رجعت للبيت اتصفن امي كالعاده طالعه وابويه يقره بواحد من الكتب عمت عيني عليك يابه تقربت بسته من راسه ها يابه الله يساعدك
- هله يابه جوعان تاكل شي
- لا تسلم ماكل بداخلي خوش مغثه بقيت اباوعله سد الكتاب باوعلي نزع النضاره هاياب شبيك محتاج شي تريد تكول شي
- :يابه اني اخ الله شكوله شكوله سكتت نصيت راسي.
- احجي ياب محتاج فلوس
- باوعتله بطرف عيني كثر اذيه امي اله كام يشوف كلمن يكعد يمه محتاج فلوس جريت نفس --- يابه انت ليش هواي ناطي مجال لامي
باوعلي ابتسم جر نفس ونصه راسه
يابه اكو امور مستحيل انها تتصلح واني من الاول غلطت وصارلي 30سنه هسه اتذكر اعدلها مترهم بعد باوعلي بنضره كلها ياس
- يابه انت تحبها
- ابتسمت احبها لانها امك بس بابا امك سقطت 3 اطفال مني بحجه مستقبلي بكل طفل يموت بدون متكولي يموت شي مني ويا لحد ما صرت ميهمني شي بهالدنيا فاهمني يابه
- اي يابه فاهم حقدت على امي اكثر باوعتله تعارك وياها لتخليها امنعها احبسها القانون وياك
- تقدمت تقربت منه هو كاعد عالكرسي واني هم كاعد بابا اذا سويت هيج معناها متخلص مشاكلنا وانت تتعقد انت كبرت ابني وهسه تتزوج انصحك الاغلاط الوكعت بيها اني لتوكع بيها انت من تحس مرتك مستصغرتك دقيقه لتبقى وياها من تكولك دفنت روحي وياك عوفها
- مااتزوج اني مستحيل
- لتخليني اتاذه كل هالصبر الصبرته علمود متتعقد
- يابه اني شفت --- مصطفى مصطفى--- كوم روح لامك كوم يابه لتخليها تصيح
ام مصطفى- هاي شعدك هنا باوعت ل نزار ها شدتحجون شكلك سممت افكار ابني
- جريت نفس وكمت فتت للغرفه انام حياتي احسها منتهيه وبس مصطفى زينتها
ام مصطفى- تعال حبيبي جبتلك وجبه من المطعم
- يوم تعايى اريد احاجيج
- ها حبيبي كول تريد فلوس
- لا جريت نفس جريتها لغرفتي باوعت بعينها يمه انتي تعرفين على ابويه احد كلتها بهدوء مردت ابويه يسمع
- شنووو عرفت والله عرفت هاي هو هيج كال استحهه على روحه كمت اصيح فقدت اني اعرف غيرهه هاي الرادها حتى تكرهني اصلا اني مداطيقه دااكرهه دفنت روحي وياه
- كتففت ايدي صافن عليها بحقد تمنيت عدي ققوه بحيث اطلع ماارجع بعد بس امكانيه ماعدي --- يمممه كافي يوم ابويه معليه درت وجهي يمه الله جابها ليمي وجيت اتفرج على عرضها تفرجت على عرضي نصيت راسي بجيت بعد ماتحملت يوم شفتج بعيني تحتفلين بعيد ميلاده
- اني لا والله لا والعباس
- يممممممه رحمه للعباس لتزغرين بروحج كافي عاد كافي لتاذي لابويه اكثثر انفصصلي عنه لا وحق شرفه افضحج
- نصصيت راسي يمه اكعد خل احاجيك
- ماريد مارررريد كذب اكبر كذبه بحياتي اني عمري 25 وامي تصادق على ابويه
- يمه بس اسمعني تقربت منه يدفع ويكمز
- لتحجين اش اش ماريد اسمع شيييي شلت الجهاز الستلايت جان بغرفتي وركعته بالكع وطلعت من غرفتي ابويه واكفف بباب المطبخ
- مصطفى مصطفى بابا تعال بس احاجيك
- عوفني يابه تقرب لزمني جريت ايدي اطلع طلع ورايه اني تبجيني اني خرب غيرتي لعد شكول لجماعتي اذا عرفو المنطقه العشيره شحجي شكول من خخرب حضي بس اني امي هيج تذكرت ام يس امشي وابجي وابويه يصيح ورايه بابا مصصطفىً تعال بس احاجيك وكفت وهو ورايه ملتفتت ولا هو تقدم كلمه وحده كالها
- راح اهج
- يابه الله يخليك اني ممتحمل
- جنت شاك بهالشي ابني زواجنا منتهي قبل سنتين كلمه منحجي تنام بالهول وانام بالغرفه مانعه روحها مني واني صابر كافي تعبت راح اطلكها وانطيها حريتها واطلع لكربلاء اعيش مااكدر ابقه بالمنطقه
- واني وين اولي
- براحتك تريد يمي تريد يمها جريت نفس براحتك
- يابه لو مجايبيني للدنيا مو احسن اللي مثلي اهلهم حايرين بيهم يزوجوهم واني اهلي حايرين بروحهم
- مصطفى بس الله يدري صبر الصبرته لخاطر عيونك بابا صرت رجال ومسوول من روحك اعتمد على نفسك
- اباوع لابويه وكفه ميكدر يوكف حنه ضهره رجع للبيت واني بقيت براس الفرع لل4الفجر مضل جلب حشه اليسمع مسام عليه احتاجيت يس بس شكوله حضي المصخخخم شكككول امي مصادقه على ابويه الله شكد حلو طلعت الشمس ورجعت للبيت لكيت ابويه بالمطبخ طبيت بثكل كل كلمه تفزز الصار بليل كعدت عالميز صبلي جاي ودفع ماعون الجبن شال الصمونه من عالميز ونطانياها تريك يابه تريك بقيت صافن بوجهه مالي نفس اكلت لكمه وضليت اجيبها منا واوديها منا متنجرع اخ ربي اليك المشتكى لا عمري تقربت من مره ولا عمري جيت يم وحده بنات المعهد يوميه وحده تريد تصادقني تحاجيني كم يوم وتطفر مااحب الزم موبايل واضل الغي مو بيدي اكلت رفعت عيني بعينه شفته صافن بصفنه حسره والم ابويه صار عمره52بس مبين شاب بعده شيب متفرق بشعره ابيضاني طويل ومرتب روحه كمعلم باوعلي ابتسم بالم نصه راسه وفات طبيت اشوفها وين لكيتها لامه غراضها وطلعت باوعلي ابويه
- راحت بابا راحت طيتها حريتها بابا امك جان طموحها اعله مني واني مكدرت انفذلها اي طلب اعذرها وحاول تغفرلها
- نصيت راسي وفتت للغرفه اكثر شي ماذيني هو هلكد تحمل تالي طلع خسران المثله مرته شايلته بكفوف الراحه طلعت من البيت بقيت افتر بفروع المنصور من منطقه لمنطقه بماطوري من الداوودي للرواد حي دراغ واني صافن بميه حسبهه ببالي وين حروح اروح لكربلا مااكدر اعيش هناك اختنك بره بغداد اهل ابويه بكربلا واهل امي بالكوت ابقىً هنا ابات بالمحل احسن شي خابرت استاذي وكتله اكدر ابات بالمحل قبل لان مامن بيه
-
يتبع....
