هو الروح

السابع

يسري   سما ادخلي جوه الاوضه دي هتلاقي حمام اغسلي وشك وتعالي
سما  هزت دماغها لتحت ودخلت
يسري قعد علي الكنبه  وطارق قعد علي الكرسي جمبه
يسري   اولا دي مش رجوله ولا اخلاق  واحد محترم ومتربي وماعتقدش انك شوفتنى عملتها مع والدتك الله يرحمها علشان تعملها مع مراتك
طارق   امي مكانتش بتعصي كلامك
يسىري  وهو ايه كلامك ان شاءالله  اللي مراتك مسمعتوش
طارق   بلاش من الشغل وتفضل في البيت  احسن ليها
يسري   ليه  هو المفروض انا مليش كلمه عليك وعليها ولا ايه  اكيد هي قالتلك ان الشغل انا اللي طلبته منها وهي فرحت ورضيت
طارق   انا قولت اسبابي وبعدين  هي لا اول ولا اخر واحده تقعد في البيت  اهي حياه دكتوره  وخلصت سبع سنين دراسه في كلية الطب وقعدت في البيت من غير مشاكل
يسري    سيبنا من حياه وبعدين انت بتقول امك الله يرحمها مكانتش  بتعصيني  طب احنا كان بينا عشره وحب سنين كتيره مش من اول حياتنا كانت بتسمع الكلام   وبعدين افرض انا قولت وهي وافقت وانت  اعترضت ايه اللي يخاليها توصل لمد الايد 
وبعدين  ايه اللي يخلي واحد يبات بره بيته فتره ومراته متفكرش حتى انها تسال عليه او انها تيجي تترجانى انك ترجع البيت او علي الاقل تبلغك انها هاتنزل تشتغل  في التيليفون  متهايالي انت  عارف انا بلمحلك بايه
طارق    فضل ساكت ومعرفش يرد
سما خرجت بعد مانشفت دموعها وقعدت جمب عمها
يسري  عامله ايه دلوقت
سما     الحمد لله احسن
يسري    دلوقت قدام جوزك عايزه تشتغلي ولا لا
سما         قبل الشغل انا عايزه اطلق
طارق بنرفزه      ايه اللي بتقوليه ده
يسري   هووووش   اقعد ساكت واتعامل بهدوء شويه
طارق   حضرتك سامع هي بتقول ايه
يسري   مش كل اختلاف مابين زوجين يقومو يطلقو وبعدين انتى ست العاقلين يا سما ميطلعش منك الكلام ده
سما      انا مش عايزه اكمل معاه
يسري   ليه يا سما يا بنتى  مينعش الكلاق خالص يا بنتي وانا مش بقولك كده علشان ملكيش غيرنا  لا لان سواء كنتى مرات ابنى او هتتجوزي حد غيره انا مش هاسيبك وهابقا معاكي
طارق اتضايق من كلام ابوه وبصلها وسما بصت لبعيد
يسري   ها هاتقولي سبب مقنع  ولا لا
سما سكتت شويه وبعدين قالت  هو لما يمد ايدو عليا مش سبب
يسري   لا   اكيد غلط
بس يستاهل نمد عقابه كام يوم ودلوقت انتو ضيعتو عليا البريك فاطلعو دلوقت عشان تلحق انت وهي شغلكم
واكد علي كلامه انهم الاتنين هيشتغلو
خرج طارق من المكتب  ووراه سما ودخل مكتبه اللي كان في نفس الدور وخبط الباب وراه جامد لقا محمود  موجود
محمود   اهدا كدا وصلي علي النبي 
طارق قعد علي المكتب وحط راسه بين ايديه وقال عليه افضل الصلاة والسلام
محمود  انا طلبتلك حاجه تشربها روق وبعدين  نبقا نحكي
طارق    طب هي مقلتلوش ليه 
محمود     مقلتلوش علي ايه
طارق اني مش ملمستهاش ولسه علي علاقة برزان واننا اتفقنا فعلا علي  الطلاق
محمود مش عارف ابقا اسالها
طارق     انا  مش عارف  ومش مهتم ومش في بالي اصلا
محمود لا واضح انك مش مهتم خالص
طارق   خالينا في شغلنا احسن  من اي كلام