هو الروح

الرابع

تاني يوم

سافر طارق الفجيره اماره من  الامارات  بعد ما اقنع رزان انها مكان حلو وكله هادي والسياح بيجو مخصوص للاستجمام فيها وانه عايز يرتاح ويروق باله ومش عايز اي دوشه  وحجز غرفتين ليهم  في الفندق وحضر شنطته وساب ورقه لسما  انه لو حد سال عليه تقولهم جالو شغل ضروري وسافر قطر

سماصحيت لقيت الورقه قريتها وكرمشتها باديها
سما   ان شاء الله تبقا سفريه سوده عليك وعليها
ونزلت تحت قابلت زينب وقعدت تحكي معاها
زينب  اعملك تفطري
سما   حاجه بسيطه بس يازينب ولا اقولك انا هاعمل لنفسي وايه رايك نفطر مع بعض سوا
زينب    كان نفسي والله بس سبقتك انا باكل مع
عبد الله  انا اسفه
سما    لا مفيش مشكله عادي  انا هاجهز ليا
زينب   هو طارق بيه راح فين الصبح كده
سما    جاله  سفرية شغل ضروري وسافر  قطر
زينب   اكيد انتى زعلانه علي شهر عسلكم اللي باظ
سما     اه طبعا بس عادي هيعوضنى لما ييجي
زينب   ان شاء الله   ربنا يسعدكم يا بنتى

فطرت سما واتفرجت علي التيليفزيون ولعبت بالموبايل واليوم كان طويل خالص مكنتش عارفه تعمل ايه خافت ترن علي ابوها يسالوها عليه وهي قاعده  دماغها هتتفرتك من الفراغ

زينب    مدام سما  
سما   ايوه  يا زينب
زينب    دكتور جهاد ومراته وبنته وبشمهندس محمود اصحاب طارق بيه جم بره
سما     دخليهم بسرعه 
زينب    حاضر
سما اتمشت بسرعه تستقبلهم  وسلمت عليهم ورحبت بيهم وهما قاعدين قالت لزينب تجهز عشا
محمود  لا لا مفيش داعي
جهاد    على ايه احنا خمسه وماشيين علشان  منغلسش عليكم
حياه نغزت  جهاد وهمستله وقالتلو متحرجهاش
جهاد ضحك وقال يا ستي هي مش غرييه
سما  ضحكتلهم وقالت  اه  طبعا  اتفضلو
حياه  شكرا يا حبيبتي  اومال فين طارق
سما طارق في...
محمود   طارق جاتله سفريه شغل فجاه فاضطر يروح علشان والده مش موجود  وانا في الشركه مسؤليته صعبه الله  يكون في عونه
سما بصت لمحمود وهو فهم نظرتها وحرك راسه لتحت   علي انه عارف كل حاجه
سما بس ايه النور ده والصغنونه الحلوه دي يا ناس
رهف   ثانكس
سما يا خلاثي يا قمري انتى احلى ثانكس سمعتها وراحت واخداها علي حجرها وطلعتلها شوكليت وخليتها تقدمها ليهم
سما  قعدو يدردشو لحد العشا وقعدت الكلام بينها وبين حياه   
ومحمود وجهاد مع بعض
كانت مبسوطه خالص بيهم
حياه وانتى خريجة ايه بقا
سما   تجاره وكنت شغاله في شركه قبل الجواز
حياه   وهتشتغلي برضو هنا
سما  معرفش لما اشوف طارق رايه ايه
حياه  اشتغلتي مشتغلتيش انا قاعده فاضيه ومصدقت لقيتك احنا مش هانسيب بعض ان شاء الله
سما   تسلميلي حبيبتى انا من ساعة ماشوفتك وانا حسيت انك  اختى والله
حياه    القلوب عند بعضيها  يا حبيبتي

محمود  عملت ايه مع نادر
جهاد   خلصتلو موضوعه علي خير الحمد لله
محمود    يارب  يتوب  ويبطل بقا
جهاد   غلبت معاه والله بس اعمل ايه مشفتش اخ بيمرمط اخوه في الغربه قده ده نشف ريقي من مشاكله
محمود  ربنا يهديه ويخليكم لبعض
خلصت القعده وسلمو علي سما واخدو تيليفونات بعض
جهاد  خرج  من الفيلا هو ومراته بنتهم كانت نامت
ومحمود  وقف شويه وبعدين  قال لسما