أخي قاتل أمي ( روايات ليبية )

حلقة 11🔥

#اخي_قاتل_امي
#الحلقه_الحاديه_عشر
#قصه_حقيقه
#من_الواقع_اليبي
.
.
.
.
.
.
قالي زي ما انتم متوقعين
البقيه في حياتك😣
.
انا شنو قصدك محمد مات😨
.
الدكتور الله يرحمه وسيبني ومشا😴
.
انا ماصدقتش طبعا قعدت نجري في جرته ونقوله محمد امتا يطلع من العنايه قولي امتا يطلع😢
.
ماباش يرد عليا
جا معتز ومسكني وقعد يقولي محمد توا عند يلي خير مني ومنك😴

انا شنو شن قصدك انتا محمد ماماتش مستحيل يموت ويسيبنا بروحنا حول هكي ودفيته وطلعت نجري ع دار الي فيها محمد
.
طلع يجري وراي معتز ومسكني وقعد يقولي ماتجيش هكي ارضي بقدر الله محمد توفي والله يرحمه خلاص توا الي تديري فيه هدا منغير فايده ادعليه وبس توا😣
.
انا والله مش مستوعبه شي ونحس فيهم يكدبو عليا وفي عقلي نقول لا مستحيل محمد يموت قلت لي معتز باهي سيبني نبي نخش نشوف خويا حول يدك ودفيته وخشيت😢
.
لقيت محمد راقد ع سرير ومغطينه كله حتا وجهه😣
.
قعدت نكلم فيه لاكن مايردش عليا وقعدت نقوله نوض يامحمد حرام عليك الي تدير فيه فينا هدا باهي مش ع خاطري نا ع خاطر امك وريماس نوض يامحمد وقعدت نبكي ليش ماتبيش ترد عليا محمد يامحمد نكلم فيك😢نووض وقعدت نهز فيه بيدي بالك ينوض لاكن مايبيش يرد عليا ومعتز وافق ورايا ويبكي بحتت في معتز وقلتله ليش مايبيش يرد عليا ها ليش هما معاطينا بنج صح باهي امتا ينوض من البنج معتز نكلم فيك😣
.
معتز يبكي ومايبيش يرد عليا لعند عطيت عليه بصوت عالي نكلم فيك يامعتز قولي امتا بينوض محمد😠
.
معتز عيط عليا بصوت عالي قلتلك محمد مات ماااات مااااات كيف تفهمي انتي محمد مش معانا توا معش يقدر يتكلم معانا افهمي عاد😴
.
انا والله هدا كله مزال مش مستوعبه شي بجديات يعني موقف صعب ومايخشش الراص بالدات لما يكون خويا من لحمي ودمي😢
.
مزال ما اقتنعتش خشيت حولت الغطاء الابيض من ع وجهه اول ماحولت الغطاء وشفت وجه محمد محروق دخت وطحت في مكاني طوول😣
.
رفعني معتز وعلقولي تغديه
.
. نضت بعدها بساعتين تقريبآ لقيت معتز قاعد جنبي اول مانضت سالته وين محمد😣
.
قالي رتاج لازم تفهمي انه محمد مات الله يرحمه لازم تقتنعي بالشي هدا
.
انا وقتها بس بديت نستوعب انه محمد توفي😣
.
قعدو دموعي ينزلو مني ونقول حسبي الله ونعم الوكيل في الي كان السبب😢
.
وقعدت نقول ياربي ليش محمد بس ليش محمد😣
.
معتز بحت فيا قالي حرام تقولي هكي ربي هوا الي اختار ولازم ترضي بقدره😴
.
سالت معتز امي عرفت ولا مزال😟
.
معتز قالي لا ماحد قاللها لعند توا😐
.
انا قلتله امي لو عرفت مرات تموت وراه طول😣
.
معتز بس لازم تعرف يارتاج انتي لازم تعرفيها😴
.
انا قلت لي معتز باهي انتا متاكد انه محمد مات بالك في غيبوبه وهما مايعلموش😢
.
معتز لاحول ولا قوه الا بالله محمد عند ربي توا يارتاج ليش مش مصدقه😑
.
انا ونبكي قلتله يعني لو خوك مات انتا بتصدق هدا خويا الوحيد الي كان واقف جنبنا والي كان كل شي بالنسبه لينا مات😢
.
وقعدت في عقلي نفكر من السبب في هدا كله من مالقيتش غير فارس فارس هوا السبب في كل شي صارلنا😐
.
وقعدت نفكر لازم فارس يموت خلاص لعند هكي ساد والشيطان سيطر ع عقلي تمامآ😕
.
سالت معتز قلتله فارس وين توا مزال لوطه😑
.
معتز قالي اها مزال ماطلعش😐
.
انا قلتله حد قاله انه محمد مات
.
معتز قالي لا
.
قلته انا توا نقوله
.
ونزلت من ع السرير وفي عقلي لازم ننتقم من فارس ولازم يموت راهو هدا كله وانا والله مانعلم بي روحي بكل كانه في حد يحرك فيا😣
.
سالت معتز قلتله في مطبخ في المستشفي هنا
.
معتز قالي في بس ليش
.
انا لا شي شيلني المطبخ نبي ندير قهوه لي روحي مصدعه بكل😣
.
معتز انتي تريحي توا انا نديرلك قهوه
.
انا لالا نبي نديرها بروحي معلش😕
.
انتا بس شيلني للمطبخ وماعليك
.
معتز الي يريحك هي تعالي شالنلي للمطبخ
.
قلتله معلش ممكن تخليني بروحي 😑
.
معتز ممكن نفهم شن تبي تديري انتي بالضبط😕
.
انا معلش معتز نبي نكون بروحي رجاء
.
طلع معتز وسيبني بروحي
.
قعدت ندور ع موس في الطبخ لقيت عرم امواس اخترت اكبر واحد فيهم وحطيته في بطني من قدام ودرت قهوتي كانه مافي شي وطلعت لقيت معتز يستني فيا شربت القهوه وقلته بننزل لي فارس😕
.
معتز توا ننزل معاكي نزلنا وخشيت ع فارس لقيته مقعمز يدخن اول ماشافني قالي كنك شن تبي😐
.
انا مانبي شي نبي نهدرز معاك شويه😕
.
فارس قولي شن تبي واقلبي وجهك😑
.
انا معلش يامعتز خلينا بروحنا شويه ممكن
.
معتز حاضر وطلع
.
انا معلش يامعتز سكر الباب 😐
.
معتز سكرالباب وكان الباب فيه مفتاح من جوا انا صبيت وسكرت بالمفتاح
.
فارس بحت فيا وهوا مفجوع وقالي كنك سكرتي الباب😨 .
.
انا لا مافي شي نبي نهدرز معاك بس😕

.
فارس به هدرزي نسمع فيكي😑
.
جيت وقعمزت جنبه وهوا مستغرب
.
وقلتله عندك العلم محمد مات😴
.
فارس الله يرحمه بس انا شن دخلني😐
.
انا ماهو انتا السبب في كل شي صار ليا وصار لمي وصار لي محمد كل شي انتا السبب حتا لما اغتصبوني انتا السبب😠
.
فارس انتي شن تبي توا اطلعي بره خير مانديرلك شي😕
.
انا ماتخافش انا بنطلع بره بس بعد ماناخد روحك قبل😠
.
وطلعت الموس من بطني وسبحان الله كانه في حد يحرك فيا مش انا الي نتحرك والله اقسم بالله هدا كله درته منغير ارادتي بكل كانه مش انا😣
.
وطلعت الموس وبديت نضرب فيه في بطنه بالموس فارس ناض ضربني كف لين قريب طحت بس اخر شي لقيت روحي ضربته بالموس في بطنه لين الموس خش كله في بطنه😨
.
فارس عيط عيطه قويه بكل بصوت عالي
معتز قعد يخبط ع الباب وانا طبعا مسكره الباب بالمفتاح معتز كسر الباب وخش  يجري لقاني ضاربه فارس في بطنه بالموس وافقه نتفرج عليه كانه مافي شي😴
.
وقاعده نقوله موت موت هيا موت موت موت هيا موت لاكن هدا كله منغر مانندري ع روحي😣
.
.
معتز قعد يبحت فيا ومستغرب بكل وقالي شن درتي انتي😨
.

انا رديت عليه بكل برود درت الي لازم نديره من زمان😏
.
خشو الممرضين يجرو خدو فارس والموس مزال في بطنه وطلعو يجرو بيه ع الطواري😐
.
معتز مسكني من يدي وطلعني فوق😴
.
جاني دكتور قالي ارقدي ع السرير وعطاني ابره بعدها معش حسيت بشي بكل رقدت طول😐
.
مانضتش غير تاني يوم😴
.
لقيت امي جنبي وريماس ومعاهم معتز😑
.
قعدت نقول لي معتز مات فارس مات ولا لا قولي مات😣
.
معتز قعد يغمزلي
.
وامي انصدمت كنه فارس شن صايرله😨
.
انا قلتلها ضربته بموس في بطنه ونشالله مايكون صارله شي بس😴
.
امي كيف درتي هكي😨
.
انا والله مانعلم ع روحي يا امي هدا الي صار توا😣
.
وقعدت تبكي وتبي تشوف فارس😴
.
معتز قاللنا هوا توا في العنايه داروله عمليه وتوا كويس لاكن ماتقدروش تشوفوه😑
.
انا بصراحه توا كيف بديت نرجع لي عقلي وقعدت ندكر في كل شي بالتفصيل لاكن مش عارفه روحي كيف درت هكي اصلا😴
.
خديت معتز وطلعت بره قلتله امي علمت بي موت محمد قالي لا😐
.
قلتله توا نقوللها انا خشيت ع امي قلتلها اسمعيني محمد توفي وكل شي قدر ونصيب😣
.
امي سمعت الكلمه من هنا وحطت يدها ع قلبها وقعدت تقول ولدي وبعدها طاحت😢
.
واااك ياربي انا مش ناقصني شن درت بيش يصيرلي هدا كله😣
.
جا معتز يجري وجاب سرير وحطو امي وطلعو يجرو بيها
.
بحتت هكي لقيت ريماس قاعده في زاويه بروحها وتبكي مسكينه لاحول ولا قوه الا بالله توا بالله شن دنب البنت الصغيره هدي من يوم ماوعيت ع الدنيا وحياتها كلها رعب في رعب جيت جنبها نبي ناخدها في حضني مابتش وقعدت تبكي وخايفه مني😨
.
قلتلها كنك انا رتاج حبيبتك ليش خايفه مني😴
...
قالتلي وهيا ترعش مسكينه يعني مش حتقتليني زي ماقتلتلي فارس😢
.
استغرب من كلامها بنت صغيره وتقول هكي قلتلها لا حبيتي تخافيش انا ماقتلتش فارس كنت نبصر معا ماما تعالي ياروحي😣
.
وخديتها في حضني وضميتها وقعدت نبكي معاها😴
.
شفتو المساه الي عايشنها😢
.
جاني معتز سالته امي شن حالها توا قالي امك ......؟
.
يتبع
.