هو الروح

السابع والعشرون

عدا اليوم بفرح عليهم وزياد وانس برضو نامو مع سما في اوضيتها وماسكين فيها زي اللي خايف يضيع منه حاجه 

احمد بيروح الشركه وبيقضي يومه علي شوق انه ويرجع يقعد مع سما والولاد في البيت
واخد زياد للاستشاري والدكتور بشره وقالو كدا بقا تمام وليه جلستين تاني يتابعه فيهم وخلاص

تاني يوم
  علياء صحيت متاخر وعندها محاضره بدري وكانت بتجري علي السلالم
سما كانت نازله والولاد معاها
علياء بصوت عالي وسعو وسعو بسرعه
ونزلت جري سما علي مهلك  مش هاتفطري
علياء   عندي محاضره تمانيه ودلوقتي تمانيه الا ربع
انا  هانتحر وهاطير بالعربيه
احمد  من ورا علي السلالم احسن يارب يطردوكي
علياء طلعتلو لسانها ومشيت
وسما قعدت تضحك
احمد   صباح الخير
سما    صباح النور  يالا علشان تلحق توصل ولادك علشان ميتاخروش علي الحضانه
احمد   عنيا لولادي ولامهم
سما  نزلت وغيرت الكلام وكلمت زياد وانس
صبحو كلهم علي سميحه  اللي قعدت تشكي من  علياء
سميحه   قعدت اقولها قومي   قومي يالا الوقت راح وهي زي  القتيل
سما  سامحيها معلش اصلنا سهرنا مع بعض امبارح اتحكينا للصبح 
سميحه   ربنا يخليكم لبعض طول عمري كنت بزعل عليها علشان معهاش اخوات بنات  وربنا رزقنا بيكي يا حبيبتي
سما    ربنا يخليكي لينا يارب ومنتحرمش منك ابداا
احمد    يالا يا شباب  كل واحد يجهز شنطته ويالا بينا
سما  استنو خدو اللانش بوكس معاكم   وبعد ما ادت كل واحد شنطته وباستهم احمد كان بيلبس جاكتته سما قالتلو  انت بتاكل فين في مطعم ولا هتاخد سندوتشات زيهم
احمد بابتسامه  علي حسب عملتي حسابي ولا لا
سما     لا عملت اتفضل  علبتك اهي
احمد     شكرا  وباس راسها ومشا

في الكليه
علياء من سرعتها نسيت الشنطه في العربيه وحمدت ربنا انها لحقت المحاضره قبل الدكتور مييجي
ونزلت  جري علي سلالم المدرجات وهي نازله خبط فيها واحد جامد ووقعت قاعده علي السلم
علياء   يخرب بيتك يا شيخ  انت اعمى متفتح يا اخي  وقامت
شهاب  انتي الللي تفتحي انا اللي طالع وانتي نازله زي الصاروخ في وشي
علياء   اوعا من طريقي انا مش فاضيالك ورايا محاضره
وسابته ونزلت جري
شهاب  دانتي مشوفتك في بجاحتك يا شيخه 
بس مسمعش هي قالت ايه بقا علشان كانت بعدت عنه
واول ما دخلت علياء   المحاضره بعد ما جابت شنطتها اتفاجات  من الصوت اللي في المايك

شهاب  معاكم بشمهندس شهاب الدين عاصم  هاديكم محاضرات الماده والعملي لحد الدكتور عبد الله مايرجع من اجازته الاسبوع الجاي ولما يرجع ان شاءالله هاديكم العملي بس
حد عنده اي استفسار قبل ما ابداء

علياء كانت مرعوبه وخايفه ليبهدلها قدام الدفعه
بس عدت المحاضره علي خير
وخلصت وروحت

لقيت سما  قاعده مع امها وبيتحكو فقعدت جمبهم
سما   مالك يا علياء شكلك مش مرتاحه في حاجه
علياء حكت اللي حصل
سميحه عرفت المعيد من اسمه بس سكتت