نزار- تعاي فوتي
ساجده-بقيت افر براسي البيت مرتب ونضيف بس محتاج مره ويكعد وزن صغير وململم
- اباوعلها مبتسمه وتباوع عالبيت وتباوعلي نزعت الستره علكتها انداريت عليها واكفه تباوع عالبيت ادري صغير.
-يخبل ابتسمت
-مرت ابن خالي خطيه اليوم حارت بيه تسوكت ونضفت
-خطيه نصيت راسي
-حتضلين خجلانه تنهدت اخابرج شلت الفون اشرتلها بي
-ههههه
- اروح فدوه لهالضحكه ابتسمت تقربت منها تبتعد
هاي شنو
شنو شبيك
حنضل امشي خطوه تمشين خطوتين
نصيت راسي بخجل.
كافي خجل حبيبي اريدج بحضني محتاجج.
تقرب مني وكفت منصيه حسيت بايده تحاوطني عطره الرجالي وخشونته وطوله حسيت نفسي عصفوره يمه عصرني بحضنه هدات روحي نفس المتصاعد ورجفته كلما يعصرني غمضت عيني مستسلمه رخت حتى روحي باوعت بعينه ذبلت مدمعه شبيك
ممصدك فرحان بيج معقوله الله عوضني بيج
اني الاالله عوضني بيك نزار
ها عمري جريت نفس رجعت حضنتها احجي شتريدين امري
لازم تعرف كلشي قبل لنتقرب جسديا
شنو تنهدت
ابدل وانت هم بدل ونكعد نحجي
ماشي ابتعدت عن جسمي وفاتت للغرفه تبدل صدك اني عدي مره بالبيت صدك جتي ساجده يمي طبيت بدلت بالحمام وطلعت شفتها واكفه عالطباخ
دتسوين جايب اكل
لا داسوي جاي انداريت ابتسمت
تقربت منها حضنتها من وره وحاوطت ايدي بخصرها بعدت شعرها عن ركبتهة بستها اندارت خلت راسها على كتفي
شدتسوي بيه
داذوب بيدج داارجع للحياه اخ ربي الحمد لله طلبتج من الله
واني هم والله ردت الله يعوضني بيك بس لازم نحجي
اي نحجي ليش لا
كعدت عالقنفه جابت الجاي وجتي اباوع على طولها لابسه كلبيه صماكي تخبل عليها تعاي يمي
اوكف حباب
ججج جريتها لحضني مكدرت بعد بستها انتهيت وانتهت ويايه كعدنا عالقنفه
نزار
عيونه
بس خل احجي طيني مجال
احجي حضنتها
نززززار
شبيج شكو
اوكف هنا خل احجي خل احجي
هه حلوه عصبيتج
ياالله نزار
ها عيني
اريد احجي
احجي كعدت مبتعد احجي اخذت استكان الجاي اباوعلها هممم
-نزار اني راح احجي لتكرهني بداعت حبنا
- منو مخلي هالفكره براسج رحمه لا الله
-اسمعني للاخير
-ممم
-اني شون دخلتلك
-شنوو
-شون طبيت عليك للفيس
-شون دتكلبين وطلعتلج
-لا كذبت عليك
-شنوو ذبيت الاستكان شنو لعد
-تعرف اني منو
-هاي شبيج
-نزار اني تنهدت خايفه اني طليقه حسين
-لتجيبين اسمه ببيتي رفعت حاجبي اغار
-حتى مسالتني حسين منو
-طليقج فهمناااا
- لتصيح عفيه خل اكمل
-تره بديت اضوج
- اني طليقة حسين رجل نجوى ابتعدت خطوتين منصيه
-شنووو شنووو نزعت المناضر كعدت
- بس باوع
-شبااااااااوع انتي طبيتيلي متقصده طبيتي تردين تنتقمين منها
-لا والله
-لتحللللفييين صحت طبيتي تسويها وحده بوحده لاحب لا مشاعر هاي كلها كذذذب وحده بوحده ردتيها
-نزار والله غلطان وكف تقدملي رجعت خايفه حيضرب مد ايده على شعري
حررررام عليج حرام فوك الاذيه التاذيتها
-اني دخلت ردت اشوف شون عايش مثلي لو
-كذذذذذب كله كذب جريت نفس شفت روحي حضربها ابتعدت ---ساجده اني جريت نفس لخاطر عكل اخوتج حبقيج شهر ونتطلك وانتي تحرمين عليه كزوجه انتي تنامين بهالغرفه اشرت عالغرفه الثانيه واني انام بغير غرفه لا الي علاقه بيج ولا الج علاقه بيه
-نزار اني حبيتك والله
-بسسس عاد كافي كذب
-نزار والله
-جريت الطبله وكسرتها وكسرت الاستكانات العليها خافت ابتعدت طبيت للغرفه اريد اتنفس مااكدر تمددت مخنوك اني شسويت بروحي اطلع من مصيبه اطب باكبر منها انتقام كل همها الانتقام بالها كله يم زوجها واخذتني اني حتى وحده بوحده شنو من حظ عدي بلعت حبايتين بس ردت انام فعلا غفيت
ساجده-طب واني جسمي كله يرجف لملمت الهوسه وطبيت للغرفه لازم اصير قويه حقه بكلشي يسوي طبيت للغرفه نمت -كعدت الصبح ملكيته بالبيت طالع نضفت البيت وركبت وصليت واندعيت
مسره-رجعت للبيت اول مطبيت للغرفه كبل خابرني مصطفى
الو
الو بدلع كلتها
ووجع
عليه هاي
سكتت جريت نفس رجلج اكسرها اذا طلعتي بدون متحجين
ليش قابل انت رجلي
اي رجلج جريت نفس شعدج رحتي.
ماما جاييها ناس ورحت
هااااا وشلبستي دزيلي صوره
ثوب مال حجاب هسه ادزلك دزيتها
ممم حلوه جريت نفس زين شون يعني حتتزوج
اي وشكو يعني
هههههه
هاي شبيك
ابويه تزوج هم هههه
متضحك تره
لا مصادفه اي وامج قبلت
ااي
ممم الله يهنيها
مصطفى حكولك شي
شنو باعي باعي جتني مكالمه ثانيه اكملها واخابرج
ماشي سديته
الو ها يابه شونك صباحك مبارك ههه
والله ماادري شكولك
شكو ليش
اذا كتلك تنصدم
ليش خوفتني
الضاهر صرت لعبه بيد النسوان
هااا شكو
تدري طلعت منو الماخذها
منو
مرت حسين رجل نجوى وانت اعرف بعد ليش تزوجتني
شنووووو صفنت كلبي انعصر فرفحت عرفت قصدهم من اول كمت اتذكر كلشي من اول طبتلي باستني وراها تقربت مني وصارت علاقه مداراتها مسكنتها روح يابه عدي شغل بعدين اخابرك
بقيت اتذكر شغله وره شغله صرت اعصاب خابرتها
الو هلو مسره
ها حبيبي
اريد اشوفج
ماكو احد بالبيت
وينهم ليش
بمؤتمر
ممم لعد جايج
هله بيك كمزت بدلت لبست بنطرون وبدي وحضرت غده وسويت لبن فليت شعري سمعت صوت ماطوره ركض فتحت الباب طب يباوعلي بنضره غريبه
شبيك
هاي شلابسه
مو حلو
لا كلش حلو بس ليش هيج هاللبس الكصيف شتردين تقربت منها.شتردين مني تغريني
-ابتعدت هاي شبيك مصطفى
-شبيه حالي حال اي ولد صاحبته الابستله هاللبس
-مصطفى اني مو صاحبتك اني حبيبتك ابتعدت
-نفس الشي تقربت احضن بيها
-وخر هاي شبيك ليش هيج تحضن مال ادبسزيه
والله ماكو غيرج ادبسز ضربتها على وجهها تناثر شعرها نصت بالبدايه حاولتي ويايه ودزيتي امج تحاول وي ابويه
-رفعت وجهي عرفت بي دره
-كلتلي امي حيه مصدكت طلعت امي اشرف منج ومن امج حقه ابوج طلكها
-احتتتتترم نفسك دفعته لزم ايدي قوي
-من اليوم من اليوم مسره لاالج علاقه بيه ولا الي علاقه بيج تره افضحج فضيحه فهمتي
-بقيت مركزه عيني بعينه مغرغره مااعرف ادافع عن روحي هد ايدي وطلع من البيت كعدت صافنه وارجف كلشي انتهى وراح شمرت الجهاز وفتت اخابر ماما مااحصلها تدمرت كمت بس انام اريد ارتاح وماافكر بي عدت الايام استلمت نتيجتي نجحت بمعدل68 مضل شي يفرحني مصطفى بعد مخابر ولا سال ماما خطيه رجلها ميبقى بالبيت من الصبح يطلع يرجع بليل انقهرت عليها عصام بعد مكدر يتصل دز بابا الكفاله وينتضر توصل احس روحي بدون حياه
ساجده- يوميه انضف وارتب واركب وهو ميجي بس من يجي بليل يصب يتغده كلشي ميحجي مااعرف شسوي ميباوع بوجهي يتسوك ويطلع اليوم لبست دشداشه خفيفه وكيمونه طويله بس كلش حلوه مكيجت خفيف انتضرت جيته طب بليل والتلفون بيده ديحجي بي من شافني سكت بقه يباوعلي بغضب نصيت راسي بقه دقايق يتامل وجودي بقيت منصيه احس حتى اطرافي عركت مشه من يمي وفات للغرفه
طبيت للغرفه الثانيه تمددت شسوي مااعرف بديت اغفي انفتحت الباب غمضت عيني حسيت بي اقترب للفراش كعد عالجربايه
كلشي بيه يريدها محتاجها ومشتاقلها طبيت للغرفه كعدت عالجربايه اباوعلها لااريد كرامتي تروح ولااكدر ابتعد عنها
فتحت عيني كعدت عدل مددت رجلي بلعت ريك محتاج شي
-تنهدت اريد حقي
-نصيت راسي
-مراح اسامحج والبيننا منتهي بس لازم ادخل عليج
-بقيت ساكته منصيه شفته تقرب مني غمضت عيني اوف يبروده اعصابه ويانار كلبي نام ويايه اهمس باذنه احبك ميرد سامحني باوع بعيني
للاسف محاس بهيج نشوه قبل
لتكول للاسف دمعت عيوني والله مااضم عليك شي وماجنت اريد انتقم ولاشي
-شششش خليني ارتاح واعوفج ماضايقج ولا تضايقيني
يتبع...
