Behind The Scene Of Ego【 Season 02 】

Episode 03

* Unicode *

- အတ္တနောက်ကွယ်က မသိရှိခဲ့တဲ့အမှန်တရား -
- ဒုတိယအတွဲ -
- အပိုင်း ၃ -

" ဂျင်းနီ... ပျင်းနေပြီလား ကိုယ့်ကိုကြည့်ပါဦး..."

ပြန်မပြောနိုင်မှန်းသိပေမဲ့ သူ့ကိုစိုက်ကြည့်နေတဲ့ ဂျင်းနီရဲ့မျက်ဝန်း‌ေ‌တွကို အနူးညံ့‌ဆုံးကြည့်ကာပြုံးပြလိုက်တော့ သူမမျက်ဝန်းတွေ အ‌ရောင်လက်သွားသလို သူမြင်လိုက်ရသည်။

" ဂျင်းနီ ပတ်တီးတွေစီးထားရလို့ စိတ်ရှုပ်နေလား တအားကြီး စိတ်မပူပါနဲ့ နောက်တစ်လလောက်ဆို ပက်တီးတွေဖြည်ရတော့မှာပါ ပြီးတော့ မင်းမျက်နှာလှလှလေး ပျက်စီးသွားမှာလဲမပူပါနဲ့ ကိုယ်အတတ်နိုင်ဆုံး ဆရာဝန်တွေနဲ့တိုင်ပင်ပြီး ခွဲစိတ်ထားပေးတယ်... မင်းဘာမှမဖြစ်စေရပါဘူး ဂျင်းနီရယ်...."

သူ့စကားအဆုံး ဂျင်းနီက ဘာမှ မကြားချင်‌တော့သလို မျက်ဝန်းတွေကို မှိတ်ချပစ်လိုက်သည်။
သူကတော့ ဂျင်းနီမသိအောင်သက်ပြင်းသဲ့သဲ့ချရင်း...။

"ဟင်း...."

တကယ်တော့ မီးလောင်တဲ့ည မိုးလင်းခါနီးလေးနာရီ‌လောက်မှ ဂျင်းနီ‌မီးလောင်ဒဏ်ရာတွေကြောင့် ခွဲခန်းထဲမှာဟု တစ်ဖက်ဆေးရုံက အကြောင်းကြားလာခဲ့သည်။ သူလဲ သိသိချင်း အလျင်အမြန်သွားတော့ ဂျင်းနီရဲ့ရင်သွေးလေးကိုဆုံးရှုံးပြီး သားအိမ်ပါထုတ်ပစ်ရမဲ့အခြေအနေထိ ရောက်နေမှန်းသိခဲ့ရတော့သည်။ မျက်နှာက မီးအပူရှိန်ကြောင့် အသားလောင်သလိုဖြစ်ကာ ခွဲစိတ်မှ သင့်တော်မည်ဟုဆရာဝန်တွေကပြောတာကြောင့် သူ သဘောတူခဲ့သည်။ ဆေးရုံကိုအချိန်မှီရောက်လာလို့ အသက်ကယ်နိုင်တာဖြစ်ပေမဲ့ နဂို ကတည်းက မေ့မြောနေတာရော မီးခိုးမြောက်အမြားရှူမိထားတာရောကြောင့်ပါ အသက်ရှုလမ်းကြောင်းကိုပါခွဲစိတ်ခဲ့ရသည်။

ဂျင်းနီရဲ့အ‌ခြေအနေတွေကြောင့် သူ့မှာရူးမတတ်နာကျင်ခဲ့ရပေမဲ့ သူမကိုအဆုံးရှုံးမခံနိုင်တဲ့စိတ်နဲ့ သူမအသက်ရှင်ရင် အဆင်ပြေတယ်ဆိုပြီး လုပ်နိုင်သမျှအကုန်လုပ်ခဲ့သည်။ အဆုံးသတ်ရလဒ်ကတော့ ဘယ်လိုအ‌ခြေအနေရှိမယ်မှန်းမသိသေးပေမဲ့ ခွဲစိတ်ပြီး ငါးလအကြာမှာတော့ သတိရခဲ့သည်။အဲ့ဒီ့မေ့နေတဲ့ ငါးလအတွင်းလဲ အပတ်စဉ်ဆေးစစ်မှုကိုခံယူရသည်။ ဒါပေမဲ့ သူမသတိရတဲ့နေ့မှာပဲ သတင်းဆိုးကြီးကိုကြားလိုက်ရသည်။