للكاتبه مريم السعدي..
- بقه يومين على وصول الكفاله لعصومي بابا دائما يخابر ويستفسر ومرته تباوعلي بخزره اني ماهتملها كل همي اخويه يرجع مصطفى ادري بي يحبني بس عايفته براحته يبرد ويتصل بيه حاولت هواي احجيلها لماما عن مصطفى مكدرت نجوى هواي رادت تعرف شون نطاني الجهاز واني الوفها عليها ايام مرت مشتاقتله كلش
مصطفى-اكذب اذا اكول ممشتاقلها راح اموت ويس يكسر عليه البي ميخليني انسه تلاعبها عليه وكذبها ومن ضمت عليه اذاني حيل جمعت كم فلس بهالفتره وبصفتي صايغ شتريت بدون صياغه ذهب بس جديد نوعت كم غرض من شغل يس لان شغله خليجي اتخابر وي ابويه دائما احسه كلش مرتاح هالفتره وبعدني من اضم الفلوس تخيلها الها لعرسنا لزواجنا مااكدر اتخيل غيرها مشتاق اشوفها كلش يوميه من ارجع الضهر افوت من يم بابهم ادري بيها من تسمع صوت الماطور تطلع ركض امي يوميه تدك ميت مره لو ارد لو ماارد ارجع واكول كل البيه منج يمه كله منج وبس انتي المرتاحه واليوم امي دكت هواي كالت مسوين دولمه توسلت بيه اروحلها بداخلي اريد اروح اشوفها اخر شي قنعت كلت اروح بس اشوفها اغثها ولو بس اريح كلبي ساعه اكول اصالحها واحضنها ساعه اكول مستحيل هالتصرفات منابعه من كلبها دموعها وبجيها وارجع اتذكر المواقف المرت بينا لمن عاطت من فتت من يمها وكالت ديتحرش وامي وملحتها ويايه طبيعي تحقد لايابه لاحب ولاابد كله تمثيل بتمثيلً
اي يوم اجي فد ب٣
اي حبيبي هله بيك والله حموت واشوفك
مسره- كاعده بالغرفه سمعت السلام عليكم لا مستحيل اجه اجه كمت ركض بدلت ووكفت اريد اطلع اخجل
مصطفى-عين على امي وعين على باب غرفتها طلعت بثكل تمشي وتتعثر الثوله فاتت من يمي باوعتلي ونصت منصي وانتبهت عليها مباوعتلها صبت امي الاكل بديت اكل اويلي شكد مشتاق لاكلها طبت للغرفه كعبول كعد كدامي وامي هم ضلو يحجون كام كعبول للهول واني اكل على كيف رجعت جتي مسره باوعتلي رفعت عيني بعينها خزرتها خافت صبت وطبت للغرفه
مسره- طبيت للغرفه اشتم شكد مكروه شكددد وصلت رساله باوعت هذا صديق عصومي فتحتها مكتوب عمي عصام راح شنو شنو عصام ركزت بيها فتحتها كلها
عمي عصام راح ضربو سجينه بالسجن حسيت شحس --- الدنيا وكفت قليل ضلمت مااعرف شكول فصلت من الدنيا صحت بعلو صوتي ياببببه
مصطفى-صاحت بصوت رجفني كمز ابوها شبييييج ركض للغرفه امي ركض وراه بقيت واكف بباب الحولي اباوع شكو شبيها شبيها تصيح وتبجي
بابا عصام كتلوو
لج شنو هالحجي شدتحجين ولج شبي اخوووج
قريت الرساله شي مثل الحلم وصياحها صحاني نار بكلبي
مسره- كمت املخ بروحي اريد اكعد هذا حلم وراح اكعد منه اباوع نجوى حبيبي ماكو شي ماكوشي كذب كذب ابويه يدك على فخذه ويصيح راح ابني واني صوجي اني العفته هجمت على نجوى ملختها تملخ من وراج بت الكلب من ورررررراج جرني مصطفى باوعت بعينه اي انتقم منكم اخويه راااح من وراها ابويه راد يدفع الكفاله قبل ٣شهور وامك الحقيره مخلتههههه حضنني يهدي بيه واني ارفس واضرب توحشت تخبلت دميت ركبته باضافري من شفت ابويه وكع من طوله وكعت كل الدنيا من عيني ركض عليه مصطفى واخذه للمستشفى اامي وصلتلها نفس الخبر ومتخربطه فاقده حسب مسمعته من مصطفى مريت بحاله صدمه وصديق عصام منحصله مغلق بقيت بس صافنه مصطفى يحاجي ابوه يكله مدنحصله حتخبل نجوى تباوعلي باوعت بعينها نضره تفسر كلشي بعدني احس هذا حلم بعدني وره ساعتين من الصياح والبجي بابا جتي ذبحه بالقلب اتصل خالي بتلفون مال ابويه وكال مميت مميت صياحه وصللي
- مصطفى شون منو انت
- اني خاله كولهم مميت بالعنايه المشدده ادعوله كول لابو واحنه حايرين بامه
- ماشي ماشي رحم الله والديك الله يطمنكم عنه
- مصطفى- مسره اباوعلها صافنه بالسكف ووجهه اصفر واطرافها بارده --- مسره باعيني باعي بعيني باوعت بعينه اخوج مميت بالعنايه
_ رمشت عيني فتحتها كلها اريد استوعب
- اخوج عايش والله العضيم بس بالعنايه ادعيله احاجيها همس اي صوت عاالي يفززها دمعت عينها حضنتها والله عايش كامت تشهك بصوت عالي جريتها بحديقه المستشفى امي صافنه عليه عفته كمت ماطيقها كعدتها عالمصطبات البره شربتها مي خليها على كتفي اباوعله مثل الورده الذبلانه راحت حتى ملامحها دموعها تجري بله صوت وعلى غفله تكوم تشهك وتبجي موتتني مااعرف شسويلها
- نزار- حاله مااعرف اوصفها دمرتني رادت تموت روحهاا لحد ما اجه الاتصال وكالو عايش تلحكوله يله ارتاحت وشربت مي لليل عرفت زوجها جته ذبحه وحاليا بالانعاش الفجر خابرو من بره وكالو انه عايش وطلعو من العنايه بس عينه طفت ضاربي بعينه وبخواصره و وصل للموت وتلحكوله كالو اسبوع ويرجع للبلد ابو المسكين احترك كلبه من عرفت انه نجوى اللي خلته ميدفع الكفاله تخبلت والله حتخبلني هاي
يتبع....
