حسين-اصبري اصبري لتصيحين
ولك حسين ابني راح مني هسه اريده هسه
ولج منو خابر.احجي شكال
كال كال مصطفى انكلب وهو هسه باليرموك بالطواريء وديني حموت والله حموووت
امشي لبسي داوديج
مسره-شنو الصار مصطفى شبي يالله امه تملخ بروحها وتبجي اخذها ابويه وراحو لزمت التلفون دكيت دك دك محد يرد اخر شي رد ولد مو مصطفى سديته كعدت بالكع مصطفى اذا متت يمكن اموت وراك لهالدرجه تعلقي بي لا بس لان انسان طيب وكفلي بكل حاجه احتاجيتها مصطفى صدك حتعوفني صدك انتهت صداقتنا صدك بعد ويامن احجي واتونس احس روحي تلوب صعدت للسطح ادعيله وابجي ربي سامحني اني دعيت عليه بحركه ربي دخيلك لتاخذه اباوع لغرفته فتحت الباب بطبتي بجيت هنا كعدنا نلعب وهنا سولفنا واكلنا موطه مصطفى وين عايفني بدون ماحس كمت ارتب بغرفته يمكن لان ايدي ماخذه عالشغل والتنضيف عزلتها ودموعي تجري حتى ماما خابرت ومرديت عليها مالي خلك غسلت هدومه كلها وشريتهن كويت الكشخه وعلكتهن مااعرف شسوي سويت ترايفل والموالح السويتها خليتها بثلاجته اني شداسوي خاف ميرجع لا لا اسم الله يرجع انشاء الله وترجع ايامنا وسوالفنا كله من ورايه اني دعيت عليه بحركه حتى يحرك كلب نجوى خابرت ماما
الو ماما
وينج يمه ليش متردين
ماما بجيت بقهر ماما مصطفى ابنها انكلب بالماطور
صددك خطيه بعده شاب وليش هلكد باجيه شعليج ماما البينه مكفينه
ماما ولد عاقل خطيه ماله اذيه
استغفر الله ربي صفنت تذكرت ابوه ---زين يعني خطره
ماادري كالو طواريء
اي باعي لو كلش جان انقل للعنايه
صدك ماما صدك
اي ماما شبيج يله روحي خل اصلي وانتي هم صلي وادعيله
اي
سديته منها دكيت على نزار توقعت يدري
الو هلو نزار
هلو عيني هلو بيج
شبي صوتك
والله مابيه بس شو روحي تلوب يمكن لان نمت المغرب
ها اي يمكن
شونج انتي
الحمد لله
شوكت ناويه تكوليلي شسمج مو مليت صار اسبوع
اااسمي ساجده
ها عاشت الاسامي وحتضلين ساجده لو تركعين
ههه
ههه اشاقيج والله مالي خلك اضحك مدري شبيه اكولج اني حروح ازور من اجي اخابرج
خوش الله وياك ادعيلي وياك وادعي لجهالنا
اخ مصطفى بالي يمه وميرد على اتصالاتي
الغايب عذره وياه
اي صح يله رايح اني
الله وياك سديته منه انكسر كلبي عليه ربي ريح باله عليه يارب
مسره-لل12 الا شوي اختم القران طب بابا اني جنت بالمرجوحه وكفت اخجل اساله بس مكدرت بعد
بابا شونه خو مبي شي
لا بابا متعارك وي ولد من المنطقه ضاربهم ومن صعد عالماطور ينهزم منهم راكعي بطابوكه براسه هم شك براسه هم مكرود ضهره خطيه
عززززه بعيني صحت بدون وعي
هاي شبيج
اي تالي
تالييش باجر يطلعو صاحي مبي شي بس خالتج نقطه ضعفها ابنها الحمد لله سويلي شي يناكل
بابا دواك وهاي الحبايه
هاي ليش بعد
ماادري ماما كالت بحالات التوتر طي انديرال تخفف الدم
صفنت عليها ابتسمت اصيله امج بابا اخذت الحبايه وفتت نمت اباوع لصفحه فراشي شون كدرت استغنى عنها وبس الله يدري شكد محتاجها نجوى مكدرت تسد مكانها جانت موفرتلي كل حاجتي دكتورتي ومدبره بيتي وتخاف عليه ولازم داءما مكشخ كوني مدير دائره مافد يوم قصرت واني القصرت وياها عيشتها بفكر اني ذبيت كل هذا بالشط وركضت وره حب صح حبيت ومتوالم فكريا وياها بس بعدني اشتاق لساجده نمت تعبان من التفكير نجوى باتت يمه بالمستشفى بعد ماكلبتها كلب بصياحها مصطفى انحجز وهو بالمستشفى لان ضارب ولد لان حسب مكال الولد غالط على امه كدام الشباب وغيرته متحملت ومن التمو عليه صعد الماكور دينهزم ضاربي براسه وجان طالع بسرعته انكلب الماطور واتاذة ضهره بس شخوط وكدمات ماكو كسور
مسره-الليل منمته ميته خوف لوجه الفجر غفيت وهم مداومت كعدت ب8الصبح تذكرت البارحه ريوكنا سوه وضحكنا بلكن يطلعو اليوم والله اشتاقيتله الحقير سويت الغده مالي خلك اركب بابا راح للشغل سويت تبسي وكعدت اقره مدااكدر سديت الكتاب وشمرته انعل ابو حمورابي يابو ام مصطفى اي وينك خرب سمعت صوت ابويه
ها عمي الحمد الله عسلامتك كمزت من مكاني فتحت باب الغرفه رحت للمطبخ نجوى مثبوره وولد اصدقاءه2 ويا لازمي منا ومنا مرتجي عليها راسه ملفوف ياعيني باوعتله دمعت عيني
مصطفى-لك ااخ اخ خرب حضك يس
اي شبيك لك شكد مايع
مسره-بقيت واكفه بمكاني ايدي على حلكي صافنه عليه
مصطفى-باوعتلها ابتسمت كوه ونصيت شافوها اصدقائي خرب ببليسج خو يس اخذله صفنه ام الربع ساعه صعدو فوك مكدرت اصعد ولا كدرت اكله حمد الله عسلامتك
نجوى-مسره شمسويه اكل
اا تبسي
خرب غير تسوين شوربه
هههسه اسوي ركض خليت الجدر ضلت صافنه عليه صعدت فوك وره شوي نزلو جماعته فاتو من يمي ثيماااللا عمي باوعو عليه وسلمو على ابويه وراحو
نجوى-هاي انتي معزله غرفته
ااي
ليش
ماادري كلت خاف يجون خطار وهي وصخه.
زين سويتي بس متوصلين بعد
اي بقت صافنه عليه
شو فدمره تسمعين كلام صايره شعدج
والله ماعدي شي نجوى اني اريد اعيش عوفيني بقهري
اعوفج ماشي يعني سلام بيننا
اي والكعبه سلام مخبله دااخلي راسي براسج
خوش لعد هاهي بس خلي ببالج مصطفى خط احمر
اي معليه منه بس كلت اكيد تجين مثبوره بي اساعدج والله
هاهي يله اني اخذت اجازه 3ايام اداري الحمد لله فضيناها الشغله
حسين-والولد الضاربه
اي هاهي قدمت بلاغ والناس شهدو انه هو ضل يخربط بالحجي اللي مصطفى ضربه متحمل الحجي
ها الحمد لله
يله مسره مصارت الشوربه
لا فد شوي وتصير
سويتيها عالدجاج
اي
ليش خو سويها عاللحم وكت سوالف فكريه هسه
لا والله مو قصدي شي قابل دافعه من جيبي بس كلت اخف
مو هذا نحس ميحب الشوربه مال دجاج
اذا محبها اسوي غيرها اوف ربي شكد نقه بداخلي صارت الشوربه وصعدتها نجوى
مصطفى-بالي يمها خطيه كالبه الغرفه عالبطانه كاره امي حيييل وماريد اشوفها اني ابن استاذ نزار اللي الكل تحلف براسه وبتربيته يحجون عليه خرب حضي سالوني على ابويه وكتلهم سافر واستقر بكربلا ضحك واحد منهم وكال طبعا هم اله عين يبقى ومرته حبت عليه تخبلت وصار الصار هي الصغرتني بالمنطقه طبت وبيدها الصينيه
هاك حبيبي اكل
ماريد سم
ليش حبيبي جسمك فقد هواي دم
لو ميييت جان ارتاحيت
ليش تحجي هيج ماما كمت ابجي متحملت ماما حرام عليك والله
انتي الحرام عليج اني يوم اني يحجون بعرضي
ينكص لسانه اليحجي مغلطت
لايابوي بس حبيتي وخنتي ابويه كلشي مسويتي اسكتي لخاطر دين نبيج
بس اكل هاي
يوووم روووحي من وجهي اخ يابه ضهري
اي حروح ماما هاي حعوف الشوربه يمك
مصطفى-دك ابويه وحاجيته مكتله كلشي غير يتخبل سديته منه جريت الشوربه جعت اكلت اول لكمه تخبل اكيد مسره مسويتها كملت الطاسه ونمت خابرني يس رديت سال عني خاف محتاج شي وراها سالني منو هاي ام الكصيبه
وانت شعليك لك
هاي ام الايباد
لك ابن النعال معليك يس مو مال شقه
ههههه فدوه لليحب بالعافيه عليك
دكل تبن هي مال حب
يتبع
