نزلت نجوى من يمه باوعتلي بخبث ها خاتون كعدتي
همست اي نصيت راسي كمت اخاف منها
زين اكلي ونضفي البيت عضامي متكسره واريد انام
اي اعرف هو التنضيف عليه اليوم من تنامون ابلش بي
اي زين وو من تردين تشرين هدوم شريها بالطرمه بعد رفعت حاجبي
باوعتلها معاجبني هزيت راسي كملت اكل دااغسل المواعين نزل مصطفى خطف للطرمه حتى مباوعلي
نجوى-ماما تعال اكل
ماريد تاخرت على يس
شوكت ترجع
مااعرف يمكن ابات بره
ها براحتك بعد
مسره-حيكوم يبات بره من ورايه بس هو هم صوجه ليش هيج سوه
بابا مسره هذا الايباد شبي
عطلان بابا باوعتلي الحقيره بشماته
حسين-امج دتخابريها عصام
اي بابا داخابر عالشبكه تنهدت باوعتلها ودرت وجهي
عصام شونه
زين بابا يخابر كل اسبوع يسمحوله بمكالمه خمس دقايق يخابر ماما ويسده
ها زين
طبيت للغرفه فتحت كتابي وكعدت اقره لل1 صارت صنطه كمت عالبيت انضف مسحته كله وركبت تمن احمر ومي لحم دجاج اكلت منه شوي وضميته طلعت عالطرامي دنيا ليل ووحدي كاعده داامسح سمعت ماطور معقوله مصطفى اي والله هو صار الضوه جوه الباب فتحتله الباب جان توه دينزل يفتحها شافني عدل كعدته من طب دمر الطرمه بالتاير محاجيته ولا باوعتله
كملت تنضيف الطرمه وسديت البوري طبيت للمطبخ شفته كاعد بالفانيله والبجامه دياكل تمن وسبيناغ رفع راسه باوعلي ونصه على اكله فتت من يمه المسافه ضيقه بين الميز وفتحه باب المطبخ صرت قريبه منه نصيت راسي ووجهي ضاييجه همس
عاشت ايدج كلش طيب كلتها ببرود من دون ماباوعلها
اي جاوبته همس وطبيت للغرفه شفت ماما اون لاين انصدمت شعدها كاعده
حاجيتها
الو ماما
ها ماما كاعده
اي
شعدج
ماادري مجاني نوم
ها يله لعد حروح اغسل هدومي لان كوم نمت العصر
روحي ماما روحي
رحت غسلت هدومي وطلعت وره البيت اشرها كعدت الحوبه
ها خاتون بالنهار نوم وبالليل كاعده بومه عدنا
انتي شعليج مني شتريدين بعد
اني علمودج وجج صاير شحاله.
مصطفى-يوووم هاي شحيخلصها يووووم
ها ماما ها
شبيج وياها عوفيها عاد
شمسويتلها عيني
تره اني شفتج من ذبيتي الاي باد بالنفط باليل
اني
لعد ابويه شاورتها عوفيها تره وداعت حركه كلبي وغيرتي الواكعه دقيقه ماابقه هنا
مسره-انداريت شفتهم بالحولي يتهامسون بعصبيه
نجوى-شعدك وياها لك هاي حيه لتشوفه بريئه
_ماعدي شي بس لتلحين وياها عوفيها مجايه يمج لتجين يمها
لا اكيد مسويتلك شيي
يبوووووو اني طالع
لالا سكتت روح نام حفوت للغرفه يطبها طوب عساها منامت
صعدت لغرفتي اصعد عالدرج رفعت راسها باوعتلي باوعت بعينها ودرت وجهي طبت للغرفه وقفلت الباب مااعرف ليش هلكد مشتاقلها البارحه هيج وكت جننا نسولف ونلعب شغلت التلفزيون وكعدت اكلب بالي يمها غلطت اعرف بس هي اذتني من شككت بنيتي مكدرت انام للصبح
مسره-للصبح منمت بس كملت المواد كلهن رتبت غراضي طلعت فلوسي حسبتهن 160 كيفت بلكن اكدر اشتري فون داباوع بالمرايه كلادتي ماكو بصدري لا ياالله وينها كلبت البيت كله ماكو ملكيتها كلش انقهرت نمت ب5 حسيت ب10الصبح المنبه داك ومخلص دكته واني نايمه طبعا ماحس عليه اذا ب5نمت اليوم هم غياب كمت افتر بالبيت وحدي عجبني اسوي معجنات عجنت تذكرت هو يحب الموالح سويت وعفته يتخمر كمت سويتلي بيضتين ام العين واستكان جاي معدل عفت الجاي ديخدر خابرت ماما جانت نايمه شنو سالفتها امي لل11 طلعت بالحديقه شفت الباب انفتحت من جوه طب مصطفى منصي راسه على فون بيده سمع صوت بالحديقه دار وجهه عليه متفاجا
مصطفى-هاي شنو ممداومه
-جج راحت عليه النومه نصيت راسي
-اني منمت و هسه طفيت رجعت من دوامي لان فد نوب انسطرت بقيت اباوعلها منصيه راسها تقربت منها --مسره باعيني
ها رفعت راسي باوعتله
اني اسف والله بعد ماسويها
اوك ابتسمت تريكت
لاوالله
تتريك ويايه الجاي ديخدر
اي يله ضحكت ابدل وانزل
اوك ههه سويتله ويايه بيضتين وكعدنا ناكل جنت مكيفه رجعلي صديقي بس من يباوعلي اتذكر انصي راسي هو هم ينصي كملنا اكل بقينا نسولف ياكل بسرعه ويحسس الواحد انه الاكل كلش طيب
- طبعا اني ماحب البيضه ام العين بس هاي تخبل والحامض وياها والطماطا فدشي الطعم صاير
ههه بالعافيه
البارحه ضجت وحدي
اني هم شكد حقير مو جننا اصدقاء
يابه مو اعتذرنا
يله نسيت
باعي اني ب12ونص اطلع وارجع اجي ب1ونص عساس توني جاي تره امي تاكل راسي اذا عرفت جاي من وكت
اي خوش شوي وطلع باوعلي مبتسم تردين شي اجيبه ويايه
لا سلامتك هاها صدك جمعت 160اكدر اشتري فون
ليش فوني شبي
مو اخاف امك تعرفه
ها لعد اجيبلج كفر متعرفه اني يس طاني فونه عده احتياط
ها زين لعد شكرا ههه
عفوا انتي هم دتسوين اكل يخبل جنت عايش عالمطاعم هسه اتشوق ارجع حتى اشوف شمسويه اكل
محضرتلك مفاجاه من ترجع
ها خوش يله خل نشوف باي
هلاو سديت الباب ورحت عالعجين سويته وشويتها صارت تخبل دكتلي ماما سولفت وياها وسديته وضميت الجهاز جتني رساله
شونك يابه
هذا عصام ماكو غيره والله هذا عصام دكيتله
الو
الو الو يابه
اني مسره عصام
ولج شونج كلبه مشتاقلج
اني هم والله شونك
الحمدلله صديقي اجه زارني وجاب فوني كلت احاجي ابويه
بابا بالشغل
شونج انتي شخبارج
ماشيه دااقره
وهاي خو متضوجج مرته
مموتتني بس اني ممهتمه الها بس مشتاقتلكم انت وماما
انشاء الله نلتقي اذا اراد
زين انت شوكت تطلع
بعد 6شهور
زين خو ميضوجوك
ها لا زين بس عادي متاالف ديري بالج على دروسج لتخلين بالي يمج ديري بالج على روحج وعلى حجابج ونفسج حبيبتي
اي عصام ميخالف
عفيه مسره تنهدت اذا مكدرنا نلتقي اندعيلي بصلاتج بعدج تصلين
دمعت عيني اي حبيبي والله بس لتكول هيج مو كلت ارجع لبغداد
الله كريم حبيبتي سلميلي على ابويه
وصل انشاء الله
يله لا اله الا الله
محمد رسول الله سديته وضليت ابجي سمعت بابا طب ركضت عليه
بابا عصام خابر راد يحاجيك
شونه شكال مكال
مكال شي بس سلم عليك ووصاني وهاي هي
نجوى -يله حسين تعال فوت بدل
مسره -كبر طاحضج بقيت واكفه بالباب مال غرفه مالتهم اتصنت
حسين-نجاوي داافكر ادفعله الكفاله اخلي يطلع خاف هناك ياذو
نجوى-لا بابا هذا هيج يصير عصابجي خلي يتعلم من غلطه
مسره تكول جانت تهمته متاخر عالاقساط
جذب قابل يكولك اني بكت لو سويت جريمه يكولها هيج
ها هيج تشوفين
اي حبيبي لازم يتعلم من اغلاطه هسه اني مصطفى اذا سواها اعوفه يتادب حتى ميعيدها
مااعرف شكولج والله
مسره-الله يحرك كلبج عليه دعيت بحركه وطبيت عالسجاده هم دعيت تخبلت خابرت ماما وكتلها ضلت تبجي كالت خوالج ماعدهم مااعرف شسوي كمت اكره اطلع اباوع بوجهه ووجه ابويه بس للاربعه طلعت بعد اكلت وطبيت اقره اكلب بالفون بس نار تاكل بيه لل8سمعت صياح نجوى وبابا يهدي بيها طلعت اشوف شكو
يتبع......
