هو الروح

الثانى

سما مسكت التيليفون ورنت علي نيره فيديو كوول
نيره  ايه   وحشتك
سما   😂  لا
نيره   شكرا   فعلا   الاهتمام مبيطلبش
سما  😂   يخرب بيتك  طيب انا هاتجوز بعد بكره
نيره باستغراب   ايه  ليه هو العريس قرب تنتهي صلحيتو ولا ايه 😂 هيلحقووه قبل ما يودع
سما   اخرسي  لا دا انا هاتجوز طارق ابن عمى
نيره   ايه  لاااااااااا  والله العظيم  دا امتا ده  بتتكلمي بجد ولا هزار
سما    😂😂😂 هزار ايه بس دا جد الجد والنهارده وبكره عايزاكى معايا علشان الشبكه والفستان وكلووووو
نيره  لا احنا كده هناخد اجازه من الشركه
سما    انتى تاخدى اجازه وانا هاسيبها 😛
نيره  بصوت زينات صدقي    عقبالي يارب
  وفضلو يدردشو للصبح ونسيو نفسهم

عدت الليالي  بسرعه الشبكه الفستان المعازيم الشركه اللي سابتها والفرح كله عدا في ثوانى وسما كانت مستغربه قلة كلام طارق معاها  بس كانت معدياها  مع انهم كانو بيتكلمو اكتر قبل كده بس طمنت نفسها
وبتحلم بالفرح وسعادتها وسعادته بس

فلاش باك *****
قامت من علي السرير بعدها بفتره وراحت  غيرت الفستان ونامت ودموعها مبطلتش لحد الصبح

طارق بعد ماسابها اتصل علي محمود  صاحبه وعشرة عمره
طارق     الو
محمود   الو  ايه دلوقت انتا مش عريس يا بنى ولا تكون عملت اللي في بالي 
طارق  هو اللي في بالك  اللي حصل علي اساس انك مش داريان بكل حاجه مثلا
محمود   انت اهبل يابنى ولا معندكش قلب صدمتها وحكتلها كل حاجه 
طارق     لا مش كله  وبعدين  انا صريح مش اهبل مكنش لازم اخدعها انا مش شايف غير رزان بس
ومينفعش  سما  تتظلم معايا
محمود   لا عندك قلب يا راجل انت غبي رايح تصدمها يوم فرحها وهي اكيد طبعا بهدلتك ومسحت بكرامتك الارض
طارق    لا طبعا انا كنت دفنتها قبل ما تعمل كده هى سكتت بس وافتكرتنى هطلقها
محمود   انت انانى والبت دى خساره فيك
طارق  يوووووه بقا حل عن دماغي دلوقتي وفكك من الموضوع ده  المهم  رزان عرفت ولا لسه
محمود   يا برودك يا اخى لا لسه اكيد بكره التهانى توصلها وان شاء الله تقتلك وتريحنى من برودك
طارق  اووف منك  سلام علشان انا اديلي يومين منمتش
محمود    تصبح علي زفت
طارق   غور ياض
وقفل السكه  ودخل نام

تانى يوم صحيو الظهر وسما صحيت غسلت وشها وغيرت واستنت طارق يصحا وهى قاعده دماغها مشغوله  في الجرح اللي اتجرحته واللي هيحصلها بعدين معقوله مش هايبقى ليها بعد ماكانت بتتمناه وبقا في ايديها مش من حقها قلبه
قلبه بقا من  نصيب واحده تانيه
طب تعمل ايه تحارب وتاخده  وهى تقدر وعندها فرصتها ولا ده هيبقا ملوش طعم غير لما يجى من نفسه مش اسلوبها علي فكرة 
ولا تقوى نفسها وتدوس علي قلبها وتفكر في حياتها ومستقبلها ويمكن ربنا يعوضها باحسن منه 😪تعبت من التفكير وصداع جامد اوى  ومش عارفه تعمل ايه سمعت صوت بره لقيت طارق بيخبط
سما    مين
طارق   انا طارق لو صحيتى تعالي نفطر
سما   افطر انت وانا هافطر بعدين
طارق   براحتك
سما اشتغلت عياط  واتخنقت فكت طرحتها وقامت غسلت وشها ودموعها مش راضيه تبطل سكتت شويه واترمت علي السرير وراحت تانى في النوم
صحيت علي خبط تانى علي الباب
سما  ايوه
طارق  قومى بابا وعمى  اتصلو عليا ودقيقه وهيجو
سما جريت بسرعه فتحتلو الباب وطارق لاحظ شكلها من النوم والعياط باين عليها صعبت عليه بس متكلمش  في كده وقال 
طارق   ادخلي خدى دش وانا هاستنا معاهم بره وزي ما اتفقنا حاولي متتكلميش كتير  ولو سالو عليا  قولي الحمد لله  او انا ابقا ارد مكانك
سما هزت راسها وسكتت  وهو اتدايق
طارق      انا بكلمك علي فكره ردي عليا
انا مقدر اللي انتى فيه بس انت لازم تتعاملي معايا علي انى جوزك وبصيلي وكلمينى زي مابكلمك.
سمافي نفسها  جوزى معلش
وقالتلو انا لسه صاحيه من النوم ونمت كتير انا هدخل افوق واطلع اتكلم عن اذنك وقفلت الباب ودخلت
طارق  بهمس  جوزها ايه انت التانى اتنيل