سديته منه نمت تعبان كلش
مسره-مجرد كونه فوك وعايش هالشي يريحني حضرت غراضي وهدومي لباجر ركبت وغسلت هدوم ابويه ونجيوه اسد حلكها ونمت من وكت كعدت الصبح ورحت لدوامي كملت الدوام ورجعت للبيت نجوى بالمطبخ وحدها تذكرت من جنت ارجع وماما جانت بالبيت شون ايام حلوه
السلا عليكم
هلو مسره باعي بس عود نضفي صديقاتي واصدقاء ابوج يجون اليوم يشوفون مصطفى
البارحه نضفت
اليوم هم نضفي اني مااكدر اعوف مصطفى دقيقه
اي ذبيت جنطتي جريت نفس ربي ساعدني بدلت وكربته للبيت روحي طلعت كملت وغتت نمت حتى اكل مااكلت وره ساعه جتي كعدتني
كومي بس سوي شوربه ورجعي نامي
اي كمت وسويت بس لخاطر مصطفى اموت واعرف شون صار كملت وصبيتها وجتي صعدتها طبيت صليت وطلعت اكل متت جوع خابرت ماما وسديته منها وبلشت دراسه لليل فكت عني ياخه نجوى همزين سمعت اصوات بس مطلعت اكيد خطاطيرها اني شعليه خابرت ماما قبل مانام مشغول
ساجده-الو
هلو ساجده شونج
الحمد لله انت شونك
الحمد لله اليوم متخابرنا
اي مصار مجال عدي طلبيات
ها الله يوفقج اني اريد طلبيه كبب اذا تكدرين
هههه
والله شبيج
وشون تجي تاخذها
ادز مرت ابن خالي
حيل تجي لعون
اي اريد اضوك اكلج يابه احسن مااشتريها من المحلات هاي مال بيت
كيفك شتريد
شكليلي منكلشي 20كل انواع الكبب
بعيني تتدلل
ممنون شوكت تخلص
فد يومين
ها شاطره والله
لعد شعبالك بيوم اخلصها بس عدي طلبيات.
ممم موفقه انشاء الله تنهدت اخوتج زينين وياج
ذهب همه ونسوانهم وجهالهم لو تشوف ولد اخوتي من يشوفوني شون يتلكوني يبوسون ايدي وراسي
انتي زينه ومااتصور اكو شخص يكرهج
اشكرك
ساجده مراح تكوليلي ليش صار الطلاق
كتلك ممتوافقين بافكارنا اخذ وحده مثله
شنو كان عمله
ااا دكتور
واللي اخذها
هم دكتوره
سبحان الله الطيور على اشكالها تقع
صح
زين وانت شنو السبب
اني لوحدي حكايه
اسمعها اذا ممكن
ساجده بس وياج من احجي ارتاح
والله اني هم
اسمعي لعد اني اخذتها طفله كبرتها بايدي درستها وعلمتها ووصلتها وخليت مدرسين سويت المسووو حتى اهلها دللتها بامكانيتي لدرجه نهايه الشهر ولا فلس بجيبي لابيت اشتريت مثل جماعتي لا سياره لان مصرفها وحده عدال راتبي وبالتالي صارت ووصلت واول متخرجت وتوضفت واستلمت راتب وكامت تعرف ناس هاي كالتلي دفنت روحي وياك متتصورين شسوت بيه هالحجايه حسيت بعجز عيرتني بفقري والطمه الكبرى نزلت 3اطفال مني بدون علمي اعرف وره متسقط والحجه جانت يوكفون بمستقبلي مصطفى كوه صار تعرفت على مدير الدائره حسب علمي وهي ذكيه اثارت اعجابه اختنك صوتي سكتت مكدرت اكمل نزعت المناضر دمعت عيني
ساجده-بجيت متحملت بس مبينتله او حاولت مابين
الو
مجاوبت
ساجده ويايه
اي همست
شبيج متحجين
هيج دادااسمعك
ساجده دتبجين عليه
لالا
تنهدت سكتنا دقايق
الو
ها عيني
سكتت وطولت السكته بس صوت النفس
اريد اشوفج همست
ها
اريد اشوفج
لا
ليش همست تخافين مني ساجده
لا والله
لعد شنو بس شوي تعبت واني اتخيل شكلج
ليش تتخيل مو كلنا اصدقاء روحيين
تنهدت مدااكدر بعد خليني اشوفج
شون تشوفني
فتحي كامره
لاعيني لا
ثواني ساجده
ماريد ليش تلح
كيفج هذا هوه تنهدت ساجده هم تشتاقيله
المن
لطليقج
سكتت و دموعي نزلت
جاوبي
اي وانت
اني هم رغم كل اذيتها وامتناعها عني سنتين قبل الطلاق بس كانت شوفتها كفايه طفلتي اني الربيتها بس ربيتها غلط
لا مو غلط هالشي عدها بكيانها بذاتها نقص للاسف اني جنت اتمنى منه نضره حب مو كلمه نضره بس جان دائما يستصغرني باني جاهله ومتخلفه
حشاج ساجده بس حنانج كافي
وانت شحسيت من حناني
مااعرف حسيت واني كصوت بس عاد هو رجلج بس تدرين هو الخسر
مرتك هم خسرت
لا ربحت وارتاحت واني الخسران الوحيد بهالزواج لا ابني يكدر يعيش بمحافضات بحين هو عايش منطقه راقيه ولااني كدرت انسى عذابها
انساها نزار انساها شوف حياتك
الله كريم وانتي شوكت تنسي
من تطلع روحي
الله هلكد تحبي
فكيت عيني عليه
ميستاهل اضفرج
راح بعد
ساجده اني بديت اتعلق صراحه بصوتج ماريد اكذب عليج
اي
يعني شكد متكدرين حاولي تحجين ويايه احسج علاج لروحي
انت هم
صدك لو مجامله
لا والله من عرفتك بطلت ابجي قبل لا نام
بس هسه اني بجيتج
لا غير شي اللي يشوف هموم الناس تهون عليه بلاويه
صح كلامج صح
اني نعست حروح انام
اوك تصبحين على خير
وانت من اهله
مصطفى-ضليت بالليل افكر بيها اباوع امي نايمه عالقنفه هيه لو تنزل جان بس شفتها اخ لو اكدر امشي شتاقيتلها العوبه لزمت الفون مبي شحن طافي والشاحن بعيد بقيت اتفرج عالغرفه شون تنضيف وترتيب لا يا الله الكلاده باوعت هدومي مبدليها يووو بيوم الضربه سويتها وخليتها بجيبي جانت مكطوعه وين البنطرون بس لا غسلو لا ياالله بالبلوعه راح والنبي تملخني ضليت اكلب بالتلفزيون للصبح يله غفيت
مسره-كعدت كالعاده ولدوامي بس هالمره بابا وصلني
اوصلج اني
لا بابا اني اروح.
بطريقي صعدي
صعدت مستغربه صاير حنين شعجب صعدت مشينا شوي
بابا عصام ديخابرج
لا بابا بس الخميس
من يخابر كوليله ابوي يريد يحاجيك
اي بابا كيفت اكيد حيدفعله الكفاله عصام نفسي بهالدنيا جان نعم الاخ خطيه بالعطله جان يشتغل وي بيت ام احمد ويشتريلي اشكال وصلت للمدرسه وكملت دوام عادي مستواي وسط ناجحه بس ستينات كافيه ماريد اصير طبيبه مرت يومين مصطفى ما شوفه واني اسويله التكه شوي والمعلاك والزلاطه والعصاير نجوى حايره بابنها وداءما اسمع صياحه يطردها من غرفته وعراكه وياها تنزل من يمه تبجي وبابا يخفف عنها تجي ايام اشفق عليها بس هي البدت كلبها على ابنها هاي التخون طبج طوب ماما يوميه تكبر بعيني غركتنا حنان لاخر لحضه بعمري ماانسه فضلها اشتاقيت لهذا الحيوان
مصطفى-التلفون بالضربه لطش حضي المزورك منين مااندار سوده مصخمه هاي العوبه لا صعدت لاسالت بس شون والحكومه فوك والفون لاطش كمت امشي عادي مبيه شي بس من امشي ضهري يون عليه لاسي فتحت الضماد واجه الدكتور شال الخيط بقه بس جروح ضهري ساعه تحرك ساعه تحك موتتني يس اجاني مرتين
وكضت هال4ايام
نجوى-باجر اداوم مديقبلون ينطوني اجازه.بعد
حسين- اي الحمد لله مصطفى هم احسن صار
اي بس اخاف اعوفه وحده
زين داومي واخذي زمنيه فد ب12و ي كعدته
اي خوش فكره مسره مسره
ها
باعي هاي الحليب تعرفين تسوين لبن
اا همستلها هسه اسال ماما
ابتسمتلي اندارت على ابويه
صايره تفهميني
جايزه من روحي بداخلي كلتها--- اي
خابرت ماما وعلمتني وسويت ورحت نمت كعدت الصبح شفتها مبدله كيفت حتداوم هاي اخيرا حشوفه طلعت للدوام ورجعت ب12 راسن طبيت ذبيت الجنطه وركضت فوك دكيت الباب و فتحتها انصدمت لكيتها يمه دنطي الحبوب
نجوى-شكووو شبيج جايه باستعجال ليش صاعده خاف عبالج اني مو هنا ووو
باوعت لمصطفى بلهفه درت وجهي لالا بس اااا اكو بالبيت جريدي بغرفتكم طب ااني ادري بيج هنا داكولج طب بغرفتج
لا بربج جبير لو زغير
اا وسطاني عين عليها وعين على مصطاف سوده عليه ضعفان ابتسملي بمكر يله حنزل
زيين تكدرين تكتلي
لا ااني اخاف متشوفيني صعدت عليج ركض
هسه اكول لابوج
مصطفى-يوم روحي لتنامين يمي اليوم
لا ماما مااكدر اعوفك
يمه شنو ممفطوم رحمه لاالله اريد اخذ راحتي استحي منج وشي ثاني من اشوفج اشتعل نار عوفيني فكي ياخه جريت قميصي وهديته
زين ماما زين براحتك واخلي التلفون يمك من تحتاج شي خابر
خوش بس روووحي
اي رايحه
يوم صدك
ها حبيبي
اا هدومي النضربت بيها وين
اجوه بالمخزن مشككه ليش
ها هيج دااسال روحي روحي.ضحكت شون صعدت بلهفه بس والله كبسه ههههه خرب ببليسج جريدي بت الكلب
يتبع....
