هو الروح

التاسع والعشرون

صحيو كلهم تاني يوم واتفاجأو ان احمد مش موجود في الفيلا وقعدو يتصلو عليه ورد عليهم انه جاي في الطريق وصوته كان متغير
اول ما وصل كانت هدومه متبهدله وقميصه مبقع وعلي وشه ضيق شديد  وزعل
سميحه   استر يارب مالك يا احمد حصل ايه
احمد راح طلع لفوق ومكلمش حد 
علياء وسما قعدو يقولو مالك  في ايه
احمد.  وقف علي السلم وقالهم المخازن كلها اتحرقت
سميحه ياللهوي
علياء وسما اتخضو وقعدو يعيطو وسميحه تعيط وتقول لطفك يارب
لطفك بينا يا كريم
احمد سابهم وطلع لفوق وقفل عليه الاوضه بتاعته
سما  وعلياء قعدو يصبرو في سميحه وسميحه تعبت وطلعت اوضيتها خدت دوا ونامت
سما قعدت تخبط علي احمد مفتحش
علياء قالتلها انه لما بيبقا متضايق مش بيكلم حد علشان ميتهورش علينا
سما  قعدت شويه وبعدين قعدت تخبط تاني علي احمد ولما مرضييش يفتح قالتلو انا سما لو بتحبني بجد افتح الباب
احمد  لما سمع الصوت قام فتح علي طول سما دخلت لقيته لابس لبس البيت بعد ما استحمي بس متبهدل وقاعد الحزن مالي عنيه
سما قربت مه وراحت قعدت علي السرير واخدته في حضنها وقالتلو علياء قالتلي انك لما بتبقا متضايق مبتحبش حد جمبك بس انا حاسه ان روحي بتطلع وانت كده  وانا مش جمبك ممكن متزعلش و متقلقش ان شاءالله  ليها حل
احمد    وايه هو الحل
سما    انا عندي مبلغ باسمي هو بسيط بس ممكن يساعدك ومعايا فلوس تاني باسم انس لو محتاجهم خدهم بس هتردهم لما ربنا يفرجها  علشان دي امانه من عمي الله يرحمه  لانس اما فلوسي انا مش عايزاهم ومعايا دهبي والشبكه انت جايبلي شبكه غاليه ممكن تبيعها برضو
احمد ضحك وباس ايديها قالها شكرا بس انتي فاكره البضاعه دي بكام
سما  احم       انا شغاله في الحسابات وعارفه  بس اهي مساعده  علي قدي وخلاص  وومكن تسند معاك انا مش هاين عليا زعلك   وحزنك ده
احمد باس راسها ودخل في حضنها وقالها انا عايز انام ممكن
سما    طب هاقوم واطفيلك النور واطلع
احمد    لا خليكي انا محتاجلك جمبي
سما  اتوترت
فقالها
احمد  لا  متخافيش مني انا هنام في حضنك بس 
سما ابتسمت وقالتلو حاضر
ونام احمد بعد ماتعب من التفكير وهو في حضنها

انس وزياد كانو بيدورو علي سما واحمد وعلياء اخدتهم يشترو ايس كريم من بره  علشان ينسو
وشهاب لما عرف  راح عندهم وقعد مع علياء  وسميحه لحد احمد ما يقوم
وبعدين مصطفي اللي مع احمد  في الشركه برضو جه علشان عايز احمد ضروري
وساعتها  علياء طلعت تصحيهم واول ماصحيو نزلو  تحت سما راحت للولاد واحمد اخد مصطفي وشهاب علي المكتب
بعد ماخلصت القعده  ومشيو
احمد طلع من المكتب بعد وقت كتير وقعد مع امه واخته ومراته
احمد   الولاد فين
سما    في اوضتهم فوق بيلعبو
احمد   انا هاسافر الصين للشركه بتاعت لي نوڤو
علشان اعمل الصفقه من جديد
سما   طب مش هتاخد الفلوس
سميحه   فلوس ايه
احمد  سما عرضت عليا فلوسها وسيغيتها علشان اعوض  الخساره
سميحه   ربنا يبارك اصلك يا حبيبتي ونعمه الزوجه
احمد     انا هاخد سما معايا
سما      طب وزياد وانس
احمد    مينفعش اخدهم معايا
سما   وانا مقدرش اسيبهم  وخصوصا زياد
احمد  طيب  براحتك انا رايح الشركه  محتاجين حاجه
سميحه ربنا يخليك  وتعوض خسارتك ان شاء الله
احمد   يارب
وسابهم وطلع
وسما قامت وقالت عن اذنكو
وراحت ورا احمد الاوضه بتاعته  وخبطت
وقالتلو  انا سما ممكن ادخل
احمد قالها    تعالي
دخلت لقيته بيغير راحت لفت وشها الناحيه التانيه
احمد ضحك عليها وقالها رجلك خدت علي الاوضه بتاعتي وانا كدا اخاف علي نفسي
سما قعدت تضحك ومرضيتش تبص الا لما خلص وراح وقف قدامها
سما   انا مش عايزاك تزعل مني  زياد لسه فايق من صدمه ومتعلق بيا حتى اثر علي انس وبقا زيه والاتنين مبيسبونيش الا  قليل خالص   انا كنت اتمنى  اني اسافر معاك بس الظروف بقا والله غصب عني
احمد   اخدها في حضنه وقالها ربنا يباركلي فيكي انا مش زعلان انا فرحت بتقديرك للولاد   وان شاءالله الجايات كتير وباس راسها
سما  هتسافر امتا
احمد  النهارده بالليل
سما برضو مش هتاخد الفلوس
احمد    لا 
سما بزعل    ليه
احمد مسك ايديها وقالها انا هاتصرف
سما    ازاي
احمد  بعدين علشان في اجتماع في الشركه ممكن لما اجي نحضر الشنطه سوا
سما ان شاءالله