للحب حروب أيضآ ( روايات ليبية )

حلقة 11🔥

رواية (#للحب_حروب_أيضا)

قصة سمية & سمية

"11"

ثاني يوم ف العشيه رنيت عليا
مراد:كيف حالك ياقلبي
-تمام حبيبي شنجوك انت
مراد:تمام بكل ..قتلك حبيبي اشويه وانعاود عليك امي ف الانتظار
-امباه سلام حبيبي
مراد:سلام انحبك
-انموت فيك
سكرت من المكالمه وطلعت درت قهوه وقعمزت مع هلي هدرزنا وشربنا قهوتنا بعدها خشيت صليت المغرب وفتحت النت نرجى فيك ترن ولا تفتح فيس
ساعه ورا ساعه لين جت الساعه 10 انشغلت عليك ورنيت انا عليك
بس المفاجأة تم في وحده ردة عليا وماعرفتهش من
--ايوا
-ايوا من معايا
--انتي الي من
-هضا رقم مراد
--اها شن تبي في
-لا شي سلام
سكرت وانا علامات التعجب ع وجي مصدومه مش مستوعبه زعمك من الي ردة عليا ووين مراد
الي استغربت منه اكثر ان مراد ايموت ومايعطي فونه لحد من الي تجرأت وردة عليا
قعدت سؤال ايجيبني وسؤال ايحطني مابيتش انرن اخرى وقلت بالك هو يرن
فتحت الفيس مالقيتكش فاتح دزيتلك مسج وانا انراجي فيك تفتح
بعدها غلبني النوم ورقدت
تاني يوم مارنيتش انشغلت عليك اكثر رنيت عليك لقيتك مقفل
وهنا الي بديت نخاف جد
دزيت لسراج خوك حتى هو مش فاتح فيس من امس .. رنيت عليه مايردش
معش عرفت شن اندير قعدت نبكي بحرقه مش عارفه شن اندير كيف نوصل فيك
اسبوعين وانا ع الحال هضا لا انت فتحت نت ولا تليفونك مفتوح وسراج حتى هو نفس الجو
لين في يوم لقيت سراج فاتح نت
-سراج وينك وين مراد شن في طمني
--مانندريش عليه
- كيف ياسراج خوك هضا
--خويا بس هو في بنغازي وانا في راس لانوف ..وساام توا بنسكر
معش فهمت شي كنت نبي سراج ايطمني بس زاد شغلني اكثر
تميت مش عارفه شن ندير كيف نصرف اتدكرت رقم اخته دورته بيش انرن عليه بس لقيته ممحي ﻷني مغيره فوني
تميت في حيره واسئله وتفكير شين وتعب معش عرفت شن اندير
نفسيتي اتعبت بكل تميت مكتئبه ويائسه لين بدا السمستر الجديد في قرايتي وانت يامراد لاحياة لمن تنادي لا اخبار عليك ولا حد يبي يطمني عليك ولا شي يخيليني حتى نعرف ادا كنت حي او ميت كل يوم انخش ع صفحتك نلقاها كيف ماهي .. اندزلك مسج مانلقش لا رد ولا اصلا تفتحها

مشيت للجامعه قريت اسبوعين ومعش قدرت انكمل من تعب النفسيه والبكا الي كنت فيه وقفت قيدي
ومعش قدرت نتحمل شي قرايتي وقفت ومستقبلي ضاع وروحي عدت معاك في مكان انا مش عارفته
كل يوم نبكي ونصلي ندعي ربي تكون بخير
والي قهرني حتى سراج مايبيش اطمني عليك ..
بجد يامراد ايام فقدت فيهن طعم الحياه
تخيل لما تقعد مش عارف حبيبك حي ولا ميت مش عارفه سيبك ولا معاك
قعدت خايفه نرجاك تطلع ناسيني ونخاف ننساك نطلع ظالمتك
لين في يوم حلمت انك مضبطني وتبكي
تقولي حبيبتي انا مظلوم والله انحبك ماتسيبينش
نضت وانا نبكي مش عارفه شن اندير فتحت الفيس حكيتها لسراج وقتخا رد عليا برد مناقض بكل لحلمتي قالي :اسمعي سميه انتي غلطتي من اول مره رديتيله مراد ضيع روحه وحيضيعك معاه
تكيت مش فاهمه مش عارفه شن اندير بكا ودمار وخلاص
خايفه عليك ومقهوره منك وتعبانه معش فهمت
شهر واثنين وثلاثه وانا ع الحال هضا
نرجى فيك وخايفه من الي حيصير
هل حترد حتطمني عليك يامراد ولا خلاص معش تبيني
تي كيف معش يبيني وهو كاين يكلم فيا وجونا تمام ... باهي من المرا الي ردت عليا يومها
ياااربي اااااه من العداب الي انا فيه وينك يامراد وينك بس

تخيل من شهر 8لشهر 11 وانا نرجى فيك ونتعدب ضيعت كل شي في مستقبلي ضعت انا بسباك انت
معش عرفت شن اندير لين فقدت الامل في كل شي

جا يوم فجأه لقيتك فاتح النت ومغير صورتك الشخصيه والغلاف
ودازلي : سميه كيف حالك اسف ع كل شي بس والله غيبتي مابيدي
-مراد حرام عليك وينك ليش هكي مش انت تحبني كيف اتدير هكي
مراد :سميه انا ربي هداني والتزمت ومعش انفكر ف الحب ..نبيك بس تسامحيني ﻷن ربس مش حيغفر دنوبي وفي حد زعلان مني ..خلينا اصحاب وخوت امتى ماتبيني تلقيني جنبك ونسألو ع بعضنا بس حب نسأل الله يبعدنا عن الحرام
تميت نقرى ومصدومه
التزمت ! معش اتفكر ف الجب ! انا حد ! اصحاب وخوت ! حرام !!!
انصدمت بجد معش عرفت شن انرد لازم نحفظ كرامتي مدامه هضا اختياره قعدت نص ساعه نبكي ومقهوره من روحي هدي اخرة مراجاتي وتعبي ودماري ..هضا جزائي يامراد حرام عليك شن درتلك بيش هك اتكافيني ..بعد نص ساعه رديت ع مسجك وكنت انت مسكر ..
-اوكي انشالله ربي يزيدك هدايه ..وانا مسامحتك مدامك الشي هضا مايخليكش تغضب ربي وفرحت لانه ربي هداك ..بس نبي نعرف وين كنت ؟؟؟
بكيت لين طاح سعدي خطرت عليا اغنية تامر (قالي خلينا اخوات ..قالي خلينا صحاب ..وهاسال عليك وتسأل عليا ..قلت دا مجنون ولا ايه ..مش عارف هو عندي ايه..علشان يقول الكلمه دي وعينه في عينيا ..معقول الي انا كنت بحسو معاه كنت انا الي بحسو بس ..معقول حبي كان طرف واحد كنت انا الي بحبو بس ..سامحني انا فعلا مش حقدر اكون قدامك وماحبكش..دا انا دلوقتي بحبك اكثر ياريتني اصلا ماعرفتكش..انا تعبان موجوع من بعدك..انا صعبان على نفسي بجد..هو انا ينفع اعيش من بعدك ..هو في بعدك اصلا حد ....

يتبع
تقييمكم ♥