هو الروح

العاشر

حياه هو اخو جوزي وشغال دكتور نسا وولاده
بس هو اتجوز وطلق
سما طب ايه ياعني ماناس كتير بتتجوز وتطلق

حياه لا اصل نادر حكايته حكايه
تعالى بينا نقعد شويه كده ونحكي براحتنا

سما يالا
حياه    كان بيحبها جدا وزميلته في الكليه وكانو نفس التخصص واتجوزو بعد ماخلصو الكليه وقعدو تلات شهور متجوزين والدنيا فل الفل وبعدها انفصلو فجأه  ونادر كان قاعد مصدوم فتره  وحاولو معاه كتير بالكلام وبالحيال ولا بينطق  ولا بيقول كلمه واهمل نفسه وشغله وبقا شكله يخض كده من كتر الزعل وفتره ولقيناه من نفسه  حكا لجهاد انها خانته اكتشف خيانتها ازاي بقا يا ستى
سما بإندهاش.    ياللهوي خيانه يا ساتر يارب قولى قولى يالا ازاي
حياه   مانا هحكي اهو  بصي يا ستي
كانت نسيت موبايلها في المستشفي وراح يجيبهولها وكان في زحمة سير راح لقي رقم بيرن عليها فتح محدش رد عليه قعد يقلب في الموبايل  وهو كان مديها الامان ولا يبجي في باله انها بتغلط وهي بغبائها كانت مطنشه ومتخيلتش انه هيتصل بيها بالصبح كانت متفقه معاه على ورديات الليل ونادر مش موجود معاها بس ربنا اراد يفضحهم وشاف رسايل وفيديوهات ومكالمات اخر قرف ساعتها راح البيت مكانش دريان بالطريق ولا السكه واول ما روح طلقها ورماها لاهلها ووراهم فضيحة بنتهم وطبعا قعد فتره قافل على نفسه لغاية ما خرج لوحده ولقيناه ابتدا يرجع زي الاول بس من كام شهر جهاد حكالي علي واحد اكتشف ان مراته بتخونه علي الموبايل مع نادر عن طريق حسابها علي الفيس وجوزها ضرب نادر علقه ولولا جهاد لم الموضوع ونادر اثبت من المكالمات انه ميعرفش انها متجوزه وكدا
بس نادر قال لجهاد انه مبيكلمش غير الستات المتجوزين علشان في دماغه كل ست متجوزه بتخون جوزها مهما كانو بيحبو بعض زي مراته

سما. بس على فكره ده مش منطق مش كل ست متجوزه بتخون جوزها الست الكويسه مهما كانت الظروف بينها وبين جوزها سواء بتحبه او بينهم العشره والولاد وخلاص متعملش كدا او تخونو بسهوله لمجرد انها عرفت واحد حلو او بيقول كلام حلو هو ممكن يستغل لو قريب منهم او هي اشتكت وده غلط انها تطلع اسرارها بره بس برضو اللي هاتخون هي عندها دافع من الاول وبتاخد الكلام او الشكل حجه صح

حياه. اه طبعا حتى نادر جميل شكلا ووضع اجتماعي وكان مغرقها اهتمام وهدايا وبرضو خانته لانها هي زي ما بتقولي عندها استعداد ووحشه من جواها حتى لو مبينتش
سما. مش كل واحده تمر بمشكله تجري تخون جوزها هي كده بتخون ربنا قبل كل حاجه وثقتها في نفسها قبل كل حاجه
الشرف مش بغشاء البكاره بس ده بسلوكيات واخلاق واحده في بيتها
في تربية ابوها وامها ليها
وولادها اللي هاتبقا قدوه ليهم بعد كدا

حياه.  انتي صحبه كويسه خالص يا سما بجد يا بخت طارق بيكي
سما. ده يا بختي انا بطارق بصراحه نعم الزوج والصاحب ربنا يباركلي فيه بجد وفي نفسها استغفر الله العظيم سامحني يارب  ربنا يريحني منه وقالت
وبمناسبة الصحاب انا اتعرفت علي نهله ورغد صاحبتهم في الشركه هما محاسبين زيي هاعرفك عليهم ونبقا نطلع مع بعض ان شاء الله لما جهاد يخف
حياه.   بجد اشتغلتي في الشركه كويس علشان تسلي وقتك وانا متشوقه اشوفهم صعب الصحوبيه في الغربه وتلاقي ناس كويسه نادرا والاه
سما اه  والله ان شاءالله نخرج ونتعرف سوا بس تكون ظروف جهاد اتحسنت
هو انتي بجد سيبتى الشغل انتي دكتوره صح
حياه اه بس سيبت الشغل علشان بنتى وهافضل سايباه لغاية ما ارجعله تاني عادي
سما وجهاد مش معارض
حياه لا هو مش بيعارضني وسايبني علي راحتي انا طب اطفال على فكره
سما الله جميل جدا
حياه. مش على طول جميل 😂 انتي بيجولك الاطفال وهما بيعانو واسوأهم المبتسرين انتي بتتعاملي مع آلامهم مش مع الطفل الامور الكيووت وكده اكيد محدش هيروح للدكتور وهو سليم
سما 😂 اه صحي......
نادر ما تضحكونا معاكم
سما قامت وراحت عند طارق في اوضة جهاد قعدت جمبو وميلت عليه وهمستله وقالتلو يالا بينا
طارق بص لقاها متضايقه بس قال
يالا الف سلامه عليك ياجهاد
محمود قام وسما وقفت وحياه دخلت قالتلهم اقعدو شويه ورهف شبطت فيهم بس سلمو ومشيو وهما طالعين نادر كان واقف في مدخل الباب بيتكلم في التيليفون قالو سلام عليكم
طارق وهما في العربيه قالها
هو حصل حاجه خليتك تمشي
سما لا
طارق كان بيغيب ويبصلها وهو سايق بس هي كانت مركزه مع الطريق ولما روحو راحو لقيو عمها في المكتب ومعاه واحد راحت طلعت وطارق دخلو المكتب
يسري اهو الحاجه اللي جبتها كلها اتظبطت
طارق الحمد لله
بشمهندس يزن انا بكره بمشيئة المولى راح اعمل مسح للداتا كلها واعمل كل شي من اول وجديد
طارق ان شاء الله
يسري علي خيرة الله ربنا يبارك في مجهودك يا بشمهندس
يزن.     واياكم يا يسري بيك ويخليك ابنك
وسلم عليهم ومشا وطارق قعد شويه مع ابوه وبعدين طلع لفوق سما كانت قاعده في البلكونه
طارق غير وراح وقف جمبها
طارق هو انتي زعلتي لما كلمتك عند جهاد
سما بصت باستغراب وقالت
غريبه وانت من امتا بيهمك زعلي
طارق احرج وقال خلاص ميهمنيش  فعلا ودخل جوه
قعد على السرير سما سهرت كتير في البلكونه لدرجة انها نامت مكانها صحيت على نور الفجر
جسمها كان واجعها قعدت شويه لحد المنبه مارن وطارق صحى بيبص جمبه ملقهاش قعد يدور لقاها في البلكونه
طارق    انتي منمتيش
سما     لا نمت هنا مكاني
طارق     كده ممكن تتعبي
سما     ربنا يستر
ودخلت غيرت ونزلت تحت
راحو الشركه وسما قالت لنهله انها اول ما باباها يوصلها رده على موضوع محمود   ترد عليها وقبل البريك ما ييجي سما حست بمغص شديد وتعبت خالص راحت رنت على عمها واستاذنت انها تمشي مع نهله
ويسري قلق راح قالها تستناه خمس دقايق ومتمشيش  واتصل علي طارق وقالو طارق كان عارف انها هتتعب فراح بسرعه لعندها وهي مشيت معاه لانها تعبانه
طارق راح بيها المستشفى واول ما وصلو كان نادر هناك   طارق مكانش حابب انها تكشف عنده بس هي كانت تعبانه والالم شديد فدخلها وراح معاها

نادر  احم هي واخده برد   شديد في بطنهاوكمان ده معاد البريود
طارق    تمام اكتبلها علي علاج انا اجيبه
نادر    هو في علاج هتاخدو هنا وعلاج في البيت
طارق   تمام
وبعد ما اخدت العلاج  نادر قالو  خليها تقعد شويه الرعايه هنا احسن
سما   بتعب  انا عايزه اروح
طارق    لو لازم لصحتك  خليكي وانا هابقا.....
سما     لا لا واترمت عليه وقالتلو مشيني عايزه اروح

طارق اخدها ومشي واول ما روحو راحت في النوم وهو  نام جمبها وغطاها واخدها في حضنه وراح في النوم
بعد كام ساعه صحي طارق  وراح لزينب وعملت اكل لسما وحاجات دافيه وراح صحاها واكلها واداها العلاج
سما     خلاص شكرا علي تعبك روح انتا وانا هرتاح شويه
طارق     انا مش تعبان في حاجه
سما   بصتلو با ستغراب وبعدين قالت انا مش فاهماك في الاول قلتلي مش عايزك ومش هنكمل وانا بحب رزان  بعد كده لما طلبت الطلاق قولتلي انك مش عايز تتطلقني   وكنت بتعاملني اسوء معامله ودلوقت شغال طقم حنيه انتا عندك فصام في الشخصيه مش عارفه عايز مني ايه
طارق   انا مش عايز حاجه   انا عايزك مراتي وبنت عمي وكل حاجه
سما   ورزان نسيتها ولا  زعلان منها يومين فهاتصالحني انا
طارق   لا مش زعلان منها ولا منك
سما   اومال ايه انت تعبتني
طارق مانا قولتك انت مش بتفهمي
سما  طب انا فهمي على قدي فهمني انت يا عاقل
طارق  انا م....
خبط الباب
طارق   مين
يسري   انا يا طارق بابا
طارق راح فتح لابوه
ودخل يسري علشان يسلم على سما
يسري   الف سلامة عليكي  عامله ايه دلوقت
سما    بخير واحسن الحمد لله ياعمي
الباب خبط تاني  فتح طارق
زينب   اصحاب الست سما تحت وكمان الدكتور نادر
طارق اوك هننزلهم
نزلت زينب تبلغهم

طارق   هو زفت ده جاي ليه وبص لسما
يسري   الله مش قولت انه هو اللي كان في المستشفى وعالج سما يمكن جاي يكشف عليها تانى
سما  لا انا كويسه الحمد  لله
يسري  يا عني مش عايزه تتطمني
سما    لا انا مش عاوزه انا بخير دلوقتي
يسري طب تمام انا هاسبقكم وانتو انزلو  ورايا
طارق  حاضر  بس خودو على المكتب وانا نازل وراك
وقفل الباب ورا ابوه وبعدين بص لسما وقالها لولا الكلام الاهبل اللي قولتيه لما شوفتيه عند جهاد في البيت  مكنش اتجراء وجه هنا
سما خلاص روح اطردو من البيت
طارق     يا سلام     اطرده    انا هاين عليا اموته بايدي بس اللي حايشني انه اخو صاحبي
سما     خلاص  يبقا سيبه هو مضايقك في ايه
طارق   مش مضايقني انا مبطقهوش ومش عايزك تحتكي بيه
سما   انتا شايفني هموت عليه ولا بتمسح فيه كل حاجه وليها حدود يا طارق لو انا غلطت فدا كان غصب عني واظن اني سمعت كلامك لما كنا عند جهاد ولما خرج ووجهلي كلام مردتش عليه وروحت قولتلك يالا بينا نمشي وبعدين متقعدش كل شويه تانب فيا بتحسسني اني رخيصه اوشمال بكلامك ده
طارق   خلاصة الكلام اعتبريه عدو وملكيش دعوه بيه
سما   انا ملياش دعوه بيه من الاول ولو هو عدو فالراجل لازم يلاقي راجل قدامه مش يلاقي ست
طارق    متعرفيش تقولي حاضر من سكات لازم تجادلي اوف  وسابها ونزل...........