أخي قاتل أمي ( روايات ليبية )

حلقة 12🔥

#اخي_قاتل_امي
#الحلقه_الثانيه_عشر
#قصه_حقيقه
#من_الواقع_اليبي
.
.
.
.
.
.
.

.
قالي معتز ماتخافيش امك كويسه بكل
هدا وين تريح قلبي😴

تراجو فيها تموت صار ليش انتم تحبو الشر عيب🐸
.
سالته باهي شن صار في فارس
.
قالي تعدي مرحلة الخطر وتوا كويس
.
فرحت انه ماماتش مش ع خاطره هوا لا بس لو كان مات امي حتدعي عليا طول عمرها😣
.
توا محمد مات حوشنا محروق فارس في العنايه امي مريضه ريماس تبكي وخايفه من الاناس الطبيعي الي ممكن يتحمل هكي😢
.
بصراحه هكي الشيطان قعد يلعب في عقلي وبديت نفكر ننتحر ونريح روحي بكل اصلا مافي شي نعيش ع خاطره😴
.
توا الفكره خشت راصي لاكن قلت نطمن ع امي قبل وبعدها ساهل
.
ناضت امي وقعدت تعيط وتبكي زي اي ام فقدت ولدها وطبعا انا ماعرفتش نصبرها ع خاطر انا اصلا نبي من يصبرني وبصارحه معتز كان واقف معانا وقعد يصبر في امي
.
قعدنا 3 ايام في المستشفي لعند ما فارس طلع من العنايه وطبعا هدا كله ومحمد في التلاجه رنيت ع عمي وقلتله بيش يجي يدفن محمد نحنا طبعا ماينفعش ندفنوه لازم رجاله امي قعدت تترجي فيا وتقولي نبي نشوفه قبل مايندفن😢
.
خديتا وخششتها لي دار الي فيها التلاجه وفتحنا التلاجه ع محمد😴
.
كان مغطينه كالعاده😐
.
قعدت امي تبكي وتقوله ليش هكي يامحمد ليش سيبنتا ومشيت وانا ماقدرتش نمسك روحي وقعدت نبكي معاها امي حولت الغطاء من ع وجه محمد وكانت اول مره تشوفه اول ماشافاته طاحت طول😢
.
مصيبه روا مصيبه كلمت معتز جاب السرير وشلناها وعلقولها تغديه
.
جا عمي ومعاه ناس والله مانعرفهم خدو محمد وطلع معاهم معتز بارك الله فيه وفارس حتا هوا مشا معاهم معا انه ماكانش قادر يتحرك بس عمي قاله لازم تدفن خوك معانا😑
.
دفنو محمد ودفنو قلبي معاه😣
.
.تمينت روحي مكانه بس ربي اختاره هوا😢
.
روحو من الدفن وعمي دوبه قعد معانا شويه لعند ماناضت امي سلم عليها ومشا وقلتله ياعمي حوشنا انحرق وماعندناش مكان نمشوله قالي توا نبعتلكم 100 دينار معا فارس😕
.
قلتله لا ماتعبش روحك خليهم لكي بالك ينفعوك
.
ومشا خزي تقول مش عمي
.
معتز قالي تعالو عندنا في الحوش لعند ماتصينو حوشكم بس طبعا انا رفضت😴
.
فارس جا لمي وكنت انا قاعده وكان راقيله مني بس ماعدلتش عليه بعدها قال لمي توا كيف يصير في الحوش امي قالته منين بنجيبو فلوس بيش نصلحوه قاللها ملا خلينا نبيعو الحوش ونسكنو بالاجار😐
.
اول ماقال هكي عرفته يبي نبيعو الحوش بيش ياخد ورثه فيه😕
.
امي طيبه ومسكينه ع نيتها قالتله باهي توا نبيعوه 😨
.
انا قلتلهم لالا مستحيل ينباع الحوش معقوله يا امي نسكنو بالاجار😴
.
فارس اسكتي انتي مش شورك بكل😠
.
وقال لمي توا نمشي نجيب توكيل وقعيلي عليه بيش نقدر نبيع الحوش
.
وطلع
انا يا امي ماتوقعيش ع شي فارس حياخد الفلوس ويمشي يسكر بيهم وياخد بيهم حبوب
.
امي قالتلي باهي يابنتي شن بنديرو توا بنقعدو في المستشفي ولا وين نمشو😣
.
انا توا ربك يحلها من عنده مغير انتي ماتوقعيش ع شي بس ومش شورك😐
.
طلعت ونزلت لوطه لي معتز قلتله نبيك شويه قالي شن في حكيتله قلتله فارس يبي يبيع الحوش😴
.
معتز لا ردو بالكم تبيعو الحوش
.
انا قلتله بس توا كيف بنصينوه ونحنا ماعندناش فلوس ولا عندنا شي😣
.
معتز خليها ع ربك وعليا مش شوركم بشي بس ماتبيعوش الحوش😉
.
انا لالا معتز نحنا تعبانك معانا واجد وبارك الله فيك الي وقفت معانا😴
.
معتز كنك ياهبله انا ع خاطرك انتي اندير اي شي😉
.
انا تسلم ماننحرمش منك نشالله
.
معتز طلع فوق وقنع امي انها ماتوقش ع شي بكل
.
امي وافقت ع كلامه
..معتز يارتاج تعالي نبيكي بره شويه
.
طلعت بره قالي انا كلمت هلي وقالولي لازم تجيبهم عندنا وخالتي حلفت عليا مانروح منغيركم☺
.
انا لالا معلش يامعتز فوت الموضوع هدا
..

معتز معقوله هكي يارتاج والله نزعل منك وماعاد نحكي معاكي بكل وخش لمي وقاللها وتي روحك يا عمتي بتطلعو اليوم☺
.
امي وين بنمشو ياولدي
.
معتز توا تعرفي بعد نوصلو
.
معتز قالي هيا عاد ماتردنيش بسرعه قبل مايجي فارس ويدير مشكله معاكم😉
.
طلعنا وركبنا في سياره معتز وامي طول الطريق وين بتشيلنا ياولدي😴
.
معتز توا تعرفي وسعي بالك بس ياعمتي ماتخافيش مش حنفطفكم😉
.
وصلنا حوشهم فتحلنا الباب وقاللنا تفضلو خشينا واستقبلنتا خالته
.
ولقيناها مسكينه مدايره عشاء ومش مخليه شي مش مدايرته بكل
.
بصراحه خالته طيبه بكل وماقصرتش معانا في شي بكل
.
وقعدت تهدرز معانا كانها تعرفنا من زمان ومعتز قاعد وفرحان بكل قريب يطير من الفرحه
.
معتز قالي رتاج نوضي ديرلنا الشاهي نبو نشربو شاهي من يدك عاد😊
.
انا حاضرين هيا 10 دقايق ويكون واتي
.
خشيت للمطبخ وقعدت ندور وين الشاي والسكر ضبحت ع معتز قلتله وين الشاهي والسكر قالي هي جايك😉
.
جاني في اامطبخ وجابلي الشاهي والسكر وقالي تبي شي تاني يا احلي رتاج☺
.
انا انحرجت من كلامه بصارحه كلامه كله كان هكي يقطر عسل
قلتله تسلم ماننحرمش منك
.
قالي ملا احفظي كل شي في المطبخ بيس لما تعيشي معايا هنا تكون عارفه مكان كل حاجه😉
.
انا ضحكت ومارديتش عليه
.
جبتلهم الشاهي وشربنا وقعدنا نهدرزو وطلعت خالته هدي مش مجوزه لعند توا وقاعده في حوش هللها وتجي مره مره لي حوش معتز
.
سالت معتز وين باتك قالي جوا في الدار بس راقد ع خاطر واخد الدواء متاعه😴
.
قلتله ربي يشفبه نشالله يارب
.
اليله هدي سهرت انا ومعتز لعند الفجر نهدرزو وبصراحه هون عليا واجد ونساني حزني
.
لعند ما قالي كلمه
قالي ليش ماتبيش تتجوزي شن هوا الشي الي عند البنات ومش عندك😐
.
اول ماقالي هكي طول ادكرت الي صارلي ونزلت دموعي من عيني 😢
..
معتز بحت فيا وهوا مستغرب وقالي ليش تبكي انا قلت شي زعلك توا😣
.
انا لالا مافي شي انسي سكر الموضوع😴
.
معتز باهي ليش ماتبيش تصارحيني قوليلي شن في وانا والله حنوقف جنبك ونساعدك ومش حنتخلي عنك مهما صار😴
.
انا شن بنقولك يامعتز مافي شي ينقال فوت الموضوع بالله عليك😢
.
معتز وراص امك تقوليلي شن في حرام عليكي الي نديري فيه هدا والله ماتجي بكل😕
.
انا انتا تبي تعرف يامعتز توا انا نقولك تمام توا نحكيلك كل شي بيش تتريح وانشالله بعد تعرف الحقيقه تتريح😑
.
معتز واخيرآ هيا نسمع فيكي قوليلي كل شي😉
.
انا تمام بصراحه يامعتز انا صارتلي مشكله من قبل كانو اصحاب خويا فارس بايتين معاه فوق السطوح وانا كنت في المربوعه😴بروحي
.
معتز باهي كملي😨
.
انا وبعدها نزل واحد من اصحاب فارس وخش عليا المربوعه😣
.
معتز به كملي😨
.
انا نحكليه ودموعي في عيني😢
.
معتز كملي شن صار😴
.
انا وبعد ما خش عليا المربوعه سكر الباب ورن ع صاحبه التاني وكان فارس سكران ومش واعي بكل😣ووووو......
بنكمله لاكن خشت علينا خالته وقالتله معتز مزال مارقدتو انتو
.
وبحتت فيا لقتني نبكي قالتلي كنك يارتاج شن في بسمالله معتز شن درلتها البنت😨
.
معتز مادرتلها شي ياخالتي غير ادكرت خوها محمد هدا ليش تبكي😣

خالته باهي نوضو ارقدو وقت متاخر
.
معتز حاضر توا نرقدو ماتشغليش بالك انتي عدي ارقدي😑
.
.
.....
يتبع