ماما اروح وياج
- لا خالو روحي لبيت ابوج اولى بيج لتخلون الغريبه تستفرد بي لازم يعرف عده بزره يحير بيهم
- بقيت صافنه ماما حتعوفيني امي جانت غير عالم دمعتها على خدها وتباوع على بيتنا طلعت من البيت وراحت وي خالو بقيت وحدي تالي خابر عصام كتله الصار بجه حبيبيى لبجايه وكلي روحي لذاك البيت لتبقين وحدج يوم عن يوم يزيد حقدي على ابويه ارتاحيت شوي وحدي ولميت هدومي ورحت لبيت ابويه دكيت الباب طلعت مرت ابويه باوعتليى باستغراب نصيت راسي شوي وطلع الوالد المصون
ها بابا
بابا خالو اخذ ماما وكال مثلةمجتي وحدها ترجع وحدها
طاح حضه باوعت لنجوى فوتي بابا فوتي
طبيت اباوع عالبيت يوجعني كل ركن بي كعدت بالهول اني وغراضي منصيه راسي ضلت تتبسبس وي ابويه الحقيره كمت دافوت لغرفتي شفتها مغيريها انداريت على ابويه ---- بابا وين اخلي غراضي بجيت ونصيت راسي حسيت بذله محاستها قبل
- اي خليها هنا بابا شبيج تعوين والله انتي وامج مو وجه نعمه
-اريد غرفتي القديمه باوعت مرت ابويه كاتفه ايدها وواكفه معاجبها سكتت جتني قوه مو طبيعيه مااعرف منين خليت الغراض وتمددت اباوع الكع وصخه دك بيه الجوع استحي اطلع البيت الجنت افتر بي براحتي اخجل اطلع من غرفتي هسه كلت انتضر لحد مينامون بقيت انتضر حسيت ابويه طفه الضوه مال حولي وفات للغرفه انتضرت نص ساعه وطلعت رحت للمطبخ على اطراف اصابعي فتحت الفرن اكو همبركر شميت ريحته اييع مال بره امي ممعلمتنه على اكل بره كله من البيت مستحيل تدخل مال اسواق فتحت الثلاجه مليانه والله وكت بالقطاره جان يتسوك حتى كيك جاهز هم اكو طلعت بيض وصمون دا اسوي بس بهدوء ----
مصطفى- رجعت للبيت فتحت باب البيت بالمفتاح النطتياني امي والبيت اول ماطب يصير الكراج طويل وراها المطبخ هم مربع وره المطبخ الهول فتحت باب المطبخ شفت بنيه ضعيفه لابسه تراكسود اخضر زيتوني وكصيبتها صفح طويله طالعه صفحه ركبتها بقيت صافن ركزت شوي عرفتها هاي الجتي للمحل جانت مخبوصه دتسوي اكل --- احم السلام عليكم
وكعت الصمونه من ايدي ابتعدت سويتله طريق بقه صافن بوجهي واني صافنه هذا بس لا عايش هنا
شلت الصمونه من الكع باوعتلها خليتها عالميز عفتها دافوت مبين عليها مرتبكه وشكلها حتبقى ببيت ابوها مشيت كم خطوه وكالت
انت عايش هنا
و كفت بقيت ناطيها ضهري نصيت راسي وفتت للغرفه
بقيت صافنه شون هذا عايش هنا الله لا ينطيك يابه تطشر بزرتك وتلم جهال غيرك الله لا ينطيك
كعدت بالغرفه شوي معرفت شجاوبها اخر شي كلت ماحاجيها كمت اخذت المنشفه وفتت للحمام اللي جان بالحولي قبل المطبخ شفتها باوعتلي ودارت وجهها طبيت سبحت
مكدرت اكل طبيت لغرفته اللي هي غرفه عصام نفسها انعصر كلبي شوي وفات جان مخلي المنشفه على كتفه وملابس تيشرت ولابس برموده وياها انصدم من شافني بغرفته
شعدج هنا عكدت حاجبي
هاي جانت جريت نفس غرفه اخويه باوعت للبلازما تدري عصام ذبح روحه على تلفزيون ودي في دي وابويه ميقبل وانت هسه شاديلك ستلايت وبلازما باوعت عالسبلت هذا السبلت الشادي الك اخويه توسل بي يجيب مبرده حتى مينام بالهول وهو يكول هواي يدلل لحد ماهججه
اخوج وين
بالخارج
كعدت عالجربايه خليت جفوف ايدي على راسي جريت نفس رفعت راسي باوعتله منتجيه عالكومدي البي فانيلاتي روحها دتطلع مبين عليها من دتباوع عالغرفه ابوها جان مقصر وياهم وهسه وي امي مثل متريد مكدرت احجي شي كمت وكفت كبالها
- شكوباوعت لجسمه ونصيت
-بس فانيلتي بالكومدي الوراج
- طلعت من الغرفه ورجعت للمطبخ بقيت صافنه جتني ساعات اكول هسه كلشي يرجع لمكانه ابويه يرجع النا و امي خلي بخيل بس بوجوده امي موجوده بس هسه ايست فد مره
- دك بيه الجوع وامي كل يوم تشيللي اكل بالفرن اخجل اطلع اكل وهي موجوده اخر شي مكدرت طلعت فتت بهدوء جانت مخليه راسها عالميز ومغطيته بايدها فتحت الفرن طلعت الاكل شفت اكلها بيض على حطت ايدها ملاعبه بي الله يساعدج ويساعدني كلتها بداخلي جرت الماعون وخلت البيضه بالصمونه وكامت بسرعه التفتت وي التفاتتي انطخيت بايدها وكعت الصمونه والبيض كله
ايييي علكيفك
اسف اسف نصيت لميت البيض رجعته للصمونه
ماريد ماريد الكع وصخه مسينه امك متعرف تنضف ماريد اكل بعد بجيت متحملت
زين زين تعاي هاج همبركر اخذي
ماحبه ماريد
زين سوي مره لخ لتبجين اخ ربي شاغت روحي من شفت دمعتها والله تكسر الكلب
-معليك مني انت عفته وطبيت لغرفتي جانت بصف الحمام وغرفته ببدايه الحولي
- بقيت صافن سويت بيضه لخ خليتها بالصمونه ووديتها بباب غرفتها بماعون دكيت الباب وعفتها كعدت اكل سمعت الباب انفتحت ورجعت انسدت مديت راسي شفتها اخذتها ارتاحيت وكدرت اكل
-مكدرت مااخذها عبالي نفسها طلعت غيرهامسوي اكلت مثل المخابيل وكملت طلعت غسلت ايدي وجبت الماعون للمطبخ باوعتله يكلب بجهازه وكاعد عالميز كملت وهو بعده ياكل شكله يتاخر بالاكل رفع نضره باوعلي ونصه --- ششكرا
- على شنو تنهدت فلوس ابوج
- صح خليت الماعون ورحت نمت قفلت الباب عليه بقيت اتكلب محتاجه حضن امي ماادري ممشتاقتلي هسه تمنيت اخابرها بس اخجل ساعه2باجر اخابر تذكرت دوامي باجر ارجع اداوم اشوف يخلوني اداوم لو لا صار سبوعين غايبه والقبلها املا الفراغات يوم اداوم وعشره لا غفيت وب6كعدت ركض كعدت ادور بالهدوم طلعت صدريتي وتيشرتي وحجابي واخذت جنطتي صارت بوجهي بس فتحت الباب مرته دارت وجهه عني
ها وين حتداومين
اي بابا جريت نفس صار سبوعين ممداومه لازم اتلحك لروحي هذا سادس
ليش صرتي بالسادس فتحت حلكي صافنه عليه بس ممستغربه جريت نفس بابا طيني سبوعيتي صار شهر مناطيني
طيت لامج
بابا لنص الشهر تدايننا من ام احمد 100لان خلصت
وشدعوه هلكد تصرفون
وانت متصرف حسيت روحي انفجرت هالصرف كله اشرت عالبيت متصرف بابا خليها ببالك هذا الله يحاسبك عليه كله
- امشي لج بت القندره
-طيني سبوعيتي وخلي الله بين عيونك نترت بيه لاف جهال العالم ومشمر بجهالك
- هاج هاج وحسج اذا اسمعه بعد اطردج
- اطردني وشوف اليجرالك افضحك بالمنطقه كلها والموسسه حتى شرطه اجيبلك بابا ماعدي شي اخسره بعد طلعت وجسمي يرجف من التفرفح عباله مثل كبل هه غلطان يابه
- جنت فاتح باب الغرفه شويه سمعت كل كلمه كالتها برد كلبي ههههه والله سبعه زوج امي لحد هاللحضه ممتواجه وياه يطلعون يله اطلع وسمعتهم طلعو راسن طلعت وراهم بقيت امشي بالفرع حتى اوصل الشارع العام شفتها رجعت تبجي وتمسح بدموعها شون احاجيها لو اني شعليه بيها بدون ماحس وكفت كدامها عكدت حاجبي شبيج
- معليك مني الله ينتقم منككم
-تعاي تعاي يجوز اكدر اساعدج
- وكفت ماعدي غيره وابويه اذا اكوله تعال للمدرسه لو اموت ميروح - --انداريت عليه ميقبلون يطببوني بدون ولي امر
- نصيت راسي امشي ويايه
-وين
- دمشي اكولهم اخوج
- صفنت مااعرف شكوله مشه ومشيت وراه وصلت لفرع مدرستنا بنات مدرستي ضلو يباعولي طب كدامي حاجه المديره بنتره وكلها حاله وفاه جانت عدنا المديره مثل الخافت سكتت وكالت فوتي طبيت التفتت عليه ورجعت درت وجهي
- طلعت رحت لوضيفتي حيصير شهر واكو اخبار انه مراح ينطونا الراتب لحد 5 شهور يله يعني سجن يم الوالده من لاجاره راتب الصياغه اصرف بي على روحي كراوي جكاير ريوك وغده وافلس لنص الشهر واخذ من امي
يتبع....
