هو الروح

الحادي والعشرون

احمد     اتفضلي اقعدي
سما قعدت وبعدين  هو رجع لشغله والملفات والاب توب  وهي فضلت قاعده ربع ساعه منطقش وابتدت تزهق كانت هتتكلم بس لقيته بيلم الملفات ويقفلها
فسكتت شويه وهو برضو  فضل ساكت
بس اتجرات وقالت
سما  احم إحم  حضرتك كنت باعتلي من ربع ساعه خير في حاجه 
احمد   تتجوزيني
سما  برقت بعنيها واتلجلجت وقالت ااايه اانا مش  فاهمه  حاجه
احمد  بقولك تتجوزيني
بطريقه تانيه  انا طالب ايدك للجواز
سما   ليه
احمد     ايه هو اللي ليه
سما     ليه عايز تتجوزني وليه انا بالذات
احمد انا مريت بتجربه  مع واحده مش مصريه وحابب اجرب اللي من بلدي يمكن ارتاح معاها  وعشان انت مطلقه ومعاكي ابن وانا مطلق ومعايا زياد محتاج لجو اسري علشان يتكلم محتاج لام ترعاه وتاخد باله منه لان والدته ماديتوش الاهتمام وانا خايف اخسره وانا شايفك مناسبه  ها رايك ايه
سما   اممم         انا مش موافقه
احمد  ليه       ممكن اعرف السبب
سما  علشان انا رافضه الفكره اساسا وعايشه عشان انس وبس
احمد    طيب تمام ماحبش اللي دار بينا حد يعرفه وخصوصا هنا في الشركه والا هايكونلي تصرف مش كويس
سما    حضرتك مش محتاج تهددني انا نسيت الموضوع اساسا   حضرتك تؤمرني بحاجه تاني تبع الشغل
احمد    لا شكرا    اتفضلي علي مكتبك
مشيت سما   من المكتب واحمد طلع غله في القلم وكسره من الغيظ حس انه اتسرع وكرامته اتهانت بس حط في دماغه لو اتجاوزت حدودها هيوريها النجوم في عز الضهر

في دبي في مكتب طارق 

محمود      وتفتكر هتوافق انت بتحلم يا صاحبي
طارق        هتشوف  يا صاحبي
محمود     اراهنك علي عربيه موديل السنه
طارق         ديييل   وسلمو علي بعض

في كلية الهندسه 

ماجد    علياء  علياء     استني بس
علياء   انا سبق وقولتلك اني مبكلمش حد لو سمحت ابعد عني
ماجد   بس انا معجب بيكي وحابب اتقدم لاخوكي   واطلب ايدك   بس  عايز موافقتك علشان اتشجع اكتر 
علياء   اتكسفت ومشيت ومبصتش عليه

  راحت الكافيتيريا لقيت شيماء    صحبتها مستنياها  اصلها مدني  وعلياء كهربا والكترونيات فبيتقابلو  في اوقات اللي مناسبه ليهم هما الاتنين

علياء  عامله ايه يا شوشو
شيماء طالع عيني ياما كان يوم اسود يوم مادخلت مدني وهندسه من اساسه
علياء  😂   ولولولي وتعالي نجيب  مولوله كهربا ونولول اكتر علي مواويلنا 
شيماء   ايه كمية السجع اللي قولتيه ده  😂
المهم  اخبارك ايه في البيت واخوكي وزياد وماما بخير الحمد لله
علياء    الحمد لله  الوضع علي ماهو عليه  امي خايفه علينا دايما وبتعيط علي كل حاجه  واحمد في الشركه  وانا بقضي اليوم مع زياد اللي مش بيتجاوب معايا مش عارفه ليه  دانا عملتلو اراجوز والليله الكبيره وبرضو زي ماهو
شيماء   دا محتاج حد محترف  ماتوادو النادي يلعب كوره 
علياء     تصدقي ممكن اهو اخرج انا وانتي بحجته ونهوي علي نفسنا شويه
شيماء   اشكريني يالا واشكري دماغي الفذ
علياء  هااه   في مصيبه انا نسيت احكيلك عليها
شيماء    عااااااااااا  مصيبة ايه يا فقريه قولي بسرعه
علياء     الواد ماجد اللي معايا في القسم بيقول انه بيحبني وعايز يتقدم  يطلب ايدي من احمد اخويا
شيماء ودي اسمها مصيبه يا وش الفقر دي اسمعا فرح   وزغاريت
علياء   بس  انا اتلغبط  ومعرفتش ارد  عليه
شيماء    بصي لو كلمك تاني  
قوليلو انا مبكلمش حد وروح كلم اخويا
علياء      ماهو  بيقول عايز يعرف ردي  عليه علشان يتشجع اكتر
شيماء    طب قوليلو انك موافقه بس واحكي لاحمد اخوكي نيته
علياء   طيب لما يتكلم تاني بقا