كعدتني وتريكت كوه جانت طايره واني روحي مخنوكه بدلت جانت مشتريتلي كومه هدوم لبست وطلعت وياها رحنا لمكان تعييني العينوني بي وصلنا وطبيت طبعا المراء يعرفوها لان مرت المدير وكعدونا وقدمولنا جاي وهالسوالف وباشرت بعملي مجال دراستي اللي قربت انساه واحد فوك راسي علمني كم شغله راسن تذكرت وباشرت راحت امي واني ارتاحيت بالعمل وبصوره دووبه لان فرحان كمل اليوم ورجعت خابرني يس طلعو لاكين الذهب جريدي ضامه مفلشين اوكارها اللي بالحايط كوم ذهب لاكين اول مره اشوف جريدي يخمط ذهب المهم كللي ارجع كتله تعينت رحتله للصياغه ساعدتهم بالترتيب تعذر استاذي مني رجعت لشغلي بس وره ٤ لليل حتى من اعزل ابقى بالمحل لليل يله اطلع لبيت امي مرت كم يوم اطلع الصبح قبل كعدت عمي وارجع ب١ تفتحلي امي الباب انسان بلا طموح ولا مشاعر وللاسف بلا غيره زوج امي مشايفه بعدني صار اسبوع بس باجر جمعه والله يستر ____
مسره_ كضت الايام امي تعافت بس بقت عصبيه وبس تصيح عليه واخويه من يخابر ترزله وتسده بوجهه خطيه لحد ما فد يوم الجمعه الصبح ابويه طلع ديجيب كيمر من العطار شافته من زرف الباب شفتها ركضت لبست عباتها وطلعت ركض لبست عباتي هم ورحت وراها ماما ماما يمعوده منا العالم
طبت لبيت وراه ولزمت مرته ملختها وتصيح ابويه يجر واني اجر اتوسل وماكو متهدها كفش من شعرها لحد ما صاح ابويه سااااااجده انتي طالق طالق طالق رجعت امي ليوره تباوع عالبيت تبجي باوعتلي وباوعت على ابويه صاحت بعلو صوتها حسبي الله ونعم الوكيل بيك ذليتني واني عزيزه اخوتي
امشي طلعي بره
ركض على مرته وكفها وعدل شعرها بقيت اباوعله بحقد انتبهت اكو ولد واكف بباب غرفه عصام عاكد حاجبه يباوع وينصي نفس الولد ابنها هيج بابا حتى اخويه نساه جريت امي وطلعنا امي ضلت تشهك
مصطفى_ فزيت على صوت الصياح كمزت فتحت الباب شفت مره تكتل بامي بكلب محروك بقيت واكف بمكاني جامد والرجال اللي شفته وياها بالفديو يجر بيها وهي ملختها لامي طلكها وضلت تبجي وتتحسب نصيت راسي اريد اشوف حوبه الله بيهم اريد اشوف شحيسوي بيهم الله طلعو من البيت باوعتلي البنيه بنضره حقيره نصيت وفتت وسديت الباب بقه رجل امي يحضن بامي لعبت نفسي تمددت بله اني شعدي هنا شداسوي خابرت ابويه كييف بيه باجر عطله هم كلت اروح يمه اقلها مااستغرب منه تخلص العطله واجي لبست وطلعت صاحت امي
مصطفى مصطفى ماما تعال
ها وكفت بالطرمه ماريد اشوف رجلها.تعال همست عيب ماما سلم على عمك
جريت نفس وكفت درت وجهي تقربت دايس على كل ذره احساس بيه شونك ابو عصام
_ هلو ابني انت هم ابني
_ ممم يله اترخص
_ وين حتروح حبيبي
_ رايح لابويه
_ شنوو شعدك
_ شنو شعدي غير ابويه اروح ابات يمه
_ شوكت تجيني ماما
_ اخ يابه السبت السبت ب١
_ ماشي حبيبي الله وياك
_طلعت من البيت وفكت الخنكه وصلت كربلا بعد ساعتين تلكاني ابويه باحضان وبجي ارتاحيت بحضنه طبيت لبيته رغم بساطته وصغره بس جان دافي حيل ومرتب ومريح نمت راسن وراها كعدت واكلت وياه بقينا نسولف عالوضيفه لاجاب طاري امي ولا جبت طاريها كملنا اكل اخذني وطلعت جنت احس روحي خفيف والله لو متمكن ابقى هنا بس ادري بي ماعده اخذني زورني كربلا العباس والحسين بقينا بداخل الحضره كاعدين بلواوينها اباوع عالامام اعاتب مو اني نسلي منك ليش عالمذله الاني بيها كعد والدي يمي سولف عالطف والصار بيه سولف على مصيبه زينب سيدتي ومولاتي هانت عليه الدنيا وشفتها بزرف ابره ابتسمت عرفت راد مني الصبر جان يحجي بابتسامه حنينه متعلم عليها من سنين ومشتاقلها بتنا ليلتها بمضيف العباس حسيت براحه محتاجها صار شهور بقيت اباوع عالقبه لحد ما غفت عيني
مسره_ رجعنا لبييتنا امي مابطلت بجي باوعتلي
ماما اني بعد مااكدر حدز على اخوتي تعبت ابوج طاير بموتي
كيفج ماما همست ابجي لبجاها ويوميه حقدي يكبر خابرت خوالي حضرت هدومها وحضرت هدومي وصل خالي كام يصيح وامي تبجي وتلطم باوعلي وكالي صيحي ابوج رحت عليه صحتله مقبل يجي كال كوليله طلكها وشيسوون خلي يسوون خليتها ادميه وعفتها ببيت يسترها ومكعدت يطبها طوب تخبلت تخبلت رجعت كتله خالو مو بالبيت باوع لامي واخذ جنطتها ساجده مثل مجيتي فارغه ترجعين فارغه وبيت ابوج شكبره وعدج ٨ اخوه نصيرلج عين غطا وعين فراش امشي وياي خويه لعون لتهتمين
يتبع....
