ابتعد عني باوعلي نضره اخيره نصه راسه وطلع ضليت ابجي كارهني ومدااكدر اخليه يسامحني كعدت الصبح قبله سويت الاكل ساعه افكر بعصام وجيته ساعه بمسره وساعه بالحبه كلبي حضرت الريوك شفته طلع من الغرفه المنشفه بيده خلاها على كتفه ملابس فانيلا بس شورت فات للحمام باوعلي وفات بقيت انتضر طلع بدل وفات للمطبخ
- خير شوكاعده
- حضرتلك ريوك حاجيته من دون ماباوعله
- اني اعرف اسوي تره
- اني مرتك
- اي والمطلوب
- هاي واجباتي داسويها
- تنهدت باوعت بعينها كعدت عالميز مسويه مخلمه كلش طيبه اباوع على ايدها اتذكر لمستها على ضهري البارحه روحي تذوب ياالله الطبيت بي لعبه ولازم اطلع منها مترهم نكمل سوه
- تشرب جاي
- باوعت بعينها بعتب دمعت عينها ونصت
- تحبي
- باوعتله لا والله نزلت دموعي انت الساكن كلبي
- كذابه همست ارتجيت عالكرسي كل حجيج كذب همست كله كذب عفت الاكل وكمت مكدرت بعد وجودي يمها يضعفني واليقتلني انها مشاعرها مو الي ودتكذب
- طلع واني انهاريت يعني مكتوب عليه اعيش بتعب
- مسره- مشتاقه اله كلش توقعت حيكول لامه بس مكالها ولاابويه يعرف بامي كلشي على حاله صار سبوعين واني الوب مشتاقتله احاجي ضاربني بلوك حتى من الشبكه تدمرت بليل مكدرت بعد ب١١ خابرت يس صديقه لاول مره رقمه موجود من زمان بجهاز مصطفى دكيت شوي ورد
- الوو
- الو مرحبا
- اهلا منو
- ااني سكتت
- منو الو منو انتي
- اني مسره
- هااا هلو شونج
- االحمد لله
- شعجب داكه
- ااريد مصطفى بس لتكوله اني اريده
- ههه متعاركين مو
- اي دمعت عيني
- ومديخابرج ومسوي بلوك
- اي كمت ابجي
- لج ههه لتبجين تره مصطفى يموت عليج
- لا يكرهني
- هسه شتريدين اسوي شون اساعدكم
- اني بس ردت شسمه اشوفه مشتاقتله
- اطكلج صوره هو هسه نايم
- نياله اكيد طلعني من كلبه ونساني
- هههه لا يمعوده اني مااعرف الصار شنو بس هو بعده يحبج
- لا مستحيل بعد الصار كارهني
-
- اكولج دكيلي عالفايبر فتحي كام
- ليش استغربت توقعت بده يزحف
- لبسي حجابج ودكي حتى تشوفي
- كيفت دكيت عليه فتح كام. السلام عليكم
- عليكم السلام
- باعي نايم
- دار الفون عليه نايم مثل الطفل كمت ابجي
- باعي باعي هذا جهاز من
- باوعت تلفون مصطفى
- وهاي منو بالواجهه
- باوعت صورتي مخليها بالواجهه لابسه حجاب مال كعده امي كمت ابجي
- واليكره وحده يكابل الجهاز ويكعد يباوع عالصوره مصطفى يحبج حاولي تردي لكلبج واي شي اكدر اسوي اني حاضر
- شكرا همست مع السلامه ارتاحيت من شفته كلش طلعت صورته وبقيت اباوع بيها تذكرت كلشي لعبنا سوالفنا اكلنا سوه حضنه الي هواي شغلات -----
- ساجده-بليل رجع اول مطب صبيت الاكل تعشه بدون ميباوعلي وفات للغرفه بعد مطلع مكدرت انام لو باقيه بيت اخوتي هم احسن اقلها اشتغل الهي روحي مكدرت انام لبست شي مال نوم مرتب بس مو كلش مشلح خليت عطر وره اذني ورحت للغرفه مالته فتحت الباب جان نايم نياله عمي تدنيت ومااعرف منين جتني الجراءه تقربت نمت يمه فتح عينه
- شتردين
- احضني
- كومي روحي لغرفتج
- ماروح نزار اريد انام بحضنك نطيته ضهري وجريت ايده لفيتها على خصري حسيته جمد
- موتتني بحركاتها واني بين الثكيل وبين الهوا من الخفه بقيت جامد بمكاني وايدي ملفوفه بخصرها رخيت جسمي عطرها عطرها ضيعني قربت راسي من ركبتها شميتها بستها من ركبتها
- مممم
- ليش جيتيني همست
- اريد انام بحضنك
- ليش
- احبك نزار والله انداريت باوعتله
- سحبتها لحضني وحاوطتها بايدي غمضت عيني بقيت حاضنها بحناني نفسي المتغير هو اليثبت حبي الها مكدت بعد تقربت منها بستها طولت وياها من ابتعدت منتهي مداسيطر حتى على روحي باوعتلها بعتب اذا جانت نيتج تنتقمين. فنجحتي دمرتيني وكعتيني القبلج مسوتها رغم عشره ٢٦سنه
- اش لتجيب طاريها
- ليش هيج شمسويلج والله تدمرت دمعت عيني
- لزمته من وجهه اني احبك والله وداعت جهالي
- غمضت عيني شون اصدكج بعد شون
- الايام تثبتلك
- تنهدت بستها من ركبتها ونت وي حركتي ابقي كولي احبك ابقي
- احبك
- بستها من خدها عينها وركبتها تقربت منها ومن تحضني اضيع بيدها محروم جنت وبيدها ضعت ضيعتني بحركاتها اتذكر الملل الجان بعين نجوى من اقربلها الاستصغار العجز واباوع الفرق بين وحده ذايبه منسجمه بحركاتي اني كامل النقص الحسيت بي وي نجوى مالي دخل بي هي التشوفني بيه نقص اني كامل
- نزار بحياتي مشفت روحي بهل الجمال من تضيع بيدي وتشهك من ابوس ركبتك احس روحي احلى وحده وداااثر بيك
- اتمنى اعرفج من زمان اتمنى مضامه عليه
- جان محاجيتني حبيبي جان عفتني
- تنهدت يمكن صح حضنتها ماريد اي شي ينضم عليه
- ابد
- ماريد غير حب اكلج يخبل احس نفسي توني عشت الزواج ممجربه كبل
- اي حبيبي راح ادللك واعوضك
- ان شاء الله اني هم كومي جوعان
- اي شنو تريد تاكل
- حلويات اي شي
- ماعدي شي ممسويه هسه اسوي محلبي
- اي يله اي شي وكفت كدامي اباوع لجسمها تغطت راسن
- اني رجلج لتخجلين مني
- اخجل جسمي المترهل اخجل منه
- اني بحياتي مشايف وحده عمرها ٣٨وهيج رشيقه وحلوه
- اني رشيقه شنو هالنفخ
- لا حلو متروس بس مناسق تغريني همست
- احبك نمت بحضنه بيومها وكلسا احس يبوسني من خدي رجعته الي رجعته لكلبي نزار عمله نادره مستحيل اضيعه من ايدي
-
يتبع....
