أخي قاتل أمي ( روايات ليبية )

حلقة 16🔥

#اخي_قاتل_امي
#الحلقه_السادسه_عشر
#قصه_حقيقه
#من_الواقع_اليبي
.
.
.
.
.
خشيت لقيت فارس متربع في نص المربوعه وقاعد يسكر😨
.
اول ماشافني قالي مزال بدري ياصايعه😠
.
وناض مسك عصا ونزل فيا ضرب😢
.
طبعا هوا سكران ومايشوف في شي قدامه وقعد يضرب فيا وانا ف البدايه بيتش نعيط ع خاطر امي تنوضش مفجوعه بس لما كثر قعدت نعيط ناضت امي تجري شن في😴
.
ومسكت فارس وهوا قعد يقوللها حولي سيبيني خليني نربيها
.
انا خشيت نجري ع داري ونبكي نكدها عليا الله لا تربحه😴
.
اليله هدي رقدت بدموعي😢
.
نضت الصبح لقيت عرم مكلمات من معتز
.
رنيت عليه قالي وينك من امس شغلتيني عليكي😕
.
انا اسفه رقدت طول
.
معتز كنه صوتك شن في😑
.
انا شي كيف نايضه بس
.
معتز لا في شي شن صاير قوليلي😐
.
انا امس فارس ضربني😣
.
معتز والله نقتلهولكم خوكي هدا😠
.
شن هالحيوان هدا الزح معش تخششوه للحوش
.
انا الله غالب امي نقدرش نزعلها😴
.
معتز خلاص هانت كلها سبوع وتجي عندي وتتريحي منه😉
.
انا نشالله
.
وقعدنا كل يوم نكلمو في بعضنا
.
وكل مامعتز يبي يشري شي لي حوشه يكلمني نطلع معاه ونختار وهكي وكان اسبوع حلو كله طلعات ودهوره وجو مش عادي جو اتراك🐸
.
. لعند يوم الاربع وخلاص كل شي واتي وتمام التمام والعرس يوم الخميس
.
وكنت فرحانه طبعا اكيد
.
ليله الاربع طولت بكل معش يبي يجي الخميس😐
.
وطول اليل ونحكي معا معتز وحتا هوا قالي مش جايني نوم😴
.
قعدنا نحكو لعند الفجر
.
واخيرا جا يوم الخميس
.
نضت ع الساعه 10 وبديت نوتي في روحي كلمني معتز قالي ساعه 2 نجي نرفعك للكوافير قلتله تمام
.
جت ساعه 2 مشيت كوفيره يومها كان فارس مختفي مش عارفه وين
.
خديت معايا ريماس للكوافيره وكانت فرحانه بكل مسكينه اول مره تفرح تهيالي😣
.
معتز كان مداير العرس في حوشهم لا قاعه ولا شي وكان جايب طباخين بس .
.
بعد كملت من كوافير جاني معتز بسيارته وكان مدايرلها زينه وهكي ومشينا خدينا امي من الحوش وشالنا للعرس عطول😍
.

خشيت الحوش وخالت معتز خششتني دار وقالتلي وتي روحك شويه ونجي ناخدك وبدا العرس زغاريت واغاني ورقص وجو حلو
.
بعد شويه جت خدتني خالت معتز وطلعتي وبدو البنات يديور عليا وماسكات قفطاني ويغنو وزغرتو😍
.
بعدها قعدت ع الكوشه وخش معتز حبي قعمز جنبي وجا الكاتب كتبلنا كاتبنا ولبسني معتز الدهب
.
وقعد جنبي شويه وبعدها طلع للخيمه بره
ومشتا العرس عسل في عسل
.
بعد العشاء جا معتز خداني وركبني السياره وبدت الزغاريت كانو قريب 10سيارات طلعنا وبدو يزفو فينا مشو لي شارع 20 وع الطريق السريع واغاني وجو حلو😍
.
قعدنا قريب ساعتين ف الزفه
بعدها مشنا شور الحوش طبعا حوش معتز في حوش هله بس حوشهم نظامه زي حوشين في بعضهم وكان معتز واخد الدار الي جوا بالحمام وفيها حتا مطبخ وكان في ممر طويل بين الحوش الي جوا والي بره وكان معتز مركب باب ف النص يفصل بيناتهم نزلني معتز م السياره ومسك يدي وخش بيا للحوش فتح الباب وخشينا قالي خشي برجلك اليمين وسمي بسم الله😉
.
دخلنا وخش معتز قالي اكيده جعانه طبعا
.
انا لا مش واجد لاكن كانك جعان نخش نديرلك عشاء☺
.
معتز لالا انتي اليوم ماتديري شي خالتي مدايرتلنا كل شي افتحي التلاجه تلقي كل شي واتي سخني العشاء وجيبه بس😉
.
خشيت سخنت العشاء كان لحم ومبطن وبيتزا وحجات واجده وقعمزنا نتعشو كملنا العشاء بعدها معتز قالي توا نصلو المغرب والعشاء ونصلو ركعتين معا بعضنا😍
.
قلتله تمام توضينا وصلينا بعد كملنا جا معتز قعمز جنبي ومسك يدي ورفعها وقعد يدعي يارب ماتحرمني منها ولا تحرمها مني وادعيه واجده😄
.
وبعدها قالي هيا نمشو لي دار النوم كان مسكرها بالمفتاح وانا هدا كله مزال ماشفتها جيت بنوض لقيت معتز قالي اصبري دقيقه مشا فتح الدار وجا شالني😨
.
وخش بيا الدار😍
.
بعدها حطني ع السرير
ورقد جنبي وقعدنا نهدرزو شويه سالني شن احساسك وانتي معايا
.
انا قلتله احساس ماينوصفش بكل😍
.
معتز بدا يبوس فيا
بعدها .....؟
يتبع