أخي قاتل أمي ( روايات ليبية )

حلقة 18🔥

#اخي_قاتل_امي
#الحلقه_الثامنه_عشر
#قصه_حقيقه
#من_الواقع_اليبي

.
.
.
.
.
قالتله باتك قاعد يرجع في دم بسرعه شيله للمستشفي معتز طلع يجري ولع السياره وخدا باته ع المستشفي طول
.
وانا قعدت نرن ع معتز مايردش انشغلت عليه بكل😣

بعدها رن عليا هوا قلتله شن صار معاكم
قالي مش عارف باتي ف العنايه ادعليه😴
.
وسكر
.
انا قعدت ندعي نشالله باته مايصيرله شي
.

.
بعد العصر خبط الباب وكنت قاعده معا خالت معتز ف الحوش الي بره طلعت نجري فتحت الباب لقيته معتز وجهه متغير خش منغير مايحكي معايا بكل😣
.
انا سالته كنك حبيبي شن في قالي باتي توفي😢
.
ودموعه في عينه انا انصدمت لاكن قعدت نصبر فيه وخالته قعدت تبكي وانقلب الحوش نكد😴
.
صدق المثل يلي قال جت الحزينه تفرح مالقتلهاش مطرح😣
.
الحمدالله ع كل حال
.
معتز طلع قال بنمشي ندير اوراق الدفن
كمل اوراق الدفن وجابو الخيم ركبوهم تاني يوم الظهر عدو دفنو باته وقعد العزاء 3 ايام ومعتز اختفت البسمه من وجهه حتا يرقد جنبي منغير مايتكلم 😴
.
انا كنت نحاول نغيرله جوه بس كان ديما يهدرزلي ويقولي راح الي كان ديما معايا😣
.
اول سبوع كان كله حزن وكأبه بدال ما افراح وسعاده حظي عكسي ديما الحمدالله ع كل حال😴
.
بعد اسبوع بدا معتز ينسي شويه بشويه وبدا يرجع طبيعي
.
طلبت منه نمشي لمي نقعد عندها يومين رايف عليها معتز مارفضش وقالي حاضر وفعلا رفعني لي حوش هلي
.
خش معايا معتز سلم ع امي وقعد شويه ومشا
.
امي قعدت تسال فيا شن حالك وشن مدايره وهكي لعند ماجا الليل كانت امي راقده وانا كنت واخده ريماس في حضني ونهدرز معاها
.
بعدها خبط الباب عرفته المنجوه جا فارس طلعت فتحتله اول ماشافني استغرب وكان كالعاده سكران واخد حبوب😴
.
.
قالي انتي ليش جايه مش اجوزتي الي تبيه😠
.
انا قلتله وانتا شن دخلك انا جايه لي امي
وخشيت وسيبته
.
رقدت انا وريماس نضت الصبح درت فطور وفطرنا انا وامي وريماس ونحنا نفطرو جا فارس
.
قال لمي نبي فلوس
امي ماعنديش الي معايا انتا خديتهم امس
وبعدين مش امس عطيتك 50 وينهم😕
.
فارس صرفتهم خديت دبش بيهم
امي وينه الدبش😑
.
فارس نسيته في حوش صاحبي
.
امي به انا ماعنديش فلوس عدي اخدم واصرف ع روحك😐
.
فارس مادخلنيش نبي 100 دينار توا😠
.
امي قلتلك ماعنديش كيف تفهم انتا😡
.
فارس قعد يعيط ع امي وقاللها باهي نقولك ع شي نبي ورثي ف الحوش توا هيا اصرفي😠
.
انا قلتله انتا ماتتحشمش ع وجك ياحمار مش حرقته الحوش وصلحله معتز شن تبي اكتر من هكي😒
.
فارس انتي مادخلكش اسكتي خيرلك فاهمه
.
انا مانيش ساكته وريني شن تبي تدير هيا😠
.
فارس جا ومسكني من شعري😴
.
انا نضت وفكيت شعري من يده وقعدت نضرب فيه وهوا يضرب فيا ومسكني من شعري اخره وقعد يضرب فيا قعدت نعيط امي ناضت وقعدت تحز بيناتنا فارس مايبيش يسبني امي قعدت تعيط عليه ومزال ماسكني من شعري وانا نعيط😣
.
امي جابت المكنسه وقعدت تضرب في فارس ..
.
فارس دف امي بالقوه امي من قوه الدفه طاحت وكان في رخامه تاع الحمام وكنا تعاركو قريب من الحمام امي طاحت ع راصها ع الرخامه تاع الحمام😣
.
وماطلعتش صوت بكل انا شفت امي هكي لقيتها مغمي عليها فارس لما شافها سيبني انا طلعت نجري ع امي لاكن امي مغمي عليها جبت ميه وقعدت نبخ عليها😴
.
لاكن مافيش فايده معش عرفت شن ندير طلعت نجري خديت التلفون رنيت ع معتز😣
.
قلتله تعال بسرعه امي بتموت
.
وقعدت نكلم في امي نوضي امي بالله عليكي ماتموتيش امي وهيا مغمي عليها لا اجابه ريماس تبكي بصوت عالي وتقول ماما تموتيش😣
.
انا اعصابي كلهم تلفو معش قدرت حتا نتنفس جا معتز فتحتله الباب خش يجري شال امي حطها ف السياره وطلعنا ع المستشفي طوووول
.
.
انا قاعده جنب امي نحط يدي ع قلبها قلبها واقف😣
.
قعدت نعيط ونقول لي معتز امي ماتتنفسش
.
معتز اسكتي بس مافيها شي مغير مغمي عليها
.
وصلنا للمستشفي خششوها للعنايه طول😢
.
قعدنا بره نستنو
.
وريماس تبكي وتقول نبي ماما😴
.
بعد شويه طلع الدكتور
.
طلعنا نجرو عليه طمنا يادكتور
.
الدكتور .......؟.
.
يتبع
.