هو الروح

الخامس

وصلت القاهره وهي واقفه في المطار علي بال  ما محمود يخلص الورق بالها مشغول  والشيطان بيصورلها سيناريوهات كل سيناريو  اسوء من  التاني
  فاقت علي محمود وهو بيقول
يالا يا سما خلصت
  ركبو تاكسي ودخلت العماره سمعت قران شغال والجيران بيسلمو عليها وهما بيعيطو وهي مسهمه محمود سحبها من ايديها على السلالم
سما     محمود هو ا....
محمود    هوووششش اصبري بس احنا قربنا اهو

طلعو الشقه لقيتها مفتوحه وعمها وناس كتير ونيره صحبتها بتعيط جامد بصت سما لعمها عينيها رغرغت وعايزه تكدب ظنها وقالتلو بابا فين

يسري    ربنا استرد امانته يا بنتى   وبكا وحضنها 
سما   بعياط بتقول ااايه  ههو فين  طيب انا هادخلو اصحيه هو ميعرفش انى انا جيت وسابتهم وجريت علي اوضة ابوها لقيته ملفوف في الكفن ومشغلين التكييف  عالي  قالت متعلهوش بابا بيحبه واطي مشيت بالراحه رجلها مش شايلاها وخطوتها تقيله اول ماشافت وش ابوها في الكفن صرخت صرخه جامده ووقعت من طولها
جرى يسري ومحمود عليها بسرعه
ونيره صرخت وقالت   سمااااا
يسري  شالها وحطها علي كنبه في الاوضه وقال  بسرعه يا محمود حد يطلبلنا الاسعاف
نيره  يا حبيبتي يا سما قومي ياحبيبتي
محمود راح كلم الناس بره وطلبو الاسعاف
الاسعاف جت
  محمود   محدش يجي جمبها انا هاشيلها
واخدوها
يسري  روح انت وصحبتها معاها وانا هاخلص الدفنه واحصلكو
محمود  متعولش هم  يا عمي
واخدهم الاسعاف ومشيو
يسري    كان بيدعي علي طارق في سره  ومخنوق منه علي الاخر وبيقول اللهم اني لا اسألك رد القضاء ولكنى اسألك اللطف فيه
وكمل المراسم وخلص العزا علي القبر واتصل علي محمود قالو علي المستشفي راح عندهم اول ما وصل كان محمود بره 
يسري  ايه يا محمود  اخبارها ايه
محمود    جالها انهيار عصبي ادوها مهدئات وصحبتها معاها جوه ومعاها فتره علشان تفوق
يسري  ربنا يستر يارب تعدي على خير يارب
محمود   احم انا هانزل اجيبلك حاجه من الكافيه
اكيد حضرتك ماكلتش حاجه
يسري  ربنا يبارك فيك يا بنى  ابقا اعمل حساب  صحبة سما التانيه معايا من ساعة ماعرفة الخبر
محمود   اكيد بعد اذنك
يسري بعد ما مشا محمود  قال بتهرب مني يا محمود علشان مسالكش عن ال**** ماشي يا طارق  مبقاش يسري الا لما اربيك من اول وجديد
وصل محمود معاه اكل ومشروبات وخبط على اوضة سما فتحت نيره ودخل يسري واطمن عليها وقعدو يعزمو علي بعض الاكل
لكن الكل مش قادر مرار المصيبه كتير عليهم وسادد نفسهم
نيره  ربنا يصبرها انا خايفه لما تفوق اكيد حالتها هاتبقا صعبه
محمود  كلنا بننسا انا مريت بموقفها  بس كنت صغير وربنا انعم علينا بالنسيان لولا النسيان كنا منمناش ولا عشنا حياتنا كده 
الحمد لله علي كل حال
يسري   قد ايه ربنا رحيم بالبني ادم  فعلا الحمد لله علي النسيان

فضلو في المستشفي لحد  تاني يوم وبابا نيره  جه وقعد معاهم وحاول محمود ويسري يروحو بس هما مرضيوش
تاني يوم سما فاقت  وقعدت تعيط  وتصرخ مكنتش حاسه بنفسها ومش مستوعبه ان باباها خلاص اتوفى وتسال عمها ازاي حصل