هو الروح

الثامن والعشرون

سما وعلياء قاعدين في اوضة الولاد وسما بتذاكرلهم

علياء     ممكن اقول حاجه ومتزعليش مني
سما    قولي يا علياء انتي  اختي اكيد مش هازعل
علياء    ايه اللي يخليني اضمن ان شهاب ميطلعش زي طارق طليقك 
سما     بصي ياعلياء  انا اتجوزت علي طول من غير فترة خطوبه وكون انه ابن عمي وكان ساكن معانا الا اني بحكم كسوفي مكنتش بتعامل معاه كنت كل حاجه بسمعها من والدته الله يرحمها وهي كانت بتقول وبتشعر فيه وفي صفاته الحلوه فالاحسن متاخديش وجهة نظر كامله عن اللي قدامك  من غير المعامله في فترة الخطوبه بتبان حاجات وتشوفي نفسك هاتكملي معاه ولا متقدريش تعيشي بالعيوب دي وبعدين حطي في دماغك ان مفيش حد كامل المفروض انتو تكملو بعض وبالعشره بتبقو شبه بعض بتكرفو علي بعض يا عنى 😂😂

علياء    طب ايه الفرق بين طارق واحمد اخويا وانتي حبيتي احمد ولا لا
سما     اتنهدت وقعدت سرحت شويه  وبعدين ابتسمت وقالتلها احمد  راجل  راجل بجد
ولما تحبي حبي راجل
الراجل  هو اللي تقدري تعتمدي عليه و تسندي عليه .. هو اللي يكون قد المسئولية .. يحافظ ع الوعد و يصون العهد .. هو اللي يفضل ثابت مايتغيرش ولا يتاثر باحقاد و كلام بدافع الغيرة و الكره....

الراجل هو اللي تأمني غضبه وزعله .. ميتحولش لبني ادم تاني كانك ما تعرفيهوش .. هو اللي كلامه زي تصرفاته
ليه وش واحد مش متلون تبع اهواء نفسه و اللي حواليه ..

هو اللي تثقي  فيه في  كل الحالات .. مش
وقت الحب يرفعك ل سابع سما ... ووقت الزعل يهينك و ينتقدك و  ينزل بيكي ل سابع ارض ..  ويحسسك انك اسوء انسانة في الدنيا كلها و ان كل مافيكي غلط .. 

الراجل هو اللي يعرف يعني ايه حب  ...  ويعني ايه واحدة امنت ليه واستأمنته علي قلبها ...

هو اللي يعلي ثقتك في نفسك و يشجعك دايما تكوني للاحسن و تحققي طموحك ... ويقدر اهتماماتك و شغفك بالحجات اللي بتحبيها ...

هو اللي بيغير و يخاف عليكي ..  مش يخوفك .. تعرفي تختلفي و تتناقشي معاه ... مش يقلل منك ويسخف
من كلامك ...
هو اللي يسمعك ويوجهك لو غلطتي  ويفهمك الصح .. 
مش يلومك و يعايرك بغلطك و يعلقلك المشنقة .. 

الراجل اللي بجد بيكون حماية وضهر وامان
  راجل ليكي .. مش راجل عليكي ..
يخليكي غالية وعالية في عين الكل ... مايكونش بخيل في مشاعره وحبه و احساسه ...  ودة اسوووء بكتير من بخل الفلوس ...  

الراجل اللي بجد  هو اللي يعرف يعني ايه واحدة روحها اتعلقت بيه و اتعشمت فيه و صدقته.. هو اللي يقدر التضحية ويحفظ الجميل ويصون العشرة..

هو اللي يحافظ علي كرامة الانسانة اللي وثقت فيه
وحبيته و فضلته علي نفسها ... هو اللي يحارب ويقاوم ويقف قصاد الدنيا ويدافع عن حبه..