هو الروح

الثالث والعشرون

احمد بعد ما خلص كلام مع والدته راح لعلياء  وهما قاعدين
احمد قالها.  ارغي
علياء    هو في واحد زميلي في الدفعه وكان عايز يتقدملي  ويكلمك 
وحكتلو المواقف اللي حصلت
احمد تمام  انتي بتحبيه
علياء ايه لا طبعا انا ماتربتش علي كدا انا والله هو دا اللى حصل ومزودتش عن كده
احمد طيب 
وراح وقف وجاب ورقه وقلم وقعد يكتب وعلياء مستغربه  ولما خلص قالها
احمد   خودي امضي
علياء امضي علي ايه
احمد دا تنازل منك عن نصيبك في ميراث ابويا
علياء  طب ليه افهم
احمد  لو عايزاني اقابل ماجد يبقا تمضي علي الورقه
علياء مضت وادت الورقه لاحمد واحمد اخدها ومشا

علياء كانت مستغربه من اللي عملو اخوها بس  قطع تفكيرها امها وهي بتقولها اجهزي انتي وزياد علشان هانروح لسما

بعد ما وصلو العماره
وخبطو علي الشقه
سما شافتهم  من العين السحريه ففتحتلهم
زياد سلم عليها وحضنها وقعد يدور بعينيه علي انس
وهي فرحت بيهم واستقبلتهم
وضايفتهم وانس فرح بزياد واخدو يلعبو في اوضته
سميحه  بقا كدا تقلقينا عليكي انت وانس زياد رسم لابوه ان انس غايب اديلو يومين واحمد قال انك مبتجيش الشركه
ليه كل ده يا سما
سما  ان اسفه بس والله  بشمهندس احمد ادرى بابنه وفاهم ان كدا بيعمل لمصلحته  والاحسن نبعد انا وانس عنكم
سميحه واحمد غلط وانا فهمتو غلطه ومتعوليش هم هو مش هايدخل تاني وانا اللي مسؤوله عن حفيدي قدامك وبقولك قربو لينا براحتكم
ولا انا منفعش
سما   يا خبر لا   حضرتك  الكل في الكل ماقدرش اتكلم في كده  دانتي فوق راسي من فوق
سميحه حيث كدا احنا هنتقابل في التمرين والولاد يرجعو الحضانه مع بعض وانتي ترجعي شغلك ولا هاتكسفيني  وانتي متروحيش انا سمعت انك شاطره وشغلك ممتاز
سما   اتحرجت من سميحه واسلوبها فقالتلها ماشي حاضر ان شاءالله
سميحه   بصي يا بنتي يعلم ربنا انتي دخلتي قلبي ومعتبراكي زي علياء بنتي فلو اي مشكله حصلت معاكي احكيلي وطلعي اللي جواكي انا زي مامتك ولا ايه
سما    ده شرف ليا حضرتك هو انا اطول
سميحه    حضرتك ايه بقا قوليلي يا ماما سميحه ولا تزعلي من كلمة ماما
سما عيطت وسميحه اخدتها في حضنها وطبطبت عليها وقالتلها اسم الله عليكي يا حبيبتي  طلعي اللي في قلبك انت شايله كتير انا عارفه  ربنا يصبرك ياحبيبتي
كل ده وعلياء في دنيا تاني خالص 

في الشركه

احمد وهو قاعد  يفكر لو سما رفضت والدته ومقدرتش سميحه تقنعها هايعمل ايه

السكرتيره  خبطت وقالها ادخل
السكرتيره   واحد بره اسمه ماجد عايز يقابل حضرتك
احمد    دخليه 
ماجد دخل وسلم علي احمد وقعد قدامه
ماجد  انا اسمي ماجد محسن مبارك
طالب في كلية هندسه مع علياء في شعبة كهربا والكترونيات  والدي عنده مصنع ملابس ووالدتي ست بيت وعندي اربع اخوات  واتمنىانك توافق  اتقدم لاخت حضرتك الانسه علياء واطلب ايدها