خابرت يس وكتله جيب وياكً عده الفون الصغيره وجيب شاشه اي باد كلي ديره وشوف رقمه سويت الكال عليه نطيته رقمه الشاشه شوي وصار يمي بيتهم بالمنصور صلح الجهاز بربع ساعه واني عيني عالباب خاف تجي كبل لا اكلب بي
يس- حلوه
- غير ترعط
- ممم يعني جهازها
- والله مااعرف
- يا متعرف غير مصادقها وحابها وضام عليه يابه ماحسدك عمي
- ولك والله مااعرفها اول مره اشوفها
- لعد اتفرج وياك
- تفرج احد لازمك قابل اختي باوعتله صفن
- لالا ماريد يمعود تطلع بخواتي
- همزين ماعدي اخت
- شكد حقير هههه هاك وچفيني شرك
- عفيييه اخذت الجهاز شحنته شوي وشغلته كبل عالصور وهذا يرطن براسي لك حرام عليك
والله انجب يول انجب كلبت الصور صور لرجال يطلع بال55 من عمره وصور مباني سكنيه انواع طابوك وانواع رمل وسمنت شنو السالفه ذوله عماله هههه دخلت عالفديوات يس كبالي يباوعلي بس تتغير ملامحي يجي ابو الحرام ههه دخلت عالفديو شفت كيكه وصصوت بنيه تغني هبي بيرث دي تو يوو هالصوت مو غريب عليه من اندارت الكامره انصدمت باست الرجال من خده وكالت كل عام وانت بخير حبيبي انشاء الله سنه التجي سوه من الصدمه انشليت اجه يس يركض شكو ششفت دفعته بقوتي يصيح لك منو المن شفت ولك ششفت مو اكلك تعرفها من زمان ها شفتها وي غيرك صوته مثل الصدى يصع وينزل عيني احس نار تطلع منها اخذت الجهاز وطلعت بالباب الوب غير تجي عاد والله ولمحتها تمشي وي ولد صغير اول مشفتها ركضت عليه بعصبيه-- تعاي اليوم اسبيج تلفون منو هذا
- الله يخليك جيبه هاك الكلاده بس خخل اودي والله يموتني
- ولج احجي لا افضححج بالشارع اللي بالفديو اععرفها
- ليش مو كلت مينفتح
- ياااااللله لج اححجي استري على روحج المن هذا بس كوليلي
- مال مال ابويه والله
- جريت نفس ارجف اباوعلها تتوسل --- وين بيتكم انتي
- ماكولك طيني الجهاز شلك غرض بيهه
- اكولهااللي بالفديو استغفر الله جريتها من ايدها لواحد من الفروع الضلمه تتوسل عوفني والجاهل وياها صافن ركضت بيها وصلت لفرع اضلم اححجي اححجي لا والله اعزيج واصخمج ومحد يدري
- ععوفني بداعت امك
- خرب حتى امي احجييي
- تلفون ابويه بجيت واذا دره كاسرته لو لاعبه بي يذبحني
- جريت نفس صفنت وين بيتكم همست جانت خايفه والجاهل يفر براسه باوعتله انت شتصير منها
- اني ابن خالتها وبعد مااطلع وياها
- حمدي لتحجي لاحد حباب
- بس خل نرجع واكول لخاله كلشي
- عففيه الله يخليك خليني اروح
- مردت بس عنوان بيتكم
- شتسوي بي شتسوي
- ماسوي شي ماااذيج والله احجي بعصبيه وافادي نار امشي كدامي وامشي وراج
- ماشي مشيت وكمت كلسا اتلفت يعني اللي ويا بابا بالفديو يعرفها عزه بعيني حنفضحح والنبي بابا يملخني وصصلناالبيت انداريت شفته كتف ايده يباوعلي رففع حاجبه فوتي عباله اكذب مو بيتنا طبيت وحمودي راح لبيتهم طبت للبيت رجعت الجهاز بغرففه بابا باوعت من زرف الباب شفته راح الولد ------
- اني مسره صف خامس اعدادي سكنه المنصور والدي مدير موسسه حكوميه مال بناء بس ححيل بخيل ويانا والدتي كربلائيه مكمله خامس ابتدئي ومبطله وزوجوها لابن عمته الجان رافضها ويحب وحده بالجامعه وياه اللي عرففته من بيبي انه البنيه الجان يحبها سافرت وبعد مرجعت معاملتهه لوالدتي كخادمه بس ودائما يكولها غبيه ومتفتهمين جانت والدتي للاسف تموت عليهه حد العباده بيتنا جبير وبي مشتمل المشتمل ماجري بيتنا بي رطوبه كومه والصبغ واكع وابويه مو مهتم المصرف كوهه ينطي لماما ومهتم بس بكشخته وطبته وطلععته صبغ شعره وسيارته وساعته واحنا كلش اقتصادي ويانا وقاسي عدي اخويه حسام تخرج من السادس ودخل تصميم ابويه كتله بهالعمر وكدام جماعته من وراها سافر اخويه وي جماعته للندن واشتغل هناك ابويه راده يصير مهندس وهو هوايته تصميم منازل ضل شاد وياه لحد ماهججه ابويه من يرجع يريد كلشي جاهز ويريد صنطه وميسمع امي ولااني يسمعني يرجع ب10 وكبل ينام واذا فتحت حلكي وكلت محتاجه ثوب او حجاب تنكلب كربلا عليه هالايام انتبهت عليه يكلب بالاي باد هواي محذرني ماالزمهه بس اني عدي فضول وماما خطيه تتعب ومتحصل بس الرزايل لزمت الجهاز كلبت بي شفت الفديو من شفت المره باسته وكع الجهاز من ايدي وتكسرت الشاشه صافنه عالجهاز شراح يصير بماما اذا عرففت شراح تكون رده فعلها غرت على ابويه رغم قساوته للعصر تحججت اريد دفتر وطلعت رحت للصايغ ورا اللي صار حالته غريبه مااعرف اصدكه لو لا
يتبع....
