام عليكي وجعتيني
.
قالو الدنيا يوم ليك ويوم عليك ونا من يوم وعيت وديما نعطي وتقول الحزن مرسوم علي جفيني
.
نسيت نقولك بالله عليكي خوديني
خوديني لي خويا وامي وريحيني
يادنيا ليش ظلمتيني..؟
.
النهايه