خذيني منها_البارت الاخير
للكاتبه مريم السعدي ...
بقيت صافن عليه ارسم ويخربط رجعنه نفس الرنه النوب حول على مسره كتله يصير خير ورجعت لعون كلت لخالي كالي تعوف كلشي وتروح لابوك هو جنتك وهو نارك بيه تدخل الجنه وبيه تدخل النار حرام عليك خلي يفتح محل الك هناك واكعد بي افتر راسي بس من قارنت بين المنطقتين ارجع لمنطقتي اني ربيت هناك رحت لكربلاء لامي وكلت لمسره امي ضلت تصيح
- ابوك شون ويا ميعوفنا عاد مو زهكني
- مسره- اني مستحيل اوصل لهناك بعد كرهت العيشه كلش من انت تاذيت
- مسره ببيتي تكونين عايشه ابونا يريدنا
- واني
- امي انتي لكيتي حياتج واحنا مراح نعوفج يوم لتخافين والله
- لا حتعوفوني ابوكم شكد اذاكم تالي ترجعوله واني الربيت وتعبت عفتوني
- يمه لارجعناله ولا رجعنالج كلمن يعيش حياته حبيبتي اني اجيبها واجيج ابات يمج خميس وجمعه وسبت
- اني اريدكم يمي ابوكم ياذيكم
- كافي يوم اني خالي كلي بيه تدخل الجنه وبيه تدخل النار اني ابويه محتاجني كعدت تبجي امي منهاره صاح زوجها
- ساجده ام عصام اني هم ارجع لبغداد نرجع نعيش هناك ولا يهمج
- صفنت تكدر خاف متكدر
- لا ليش مااكدر اني سنه التجي اتقاعد ناوي افتح محل اسواق وابيع بي ومصطفى ويايه
- مسره كلبي دك من كال اسمه نصيت راسي اكثر من شهر مسامعه حتى صوته
- نزار شون بيتك حرامات
- هاي شنسوي نبيعه نشوف شكد ميجيب اشو احنا مشتمل يكفينا
- اي والله يكفي بس نكون قريبين عن جهالنا
- اني هم اريد اكون قريب عن ابويه
- بس فد سنه واحول كلشي ارجع لهناك ماريد نبتعد عنهم بعد
- عصام- ابتسمت اله عاشت ايدك قنعت امي ورجعت لعون صار المهر واجه ابويه ولبسها ذهب امي العافته ببيتنا وطلعت فرحت جنه شكد جانت بسيطه وقابله بكلشي والله مكسر بخاطرها حولت لبغداد واخذلي محل صغير ركن اصبغ بيوت وحداده بقيت بالمشتمل ورتبته بعد شهرين عرسي
- مصطفى- شهرين مكطوعه اخبارها اخابر ابويه ميجيب طاريها اخر شي لكيت تلفوني بغرفتها مخليته عالميز وطالعه عرفت من امي اخوها حيسكن هنا وفعلا رحت زرته للمحل وباركتله وعرفته عن نفسي شبه طردني وطلعت استقباله الي موشي بس حقه حتبدي الدوام وهي ماكو استقرت هناك معناها اخر شي اتصلت بوالدي الجان يخبصني اجي ابات يمه هسه ميكول لان عده بنيه بالبيت كتله راح اجي ابات ارتبك اخر شي كال هله بيك طبيتله ب٦العصر جانت طالعه وي امها
- يابه شو البيت فارغ مرتك ماكو
- لا ياب هسه يجون ديتحضرون لعرس عصام
- همممم الله يهني طبت من السوك قبل امها -عموو عمو هذا الماطور يمكن ---- صار بوجهي كاعد عالقنفه بصف ابوه بالهول باوعلي رفع حاجبه بقه يباوع اني نسيت الكلام كلبي وكف احس روحي خايفه منه ونفس الوكت عبالك قبل جانت حلم من جننا بعلاقه
- شنو مسره شبي الماطور
- احم مااعرف والله صوته يخوف همست باوعتله ونصيت طبيت للغرفه
- طبت امها سلمت ورحبت قدمت جاي وكليجه --- مسرره
- ها ماما
- تعاي كلي الكباب
- اي. الهول مفتوح عالمطبخ طبيت ارجف قررت ماباوعله ابد اكلي وبالي يمه ضل ابو يحجي وياه
- نزار-بابا تعال هنا دائما
- مو بيتك مو فارغ بابا
- ميهم هو ابن خالها طالبها يمكن حينطوها بس انت خميس جمعه تعال يمي نام وحدنا. وهمه وحدهم
- مصطفى- شاغت روحي ولبت على تنكر جكاير بس الوالد كاعد وكفت
- وين يابه وين رايح
- لبغداد
- ساجده- امي ساعه ١١صارت يابغداد تبات وباجر روح ماخليك اني كلبي خلص من وره عصام دكعد ماما اكعد
- باوعتلها خزرتها لمسره كعدت اهز برجيلي مسره شعده وياه اكيد سوت علاقه اكيد يعني هاهي انتهت راحت من ايدي تعشينا اني وابويه فاتت للغرفه هي بيت ابويه اعرفه غرفه غرفه بي غرفتين بس وهول ومطبخ وحمامات طبت نامت شوي وابويه كلي يله يابه كوم ننام كمت وراه فوتني بغرفته حلوه تركيه بسيطه مشتري نمت يمه كلي النسوان وحد ناموا واحنا وحد
- انت شبيك ساكت وتتصفن احجيلي بابا
- ماكو شي حجي تنهدت ماكو شي
- حبيبتك شخبارها ام السماعات
- هه راحت طلعت انت المخلي عينك عليها لعد
- ههههاي دكوم لك
- صادق غيرها
- يمعود كلب لو كيه يابه غمضت عيني وضلت بمخيلتي ساعه احسها بحضني
- وساعه تدمع عيني لايامنا عرفت من ابويه راح ينتقل لبغداد وهي تكعد وي اخوها لو ياخذها ابن خالهاهاي بعد ماشوفها لو مدري منو يجي رجعت الصبح لكربلاء مكدرت اشوفها بقت نايمه والله وكت وره اسبوع سمعت بيها جتي هي واخوها لبغداد امي كل يوم تتصل تكول تعال يمي كلت خو لكتها من الله وحدهم وماعدي احد ساعه تكول خاف يكمز حرامي دروبها حتى اكابلها واكعد خابرت ابويه كال سبوعين واجيب غراضي مشتري مشتمل يم البانزين خانه قريب على بيت امي بس غير منطقه يابه محتاج شي كال لا بعد يومين عرس عصام سواه ابوه بقاعه خابر عزمني امي مراح تروح لبست قاط يس كلت اخر ربع ساعه بس اشوفها الها واطلع وفعلا رحت كعدت بنهايه القاعه بس اباوعهم شون فرحانين وامه طايره بي ابويه ماااجه فاتت من يمي دتطلع اني كاعد يم الباب جانت طالعه تخبل الانظار عليها نهايه القاعه كلها شباب فاتت منصيه وصلت للباب صاحتها امها اندارت عليها بالتفاتتها شافتني بنضره خاطفه اني مخلي تك ايد جوه خدي وصافن عليها بتعب بقت تباوع بعيني نصت وراحت يم امها شلت وطلعت لبسها يخبل مستور ويجنن عليها تجذب نضر وتعجب كلمن يحط عينه عليها مكدرت ابقه بعد طلعت رحت ليس
- مسره- نضرته التعبانه وكشخته الحلوه من شفته حنيت شغل بالي زفينا عصوم وراح لمشتمله واني رحت يم امي لان تحويل بيت جديد والهوسه فوول خطيه عمو نزار طبينا لكينا ديغسل بالمشتمل بدلنا وساعدنا وضلينا لل٤منايمين بس نعدل ونكرب كملنا ترتيب المشتمل بي ٣غرف متوسط الكبر مطبخ وحولي مسوين الحولي هول حمام وخلص طابق ارضي كلش حلو مرتب بصفه اكو محل فارغ عساس عمو يفتحه اسواق مااعرف بعد الصبح رحنا اني وامي لبيت عصام ويانا الكيمر لان اهلها مكدرو يجون خطيه فامي بمكانهم عبالك عصافير شون حلوين تباوعله كانما دتباوع لدنيا حلوه ويباوع لجنه كانما يباوع لمنفاه رجع يضحك حبيبي وضحكته العاليه القديمه الجننا نقلد عليه افتقدناها الحمد لله ربي بقيت ببيت عصام من يومها الضهر مر ابويه ومنضره يبجي طش فلوس عليهم وحضنه يبجي اتصور ابويه قصده يكوله الفلوس متهمني بعد المهم انت عدي وعصام فهمه لقصده بعد اسبوع بده دوامي الحمد لله مكمل النقل فبس سوينا الغاء معامله غلقناها ورجعت قدمت على معهد اداره حضرت نفسي وكمت اداوم بابا كام كل فتره يمرلنا وعصام يجلب بي عالغده الله يعلم شحاله ذاك البيت صاير جنه شالت البيت حتى خبز تخبز عصام شغله تدهور لان محد يعرفه هنا ومحد يسوي لحيم فد شي قليل فتره شهر ٢وانعرف بصبغ البيوت وهو دارس تصميم طش بالمنطقه ماشاء الله عليها وعلى ديكوراته. مارس شغلته بهوايته يرجع للبيت هلكان تتلكاه جنه بضحكه وتمرغ بضهره على وكفته يغمض عينه مبتسم ويكولها كل التعب راح عصام كام ميتغده الا وي ابويه من يجي ابويه تصبون هاي حجايته كل يوم حملت جنه من اول شهر وهاي اخويه حيكون عائله الحمد لله جاب خدامه لنجوى ومصطفى مصطفى بعد مشفته اختفه صار٣شهور فد يوم رجعت من المعهد وي صديقاتي كلت امر للصياغه اشوف يس اسال عنه يمه طبيت لكيت استاذهم ملكيت يس دااطلع شفته طلع من غرفه من جوه المحل هلو يس
- هلو شونج
- جاوبني بعتب
- اااكولك شنو مصطفى وين
- مصطفى سافر
- وين تعجبت
- ايفاد لبيروت
- ها بالعافيه عليه
- بعد كم يوم يرجع
- شخباره ميجيب سيرتي
- انتي العفتي دمرتي مسره
- اني اي صح مكدرت بعد علاقتنا مترهم
- طبعا ابن خالج رايدج ورايدته وخطوبه وكذا
- شنو منو ابن خالي عليمن هاي
- مو مخطوبه وعلاقه
- منو هاي اني خرب حضي هاي منو كايله
- والله عساس ابوج رجعكم لبغداد لان ابن خالج حبج وعلاقه من بقيتي هناك
- هو منو البقه غير وي امي
- انتي مو بقيتي وي اخوج
- لا يابه ومنو كله هيج
- والله كللي هاي نستني وحبت ابن خالها وخطبها وعالعيد عرسهم
- هاااا هاي حجي امه مممم باوع بس وصله رساله كوله تكول مسره خل امك تشبع بيها واشبع بيها مع الاسف شغلت بالي بي والله
- تعاي تعاي شنو ماكو هيج شي
- لا اني مخبله دااكعد بعون مااكدر بله امي وابويه وعصام وشغله ثانيه كوله اني مو مثل امك يوميه كلبي يبدل ستارتر
- عيب مسره درت وجهي
- دروح راوتني العجب تالي تطلع حجي مع السلامه يس
- هلو هلو مسره طاحضك مصطفى دكيتله مرد خلي يجي دااستلمه اكس مربع
- وره كم يوم شفته بالماطور يم بيت امه فتت من يمه نصيت راسي وفتت سمعت همسته
- شونج اباوع الشارع فارغ انداريت عليه هزيت راسي اباوعلها بعتب الحمد لله كلش زينه احب واعشك شوكت ماريد ويوميه وي واحد نصه راسه وعفته ورحت
- مصطفى- حجي هواي ولغوه هواي بعدها وجفاها خلاني اصدك بكلشي يكولو فضحتني عيوني وطبتي لغرفتها ادور بغراضها لكفتني امي وعرفت كلشي وكامت يوميه تطلعلي سالفه بالبدايه مصدكت بس من شفتها مكمله حياتها بدوني وضحكتها تارسه وجهه عرفت حجيهم صح بقيتها بعون وي اخوها كذب جات يك ابويه من حجينا كال مستقره ابد مراحت لحد متحولت ببغداد وحجالي يس الصار تخبلت امي احركها ميبرد كلبي كمت ماروحلها ابد ومارد عليها
- مسره- عدت سنه ونجحت كمت ماشوفه لمصطفى طلعته من راسي غير قبل مانام يجيني بطيف اتذكر حنيته عليه وارجع اتذكر ضربته وقساوته واتذكر اذيه اخويه اجتي العطله الصيفيه عصام راح لبيت خالي ورحت وياه بقينا شهر اموت على عيشتهم وطبيعه بساطتهم امي هم جتي وعمي نزار ببيت عصام كعدنا مجموعين هواي شغلات ممعقوله صارت عصام حب عمي نزار ثقافته وحبه لامي عجبه لعصام اشتغل عصام بالعطله وي خوالي شهرين ورجعنا بيوم رجعتنا بليل دك تلفوني رقم غريب رديت
- الو ماكو رد ضليت الو الو ماكو رد دااسده
- مسره محتاجج
- الو سكت مصطفى
- اي
- سكتت رجع كال
- محتاجج
- بقيت ساكته صوته مخنوك وكوه يحجي
- شبيك همست
- مشتااااقلج صحت كل مااجرب اتعرف على وحده انتي التوكفين
- تتعرف
- اي اي اتعرف كلما عجبتني وحده وتصيرلي فرصه احاجيها انتي تطلعيلي انتي اللي اريدج من تحجي اريد صوتج اريد حجيج خبالج وشقاج مسره
- تعجبك وحده
- ليش دتعيدين كلامي همست
- لان داشوف كلت هالكلمه لو سامعه غلط
- لا كل الكلته وعدتيه صار
- يعني جربت غيري؟
- حاولت حاولت مدااكدر
- روح حاول مره ٢
- انتي وين هسه
- ببغداد
- كذابه انتي بعون صارلج شهرين
- واللي وصلك الحجي مكلك رجعت ببغداد
- جريت نفس ليش رحتي
- يم بيت خالي
- وين حبيبج
- انت اذا مصدك بيهم ومكذبني ليش مخابرنيي
- اخ ربي اطلعي من كلبي اطلعيييي
- شبيك تصيح شبيك صحت بي انت واحد تصدك بامك دكابلها واكعد
- كافي تنهدت انتي وين
- اني بيت عصام
- روحي بيت ابوج
- ماريد اشوف امك
- تنهدت امي سافرت وي صديقاتها
- شعدها عشتو
- شمدريني تسوي ليزر لعينها دطلعيلي
- اي ماريد
- بس احاجيج ياالله مسسررررره
- لتصيح لتصيج
- اطلعيلي اني جاي
- ماريد
- اذا مطلعتي وحق هو الله اجي ادك بابكم
- تعال يطلعلك عصام
- مسره اخر مره تشوفيني بيها والله بس احاجيج
- ماكو حجي بعد ماريد رجال ياخذه حجي ويجيبه
- لج عيني اخر مره يمه شلعتي كلبي
- واذا مطلعت
- لتطلعين وشوفي شيصير اني جاي بالماطور
- سكتت سده اباوع ساعه ٢ كمت طبيت من الباب المشتركه لحديقه ابويه وفتحت باب الطرمه مال بيت ابويه سمعت ماطوره صوته ناصي مال شحن نزل دفع الباب شافها مفتوحه مد راسه ضلمه الطرمه شافني واكفه بالحديقه
- جريت نفس طبيت للحديقه بقينا واحد بوجه اللخ صافن وعيوننا تتعاتب
- يله احجي شتريد
- تنهدت حبيتي ورايه
- هه درت وجهي روح مصطفى مو كلهم مثلك ومثل استغفر الله لتخليني احجي
- تقربت منها مسره ليش هيج ابتعدتي
- مااعرف لتسالني
- محتاجج مشتاق احضنج
- نصيت راسي
- تذكرين من كتيلي لتعوفني
- اي
- وشجاوبتج
- ماعوفج
- ومنو العاف منو
- اني وانت هم
- اني ردت اعاقبج ورغم هالشي اجيت مو اذيتج بايدي اشرت على صدري اجيت رغم كتلج كلشي انتهى وضربتج بس اجيت علمودج
- ماادري نصيت لزمتني العبره
- قصرت وياج يوم
- لا
- ليش هيج جافيتيني لتنصين باعي بعيني واحجي
- ماادري
- مسره والله اذا عدج واحد تحبي كوليلي انسحب وبعد متشوفيني
- تصدك حجي امك
- لا بس
- بسيش يمعود صدكتها وخلص صدكت اني اباوع لغيرك باجر عكبه تصدك منها خنتك مصطفى احنا مستحيل نرتبط علاقتنا مخربطه حيل
- الله يرحم من جنتي تكولين انهزم وياك
- جنت زعطوطه
- رجعي لهالعمر
- هه رجعلي عين اخويه
- نصيت راسي اني شذنبي
- ذنبك هي امك ولتكذب وتكول مصدكت بيها روح عليها وابقه صدكها
- سكتت مسره هواي صارت مشاكل لاذنبج ولا ذنبي
- تقربت منه اشرت على صدره وكفت بثقه وعصبيه همست بعصبيه ذنبك انت صدكت بامك باصبعي اطخ صدره وااشر عليه نصه راسه غمض عينه --- ذنبك انت صدكت اني خاينتك ذن--
- تعبتني ولمستها لجسمي زيدت شوقي الها رفعت راسي خزرتها جريتها قوي كطعت حجيها بستها رجفت وخنست جريتها لحضني اجر النفس بحضني اخ يابه خرب بيج شكد تلغين اش اش لج اششششش
- اذيتني رجع كل المحنه بيه راسن انترست عيني دموع حضنني ونفسه يرجف بهداوه حضنني هدات اعصابي
- احبج حقيره
- ماريدك همست
- والله وشنو الداشوفه هسه بين ايدي انتي تره
- وخر مصطفى روح على امك
- ماريدها ولا اريد اي احد غيرج
- وامك
- يابه خرب امي
- لاتحجي هيج امك تموت عليك واني ابد مااكدر اتواصل وياها مستحيل تربطني علاقه بيها مستحيل
- شسوي بهالحاله ابتعدت عني باوعت بعيني امك واكفه بطريقنا
- مسره اني احبج ومدااكدر تخربطت اموري كلها ايدي مربطه تعبان دائما وبس افكر بيج
- مصطفى انت دتفهم شداكول امك بيننا بعدين نتندم امك تريدك بس الها
- اخذيني منها
-
- ضليت اباوع بعينه تضحي بامك
- ضحت بيه قبلها دمعت عيني نصيت راسي هي العافتني
- مسحت دموعه
- باوعت بعينها باجر اكول لابويه اني تعبت واريدج لتعذبيني اكثر
- بقيت اباوع بعينه ابتسمت
- جريت راسها حضنتها احبج حقيره
- سكتت
- وينه لسانج وينها اموت عليك
- ماريد وانت ليش تحضنني مو متريد مو علمودي اني ماريد يله وخر
- هههههه تعاي لج اني علمودي والله حضنتها قوي جريت نفس انتي الهوه ورد لريتي
- احبك
- فدوه لحلكج ياله حروح. ابتسمت كرصتها من خدها ارتاحيت كلش طلعت واول موصلت خابرتها الو
- ها
- وجعا اخ كلبي اذا اخذتج شهرين مااطلع من البيت
- هههه
- انجبي
- اي شنو هاي احترمني
- مسره احبج
- ادري
- ليش هلكد كرهتيني
- يبىوووو كافي
- والله لو اعتب منا لباجر ميكفي العتب
- اني هم
- بعد معليه لابابويه ولاامي وانتي هم
- اي
- البيتنا ميطلع
- وين حنكعد
- ااجر مجمعلي خوش مبلغ
- ماشي
- محضرلج مفاجاه وره الخطوبه
- تتوقع بابا ينطيني
- هه انتي شكلتي بوكتها
- انهزم
- ايييي
- لايابه
- مو هو هم كيفج
- الله كريم هسه
- شون بوسه شون شفاف دافيه شون نفس يحرك
- كافي همست
- اوف مااعرف شون صارت بس ردتج تسكتين ردتج ترجعين وخلص
- مشتاقتلك
- كلبي وجعني
- سكتت
- بست السماعه اريدج بغرفتي
- ليش همست
- اريد اوف ربي بعدين افهمج مااعرف احجي
- ممم
- اي
- حنام
- نامي بحضني الله شوكت يجي هاليوم
- كمت اغفي نمت وكعدت على شاخورته ولك اكعد
- هاها
- كوم يله
- كعدت اخ يابه عضامي متكسره
- اسويلك مساج
- لا عيب بعدين
- ههههه اني امرخله لعصام
- قنادر عدي بعد لتسويها
- ميخالف ههههه
- فدوه للتسمع كلام يله روحي راح اروح لبيت امج يم ابويه ------طلبتها وصارت بيوم الخطوبه لبستها الحلقه وطلعت كلادتها لبستها الها ضلت تبجي حضنتها كدام اهلها ----قصتنا انتهت طلبها مصطفى ووافق ابوها بعد عناء شهرين اجرنا بالمنصور كعدنا امي عفتها من صدك خسرتني عصام صار عده ولد وحبيبي تخرجت وصار عدنا اوس واساور المفاجاه وين امها حملت بعمر الاربعين وجابت مرتضى جننا خايفين عليها كلش بس الحمد لله عدت سلامات صرنا عائله وحده تقربت لعاءله ابويه وامها كلش اللي يشوف ابويه اليوم طاير بمرتضى يكول توه متزوج عشت احلى عيشه غركتها بحنان ودائما تكولي صير مثل عمو نزار عاطفي واني مشتغلها رومانسيات عرفت انه المره متشبع حنان شكد متنطيها تريد اكثر كلام وفعل تسمع كلامي متكسره حاولت امي اسوي مشاكل مكدرت بعد اخر مصيبه صارت يس دزوله تهديد على شنو مااعرف دزيته لعون وي عائلته مرته وبنته تلكو خوال مسره كعد ببيت عصام وكون شغل هناك استلمه خالو حميد لان ماعده ولد راد احد يعاونه بالمحل مال حداده عصام مقصر وياه وكف وكفه زلم
..من هالقصه نعتبر انه مو شرط التربي وتتعب وياه كد تعب سنين عمرك يبقه مخلصلك يمكن بلحضه يضيع تعب سنين فاتت بدون ميحس بالتعب التعبوه وياه وتشوف شخص يومين صارله وياك نطاك روحه كلها تبعت اصلها وحليبها اتمنى تكونون استمتعتو بالقصه والف تحيه للابطال الحقيقيين واسفه اذا بالغت باحداثها بالاضافات الصارت
-
للكاتبه مريم السعدي
تمت...
