نزلت الصبح ومقرر مااتقربلها ابد بعد اخاف منها اخاف اغلط واتورط شلي بوجع الراس شيخلصني من امي ووين انطي وجهي اذا صارت مشكله طبيت المطبخ جانت امي كاعده تسوي ريوك
ها ماما صباح الخير
هلو يوم سمعت باب غرفتها انفتح تلفتت منصي راسي شفتها كبال مرايه الكليدور تمشط شون شعر نسيت نفسي اباوع صفح ضايع بثخن شعرها وطوله باوعتلي ابتسمت درت وجهي راسن وكمت طلعت هاي اني وين رحت بخيالي صاحت امي تعال وين تريك وروح
اتريك بالشغل.
مسره-بس باوعتله طلع شنو عباله حسويله مشكله لخ لو مسامحني من اعتذرت منه اووي شسويله بعد خلي اشيله من راسي البيه مكفيني طلعت تريكت وكبت العيطه مال ابويه يصيح قمصانه كلها دهن ضحكت بداخلي اخذت جنطتي وطلعت للدوام بهالاسبوع مشفته غير مرتين وبس يشوفني يتهرب مني كمت اخجل من نفسي احس روحي ادور عليه كام من يجي اطب للغرفه اسمع خطفته فوك يصعد الدرج سريع ويطلع قبل لا اطلع من غرفتي لزمت التركيب اني اسوي قاءمه للوالد وشبيها يجيب مو مثل قبل كمت ابالغ بالمسواك فاكهه مخضر اخذ راحتي واسوي غده مثل مجانت امي قبل معلمتني لان اني استفاد كمت اجمع ومتخلص فلوسي لان المسواك كله ديجيبه
اركب بليل واخلي بالثلاجه ومن ارجع احمي واكل وانام ومن اكعد اضل اقره لليل تنضيف يوم بالاسبوع ماما عادي اخابرها يوميه اخر شي طلبت طلب غريب رادت اسم صفحه مرت ابويه بالفيس نطيتها الها خطيه امي تحس بنقص مع العلم اكثر مره كامله شفتها بحياتي خابرها عصام ومكلها هو بالسجن شويه ارتاحت عدت كم يوم واجه يوم الخميس طلعو ابويه ومرته بيومها بقيت وحدي بالبيت لل11 يله رجعو اخذت راحتي قريت وراها نضفت وسويت كيكه وزينتها عشقي الطبخ سويتلي بورك وضميته للدوام خليتلهم شوي بس الاكثر الي طبو لل11 جايبين عشا من المطعم ومتعشايين ابويه طاير بيها ساعات اغار من فرحه لان على حساب سعادتنا فاتو نامو اكلت لكمه من الاكل لعبت نفسي مااكدر اكل اكل مطعم رجعته بالفرن وفتت للغرفه لل1 طلعت توقعت مصطفى فوك مكدرت انام فتحت باب الطرمه وكعدت بالمرجوحه اباوع عالسما شفت ماما دازه رساله كاتبه
هذا رجلها السابق شفته مكتوب متزوجه من نزار علي بالحاله الاجتماعيه جنان طلعته----رديت اي يمكن ماعرفه بس هذا حسابها القديم هسه مخليه صورتها هي وبابا ----مردت عليه يمكن نايمه تمددت عالمرجوحه اباوع عالسما جنت انام بحضنها وهي تلعب بشعري فليت شعري وبقيت اباوع عالسما تذكرت من بست مصطفى من خده هالاثناء سمعت صوت ماطوره فتح الباب مال البيت من جوه وطب من شافني تفاجا طفه الماطور كعدت عدل شلت شعري وضفرته يرفع راسه ويرجع ينصي معرفت شسوي افوت للغرفه واكسر هالاحراج لو اسويها عادي
مصطغى-بقيت لل2بالشارع ومن رجعت لكيتها بالمرجوحه هالبنيه اخاف من قربها اني حطب وهي نار نصيت راسي بس مشتاق اشوفها مااعرف شسوي اباوع لو انصي وصلتلها شفتها وكفت باوعت بعينها جريت نفس ---هلو
-هلو مصطفى همست ونصيت خجلانه وضايجه من روحي خله ايده بجيبه باوع عالباب ورجع باوعلي
-تفوتين
-تنهدت وبعدني منصيه لا ماريد شوي محتصره
-كيفج طبيت للمطبخ فتحت الفرن طلعت الاكل كعدت علميز اكل واباوعلها اريد اشبع عيني منها كلسا تباوع وتدير وجهه
-كمت من مكاني طبيت المطبخ وقفلت الباب وكفت يم الميز العب بطرف ضفيرتي منصيه جريت حسره باوعتله شفته وكف اكل يباوعلي ويهز برجله ---مصطفى شنو بعدك زعلان همست خاف يسمعوني امه وابويه
-جج نصيت راسي عالاكل كمت لميته وخليته بالثلاجه بالغلط طخيت بيها رجعت خطوتين آسف مو قصدي غسلت ايدي وكعدت بالهول لحكتني
-مصطفى الجهاز ديطفا
-باوعتلها بمكر مبينه دتكذب
-لا مبي شي دااتشاقه هه شفت نفسي صرت سخيفه وهو مديضحك وواضح انه وجودي ديضوجه من هزه رجله وكفت رفع نضره باوعلي مااعرف اوصف نضرته ردت اطلع من الهول لزم ايدي وهو كاعد منصي
-اوكفي عدي حجي وياج همست باوعت على باب غرفه ابوها التكطعني كلما اعرف ابوها حاضن امي ونايم اتخبل ---بس مو هنا فوك خاف احد يطلع
-اوك هزيت راسي اصعد واني شوي واصعد وراك
-ماشي صعدت فوك انتضر انتضر ماكو طبيت سبحت وبدلت بالحمام وطلعت اندكت الباب فتحتها تعاي بلعت ريك من تفوت للغرفه احساسي يختلف تاخرتي وكفت امشط تباوعلي وتنصي
-مو بابا كعد انتضرته يغفى مره لخ وقفلت باب الغرفه مالتي حتى خاف يطبون هي مقفوله عبالهم نايمه
-انداريت عليها كعدت على طرف الجربايه كعدي داحاجيج
-هيج مرتاحه بداخلي اعرف مراح يسوي شي بس وجودي بغرفته رهبه تقرب قفل الباب
ليش قفلتها لزمت ساعده بقلق
خاف تصعد امي شبيج باوعتها مستغرب عود اذا سويت شي صيحي ويصعدون
-لا نصيت مو قصدي هديت ايده كعدت عالطابوريه مال ميز تواليت وكعد كدامي عالجربايه مسافه شبرين 3
شردت تحاجيني
مسره رفعت راسي ليش هيج سويتي
اسكت لتذكرني
يعني ندمانه
اي نصيت راسي
همم هزيت راسي باعي اني ماعدي شي وياج والله شاهد عليه ماريد تتاذين اني بس وي ابوج مشكلتي اكرههه واكره حتى امي لتتوقعين اني مرتاح بكعدتي بس ينطوني راتب اطلع ااجر حتى لو غرفه ولا ابقه بهالذله احجي ومنصي راسي ماريد تضيع الكلام من اباوع بعينها اشوف خجلها
-ليش
-شنو ليش باوعتلها عكدت حاجبي
-ليش ذله
-ليش الكاعد ببيت رجل امه عده كرامه باع هاي عبالها مكييف بابا اني محترك حرك
-باوعتله بقينا عين بعين دمعت عينه
-روح لابوك
-ابويه بكربلا وماعده خلك راتب اعيش من راتبه وشاربي تارس وجهي
-اني اعتذر
-على شنو نترت بيها
ماادري غثيتك بالحجي واتهمتك
-اني بس ردتج تفهمين تره اني ممرتاح
-اي فهمت نصيت راسي بقيت العب بطرف ضفيرتي
-عضيت شفتي بقيت اباوعلها منصيه راسها بخجل وندم ----شونج انتي
-رفعت راسي ابتسمت زينه اني
-تركيبج طيب كل يوم اتعشى بي صار عدي كرش من وراج
-هههه لا منيلك باوعت لجسمه ونصيت
-سكتنا اباوعلها صفح تباوع وتنصي تمنيت قربها بس هالنضره تكفي كلبي
-ليش تطلع من وكت بله ريوك ومن تجي تالي وكت كلش
-تنهدت نصيت رفعت راسي حتى ماشوفج
-ادري ضوجتك بس والله بس انت الحباب بهالبيت الدافع عني ساعدني بالايباد
-وهسه وبعد اي شي تحتاجي كولي لتترددين
-شكرا همست دمعت عيني
-شبيج
-هيج
-لا احجي باوعت بعينها من تدمع تصير تخبل
-معقوله انت ابن نجوى
-هه لو تتعرفين على ابويه جان مستغربتي
_خطيه مثل امي
_اي بس الله خلصه منها دمرته
_اي ماما هم خلصت منه بس بعدها تشتاقله
_حبهم باخلاص مو مثل الجوه
اي تنهدت
تشتاقيلها
كومه لو ما المخابرات جان متت
اني هم كل يوم اخابره احجيله بالتفصيل
ممم باوعت بعينه ابتسمت سويت كيكه
ممم جيد
تحب الكيك
يعني بس احب الموالح اكثر كرواسون موالح بالجبن هالسوالف
ها عصام هم جان يحب موالح
شخباره
احسن حاجاها لامي بعدها متدري بي مسجون
ها زين سكتنا بقت منصيه لااني ديهلي اكولها روحي ولا هي تريد تنزل ورثت جكاره بقيت ادخن واباوعلها حتى فرك شعرها حلو نزاكتها ورشاقتها بياضها وخدودها جمالها بسيط بس سطرني الي
-يله حروح انام
-وكفت وي وكفتها باوعتلي ونصت باي
--تصبح على خير
_وانتي من اهله
يتبع....
