مرت االايام واني اكعد الصبح نتريك كلنا بس نضرات مصطفى الي بابتسامه تنسيني همي كام يتريك ويانه واني هم ابقه اتريك يله اطلع علمود نتشاوف كدام امه ابد ميبين بس يصير مجال لو يضحك لو يغمز يضحكني بديت اتعلق بي ومن يتاخر يضل بالي ----رجعت من الدوام سويت دولمه كمت احس داركب اله حتى يضوك اكلي ويعجبه كملتها حسب معلمتني ماما جنت فاتحه مايك---اي ماما كملي داسمعج
-اي ماما خلي كلاصين مي ومعجون خاشوكه ولب رمان وملح وحامض وخليها فوك السلك وغطي بالماعون
-اي سويتها
-عفيه ماما قللي دهن ابوج موزين عليه
-بعدج تخافين عليه
-طبعا غير ابوج حاولي تديرين بالج يمه مالكم غيره اووف استغفر الله
-انداريت لكيت ابويه ورايه يباوع عالمايك ولازم الكرسي مرتجي عليه --يله ماما حروح
-وين مو دنسولف
-ااا مو داسوي عصير
-زين لتخلين شكر هواي
-ليش بعد باوعت لابويه
-لج مو دكولج موزين عليه لتصيرين غبيه
-اي قابل بي دهن
-لا السكريات تتحول لدهون اذا محتركت
-هاااا اوكي يله باي
-باي خابري قبل لتنامين
-ماشي----تنهدت ها بابا شبيك
-ماكو شي نصيت راسي
-هي هاي التكول عليها غبيه تعرف شغلات بالسادس نقراها جانت تثقف روحها علمودك و علمود صحتك
-هزيت راسي دتسوين دولمه
-اي بابا
-عاشت ايدج همست طبيت للغرفه بس الله يدري شكد مشتاقلها مردت توصل المواصيل لطلاكنا بس طلعتني من طوري
نجوى-ها حبيبي شبيك
-تعبان حنام من يصير الاكل كعديني
-اي نام
مسره-بقه بابا جهازه بالمطبخ اخذته كلبت بي لكيت رقم مصطفى خليته بجهازي ودكيت دك دك دك ماكو رد وره شوي جاوب
الو الو
الو
الو منو
جان يحجي بعصبيه وصوت هوه عالي يمه
اني مسره
ها الوو
الو شبيك
منو انتي
انت بالماطور
اي احجي منو انتي
اني مسره مسره
هااا هلو شونج وكفت الماطور
الحمد لله انت وين
بالطريق دتروح للصياغه
ليش متجي تتغده
ها ليش
مو شسمه مسويه دولمه ومطيبه من تبرد
ها هيج تكولين يله راح اجي جوي همه
اي جوي ونامو
خوش لعد خليلها مي هواي احبها شط الحسينيه
ههه اي سويتها هيج
مم ماشي محتاجه شي اجيبه ويايه
االا مثليش
اي شي يعجبج
لا ماريد كلشي عدي
يله جاي حندعم روحي.
ههه باي سديته فرحانه حضرت الميز والخضره سمعت ماطوره ركضت طبيت بدلت صفنت شلبس مااعرف اريد شي يطلعني حلوه لبست تراكسود نص ردن بي كصف وردي وبرموده بجامته رفعت شعري عالي وضفرته بينت ملامح وجهي وجسمي تعطرت وطلعت صار بوجهي ابتسم ضل مصدوم بشكلي باوع لجسمي اول مره كام يلتفت عالغرفه مال بابا ويباوعلي مرر اصابعه بشعره وصعد مبتسم نصه راسه
-هاي شلابسه صدك تحجي ناويه عليه وعلى روحها اني اني كمت ارغبلها كمت مااكدر اذا ماشوفها كامت تعجبني كل يوم اكثر من القبله كامت تخابر وتكلي تعال وتطلعلي بهيج لبس واني بحياتي ممقترب من بنيه شون بله سبحت وتفكيري بيها لبست ونزلت لكيت امي توها تطلع من الغرفه ريحه الدولمه واصله لراس الفرع --- ها ماما شعجب جيت الضهر
- ااا تعبان يوم شنو مسوين دولمه
-اي هاي مسويتها جوعان اصبلك
-لا وياكم كعدت بالهول اكلب بالجهاز ماكو مطلعت بعد صاحت عليها امي هاي صارت الدولمه
-اي صارت هسه اطلع اكلبها بدلت مكدرت اطلع بالتراك خصوصا بعد مباوعلي هيج لبست دشداشه وطلعت للمطبخ باوعلي بحرص ابتسم
-بدلت تعجبني من تحافظ على روحها كلشي بيها حلو
- ردت تكلبها مكدرت الجدريه ثكيله وحاره كوه كلبتها انجويت بالمركه مالتها صحت وكمت اكمز دك الايباد امي عالفايبر
-ها انتبهي باوعت لامي انتبهت من كمزت مو بيدي تفرفح واني روحي تلوب خطيه انصمطت خزرتني امي رفعتلي حاجب نصيت راسي كعدت شلهت ايدي اكل طب كعبول وكعدت امي غير تكعد تاكل هي وكت تلفون هسه
-الو ها ماما اي دااتغده خوش كولي لجنه تدزه الي بيباي سديته وكعدت يم بابا كبال مصطفى اباوع عليه واكل جان ديداهم مو دياكل اكل هواي كلش كعد اول واحد وكام اخر واحد ابتسمت باوعتلي نجيوه
-شبيج مسره شو توزعين ابتسامات
-مبيه شي ميصير اضحك تذكرت ماما حجتلي سالفه تضحك
-ليش امج هم تضحك
-اي بطيبه كلبها الابيض
-ها ههه
-كملت اكل وكمت منضر مصطفى مكدر يخلي امه تعكر مزاجي كملو اكل شلت الغراض اباوع ايده على بطنه كام يروح ويجي بالطرمه بابا فات للهول يرسم مخطط ومرته هم صبيت العصير وديت لبابا منطيت لنجيوه وشربت اني وبقيت كلاص لمصطفى اخاف اطلع لتشوفني الحوبه من شباك الصاله طلعت لابنها اشرتله ابتسم باوع عالشباك عرف بيهم بالصاله ---هاك هذا العصير
-وين احطه مبقه مجال باعي بطني شسويتي بيه
-طيبه نصيت راسي مبتسمه
-تخببل صار يمكن خمس سنين مماكلها ومن اكلتها مو مثل هاي
-طبعا طبخي اطيب من طبخ امك
-لا ابويه سواها اصلا امي متعرف
-ههه كرت عينك
-شنسوي هاي امي بعد ابتسمت
-ههههه بقه يباوع بعيني يضحك وجهه صار احمر
- تخبل من تضحك بدون مااحس كرصتها من خدها
-نصيت راسي خجلت مصدومه بحركته مشيت سريع و طبيت للغرفه مالتي اباوع على وجهي ينفر دم وبيه رجفه تخبل تمددت حضنت المخده ليش هيج يدفي كلبي من احاجي اتاثر بي كلش معقوله احبه تخيلت روحي بحضنه عزه يمكن اموت غمضت عيني وغفيت لل8يله كعدت صدريتي وصخه وقميصي هم ركض طلعت غسلتهن مديت راسي لكيت ماطوره مموجود لعد راح للصياغه غسلت هدومي لكيت بالسله تيشرتاته لزمت واحد منهن شميته تخبل ريحته رغم وصخ القميص بس مابي ريحه مثل ريحه بابا غسلت تيشرته وجواريبه الجانت بالغساله امه لو تريد تغسلهن جان غسلتهن من زمان صعدتهن فوك شريتهن وهدومي هم ونزلت لكيتهم ديبدلون ---حتطلعون
-اي بابا معزومين على عشا قفلي الباب ورانا ولتفتحيها لاحد
-اي ماشي طلعو قفلت وكعدت اقره لل 11طبو وفاتو نامو خابرت ماما حاجيتها ورجعت اقره كلسا اباوع عالباب مصطفى تاخر لحد مسمعت ماطوره يله ارتاحيت صعدت ركض فوك طببت تيشرته من السطح وعلكته بغرفته هو والجواريب ونزلت ركض جان توه ديطب
ها ابتسمت شونج همست.
زينه دافوت للغرفه انهزم من عيونه
تعاي تعاي تعاي انداريت عالغرفه مال ابوها ورجعت باوعتلها همست شنو زعلتي
-جج نصيت على شنو
-خاف جيف كرصت خدج باعي خدج مال راجديات متفح يعني موقصدي شي والله
-خدي مال راشديات مو بسيطه شوف منو يحاجيك
-لالا تعاي يمعوده ههه تطلعين شوي بالمرجوحه
-لا همست اشرت عالغرفه خاف يطلعون
-زين قفلي الباب وصعدي فوك ميحسون
-ها باوعتله صفنت مامنه بيه اني بس هم اخاف جاوبت اي هسه روح واجي وراك
-انتضرج صعدت فوك شوي وجتي فتحت الباب ضحكت عليها ---جنج حراميه
-والله الحراميه ميخافون مثلي هههه هاي شنو كله كرزات
-هو كلت حتى نسولف ونكرز بس انتي تسوين دولمه فتحت الجيس تحبين الدوندرمه
-الله هاي مال موج عصام جان يودينا عليها
-اطيب موطه موطته
-اي والله
-كعدي كعدي كعدنا بالكع قفلت الباب وكعدنا نسولف ونضحك نوبات انسه هي بنيه احسها رووح حلوه طلعتني من همومي طيتهاا دوندرمه واكلت بشراهيه خربتني ضحك -تلعبين ورق
-ايي
-تعرفين لج
-اي اعرف لعد شبيه جنت العب وي عصام
-دتعاي لعد همزين جبته اوزنيف تعرفين
-ايي
خوش
من شنو نلعب
شون يعني
متعوده العب من شي لو كتله لو سبوعيتي لو كيكه وهالسوالف
-ههههاي وكعتي من راشدي اذا ربحت اضربج راشدي
-والله
-اي مو عصام جان يلعب من كتله اني من راشدي
-ممم موافقه وانت اذا خسرت شسوي بيك
-تره مترهم رجال مشورب تضربني مره باوعتلها بتوسل
-لالا نص كيلو موطه
-متفقين لعد بلشنا لعب وكم داس ربحتني صارت ب3الا ثلث ربحتني كيفت انفتح كيلون الباب بس مقفول كمزت ضلت صافنه عليه خلت ايدها على حلكها
-شششش تعاي همست طببتها بالكنتور وسديت الباب ----منووو لملمت كلاصات الموطه ذبيتها بالزبل
-اني ماما افتح
-فتحت الباب ها ماما شكو
-ويامن دتحجي منو يمك
-محد دادا احجي بالفون
-هااااا اكو حبيبه لازم
-باع حضي المزورك ---ااي بقت تباوع عالغرفه
هاي شنو الزبل مال كرزات لمهن ماما
اي هسه المهن شمكعدج بهالوكت
-سمعت ضحكك عبالي هاي الحيه يمك تخبلت
لا بابا شعليه منها
تعشيت
لا متخوم كرزات والدولمه مال ضهر
ها دنام لعد مماتي اسفه عالازعاج نام وراك كعده
اي حنام طلعت وقفلت الباب متت بدمي ركضت عالكنتور فتحته تخرب ضحك مكنفده طلعي جنج بزونه طلعي
عبالك بايكه بوكه وشنو تكول عبالي هاي الحيه يمك قابل شعدي وياك
-شمدريني عبالك انتي حتصعدين يمي
-هههه خرب مو قصدي هيج بس امك قصدها غير شي
-شنو قصدها باوعتها بمكر
-تعرف
عرفيني
مادري هسه شون اريد انزل
اوكفي شوي واشوفلج طريق
اي بقيت اكل بشفافي خايفه اباوعله بقلق مرت ربع ساعه مد راسه عالدرج كلي فاتت ركضي نزلت ركض و فتحت القفل طبيت للغرفه اوووه جريت نفس قفلت الباب عليه دك الايباد فايبر رقمه
الو
ها
وصلتي بسلامه
اي هههه
يله نامي
اريد نص كيلو منسيت تره
يايابه شكد تاكل ميخالف عمي
ههههه يله تصبح على خير
هلاوو سديته وخليته على كلبي شدتسوي بيه اخت ام روح صديقه حبيبه يصير تصير حبيبه غمضت عيني ابوكها من ابوها شسوي
يتبع....
