-رجل نجوى السابق
-لا ماما لا دخيلج
-سكتت
-هذا موحب هذا تردين وحده بوحده ماما
-اصلا ممفكره بابوج نساني كلشي رجعني صغيره ثقتي بنفسي
-هاي من شوكت
-قبل3شهور
-واني ماادري اوكفي بس لا عايفته وعلمودج ضايج
-شون عرفتي
-اااا ابنه جان ديحجي وياه سمعته
-اي عايفته صار 4ايام فكرت بيكم واني بعد كبرت
-لا ماما انتي ششفتي بحياتج اذا تحبي
-اي قدرني مسره من غير ميشوفني تفهمين شنو
-اي ماما اي فهمتج بجيت ماما عيشي حياتج حبيبتي وانسينا
-ماما ليش انساكم حبيبتي انتو روحي بهالدنيا بس اذا موافقتو اشيل كل الفكره من راسي
-لا ماما عصام خلي عليه
-ماما حبيبتي ماريد احد يدري بالصار اي احد تره تجيني حجايه تالي وكتي
-اي ماما
-عفيه تنهدت خل اشوف عصام اني هسه اخذ موافقته لعصام
يله ارجعله
اوك ماما سديته منها انهاريت ابجي احتاجيت مصطفى بس مااكدر احجيله شي صفنت شون حتكون ردت فعله حيحجي عليه لان مكتله صفنت دائما جان عدي امل نرجع سوه بس احنا من اول ممتفاهمين بدليل هج عصام عصام لازم اخابره بس شون اخابر صديقه اهو ميقبل مصطفى دزيت رساله السلام عليكم اذا ممكن هالاسبوع من تروح لعصام اخذ تلفونك والده يريد يحاجي رد
-ميخالف بسيطه
-مشكور سديته وخابر مصطفى
الو حبيبي
ها يعمري
شونك
زين الحمد لله جريت نفس مشتاقلج
البارحه شفتك
مااعرف انتي وين
بغرفتي
ممم جان بكنتورج بالمجر شون هدوم هاي شوكت تلبسيهن
-عزه بعينك متستحي فاسد
-هههههاي خلصان اكسبايري
- وبعد بيش لعبت
-فتشت كل الغرفه شنو هالترتيب وملابسج الداخلي حفضت الوانهم
-عزززه شكد عيب والله بعد ماحاجيك
-ههه لا اشاقه والله بس المجر الجوه مال ملابس نوم شنو هاي
اامال ماما عافتهن من جننا بالمشتمل صفطتها هنا
يجي يوم تلبسيها الي
مصطفى شبيييك
شكو شحاجي قابل
لا والله احجي بالقلم العريض وفضها
الصماكي يخببل يطلع عليج
مصطفىىىى
سكتتتت
عابتلك
احبج
متستحي
اموت على مستحاج تنهدت احلى شي من بستيني من خدي دتجيبيني للدرب
اي شون سبعه
تره اني جيت وطبيت ووكعت
هههه شفت بوستي
هي شون شفاف
مصطفى عفيه
يله يله حسكت والله
احبك
اموت عليك
سكتت
الو مصطفى
حبيبي
شبيك سكتت
لا حبيبي ماكو شي
احجي
هدات روحي بحجيج انتي الهدوء بهالهوسه كلها
اني طفيت
روحي نامي باجر تبدي امتحاناتج
اي
يله موفقه التحريري شوكت
بعد 8ايام
الله يسهل يله روحي ارتاحي.
باي
سديته ونمت افكر بماما مااعرف ليش احس دااغدر بي لان مكايلتله نمت ثاني يوم الصبح امتحنت ورجعت جان شفهي ولل10رجعت وصلتلي رساله من عصام ب11
مسره
الو الو عصام
ها عيني عبالي بلدوام
لاتوني رجعت
اجه صاحبي هسه وكال ترديني
شكد عدك وكت
20دقيقه
اسكت واسمعني حبيبي افتح عقلك والخميس اليجي رد جواب
ماشي شكو وكفتي كلبي
عصام من الاخير ماما جاييها ناس
شنوووووو شعدي بت بيت
حبيبي كتلك اسمع بعدين ناقش
ماكو كوليلها لا امي ولا عرفها
عصام تدري من ابويه طببها لمرته ماما شصار بيها تدري خربت وسحلوها للمشتمل وبعد ابوك موصللها شهر تدري يوميه تباوعه من فطر الحايط تنتضر طبته وتبجي تمرضت ايام وتهذي باسمه
مستحيل تتزوج مسره مستحيل اقبل
اسمعني بيوم متحملت هجمت عليها ضربت مرت ابويه ابوك بلحضتها رمه عليها اليمين ودزينا على خالي وابوك مسوه اعتبار وراح شافه مع العلم دزو عليه
داكولج مااكدر مااكدر
انت بحياتك تتذكر امك سمعت كلمه حلوه من ابوك
سكتت ----مسره شون تقبليها
امي انشمرت وصارت كخ بعد تعب 22سنه عصام
واني امي تتزوج مستحيل
لا تبقه هيج تبقى على ابوك وابوك متنعم وهي كل يوم تموت وباقيه على ذكراه ---انكطع الخط عفته هسه يفكر بالموضوع للخميس
نزار-ممعقوله اليوم اسبوع وهي ماكو كلسا اروح للجهاز اشوفه ماكو ولا كلمه هاهي بعد انتهت وياها نمت وي مصطفى اللي تك السماعه موكع من اذنه اكيد عده حبيبه شباب هالوكت اني وحده مصمدت ويايه ماادري العيب بيه لو بيهم تمددت ردت انام نزار شنو السالفه مراهقه مابعد الاربعين شنو الفلم تالي وكتي مااكدر انام مشتاقلها توني اغفه سمعت رجه الموبايل فزيت لزمت الجهاز الو منها اي والله هاي جديده قبل ثواني اي والله هاي رديت
الو
الو نزار شونك
الحمد لله
اكدر اخابر
براحتج تنهدت صبرني يارب دكت
الو
هلو نزار شونك
كتلج---تنهدت الحمد لله
سكتت
اذا مخابره دتسكتي فاني اروح احسن
اني تعبت.
شبيج
تعبت ببعدك مدااكدر
واليوم يله حسيتي هالشي
نزار اكو شغلات اذا عرفته بعد متريد تسمع مني شي
لا مااتنازل عنج لتطلعين الحجه بيه ساجده كولي اريد اعوفك وفضيها صيري قويه
-لا والله العضيم جريت نفس اخاف احجي
-لتحجين واطمئني اذا عرفت اي شي ماراح تتغير نضرتي الج
- نزار تنهدت نزار كلت لبنتي كلشي
-اي
-تقبلت بصوره ممعقوله تفهمتني
-الحمد لله وابنج
-لا اخاف منه
-خليها على الله تنهدت هسه شنو احجي ترديني مترديني لتضلين ساكته
-اني تعلقت بيك شفت الناس والدنيا حلوه وياك
-اخ ربي لعد ليييش دتعوفيني
- اخاف تكرهني
-لج بابا استغفر الله جربت نفس ساجده اني والله اخجل اكولها
-شنو
-همست احبج
-سكتت ودموعي على خدي تعبببت
-ليش هيج حبي ياذيج
- انت متعرف كلشي مكايلتلك كلشي
-اسمع
-ماريد احجي
-لعد لتحجين ومحد طالب منج تحجين شغله تاذيج من تتذكريها
-مراح تكرهني اذا عرفت
-لا ابد اطمني
-محتاجه منك حب
-اني كللي الج تاكدي مراح تندمين راح اعيشج بحنان وحب معايشته قبل
-غمضت عيني خلينا مثل قبل
-لا مستحيل اكدر اني اعترفت الج بمشاعري تردين احاجيج كصديق شنو اقشمر على روحي اقشمر عليج
-شتريد لعد
-لو تصيرين ام بيتي لو ننهي كلشي من اليوم ماكو داعي نضل متعلقين بحب ماله امل
-شسوي فهمني
-اتقدم هالاسبوع لاخوتج
-دتسوي انت متكلي شحتفتح عليه
-يابه مبايك بوكه شرع الله هذا اتقدم واخلي خطوه اولى
-نزار ماريد
-مع السلامه ساجده
-نزار
-كافيييي عاااد عود انتي اللكيت بيج اختلاف لكيت بيج روحي كمت اصيح نسيت ابني بالغرفه فقدت حيرتني وياها
مصطفى- كمت من مكاني تصنطت وراه صار اعصاب مبين يموت عليها ومتريد يخطبها من فطنت واني مشايف ابويه بهالاعصاب دائما بارد وي امي وشتسوي لا مبال من صار عصبي عرفت واكع --- شبيك يابه شصاير
- سديت وربطته عالشحن كعدت عالقنفه ماكو شي يابه
- هاي شنو حجي مال عشك انت
-موتتني ابتسمت ولك تجر من جوه لساني ابو السماعات
-هههه اموت على ربها
-وين واصل وياها ولك
-ههه حضن
-لا يمصخم ليش ولك عروض العالم
-يابه والله هي ركضت لحضني
- استفاد منين هاي ولك
-يابه بت بيت نصيت راسي شكول شحجي اسكت احسن بداخلي يابه ليش متخطبها
-والله فرتني السبع دوخات
-ليش
-سالفه طويله ضربت على فخذه وشوكت نفرح بيك
-ههههاي اني اوكف على رجلي يله
-الله يسهل
-الرايدها بنيه
-لا مطلقه يابه مطلقه-
-زين روح اطلبها وبعد سويت العليك اذا تحبك تقبل واذا مرادتك ترفض وخلص الموضوع لشوكت يضل بيتك فارغ
-صفنت هزيت راسي صح حجايته صاير رجال وتنصح ابوك ضربته على كتفه يله ابني كوم ننام باجر ورايه دوام ووراك طلعه لبغداد
-اي يابه كايم فتت للغرفه ونمنا
مسره-مرت االايام كملت امتحاناتي وبقيت انتضر النتيجه خابرني بيوم من الايام
الو
هلو حبيبي
هلو شونك
اا حجي اشوف امي
صدك تعال يله شعجب
مو خبصتني تبجي وهاي صار كومه حجي اشوفها شوي واطلع
يله يله
ماحصلي حضن شي
شكلك تعودت
لا بس هيج اشوف اخذ لا
انت شتحس من تحضني
الصراحه
اي
احس حاضن طفلتي
اي شنو هاي
وانتي شتحسين
كلبي يكوم يوجعني
احساسي وياج عاطفي اكثر من جنسي
ها
اي فهمتي
اي
لعد ليش تحضنني
اني لو مااحس انج محتاجه لهالحضن فلا اتدنالج الا بالحلال
شون محتاجته يعني
يعني مثلا بيوم الجيت الم هدومي وانتي تبجين مو ركضتي لحضني تبجين
اي كلتها ضايجه
شوفي جنتي محتاجه للامان ووعد اني ماعوفج
اي شنو هاي بعد متحضني لعد
هاهي براحتج بس اذا احتاجيتيني---
ماكولك ماريد
لا تكولين لان ماريد تضل الحاجه بيج اني موجود حبيبي
اي تنهدت راح تجي
اي هسه شحتلبسيلي
ماادري
يله مفاجاءه لعد
اي بملل كلش ضجت منه وروحي طكت حسيت علمودي وممحتاجني بكد ماآني محتاجته -----
يتبع....
