هو الروح

الثالث

طارق كان بيطلع دخان من ودانه من مكالمة رزان و حايل رزان بكلمتين بس هي  مش هاتعديها معاه وهو عارف كده وقفل معاها وقالها هاكلمك تانى
رجع علي الفطار لقا سما خلصت وطلعت تانى اوضتها كمل اكله  ودخل اوضة المكتب قعد يشتغل فتره وكان قافل تليفونه  فتحه ورد علي المكالمات المهمه بس  وراح قفله تانى عشان رزان متلحقش ترن عليه  وطلع يريح شويه بص علي زينب ملقهاش  راح فتح الاوضه اللى قاعد فيها  ودخل من غير مايعدي علي اوضة سما

عدت كام ساعه
قام طارق جعان راح يفتح الاوضه افتكر رجع ونط من البلكونه وخبط علي بلكونة سما قعد يخبط ويبص حواليه 

سما نسيت وفتحت تانى علي طول بصلها بغيظ
سما جريت علي الاسدال وقالتلو
احم  اتفضل معلش انا كنت قاعده مع بابا وماما  اتعودت ابقا علي راحتى شويه وهتعود على الوضع الجديد ان شاء....
طارق بنرفزه  بلاش شغل الحريم ده   ودخل الاوضه
سما باستغراب   مش فاهمه  تقصد ايه

طارق  انا  سبق وقولتلك انا بحب رزان وعمري ماهفكر في غيرها فلو بتعملي الشويتين دول ده اسمه شغل رخيص ومش هيجيب نتيجه معايا
سما بلعت الاهانه بقلبها وقالت  
شغل ايه وبتاع ايه بص ريح نفسك ومتدخلش الاوضه دى تانى
طارق  ليه شايفانى برمي نفسي عليكى  شوفي نفسك في المرايه الاول  انتى اصلا شبه  واحد صحبي
سما كتمت دموعها وقالت له  لما انا عامله زي واحد صحبك بتدايق ليه من لبسي المفروض تعدى الحكايه عادى ايه اللى بينرفزك
طارق  مش  كده انتي برضو فهمانى غلط في ناس شغاله في الفيلا وناس حوالينا ممكن يشوفوكى يقولو علينا ايه
سما   متخفش مش هتتكرر تاني المهم انت متدخلش من البلكونه ولا الاوضه دى تانى
طارق  يا سلام وشكلي ايه قدام الشغالين وانا عريس جديد ونايم في اوضه وعروستى في اوضه تانيه
سما    مش مشكلتى والله دي مشكلتك وافقت ليه علي جوازنا وانت مع واحده تانيه اتحمل نتيجة قرارك
طارق   مانتى كمان وافقتى
سما  مكنتش اعرف انى لما افضل ابن عمى علي الناس الغرب اللى  بيتقدمولي يبقا غلطه  وبعدين البنات هى اللي بتتغصب مش الرجاله
طارق  قصدك ايه يعني انا بحترم ابويا وبخاف علي زعله وهفضل وراه لحد مايوافق علي جوازي من رزان حتى لو بعد مييت سنه
سما  لا برافو عليك بس ياريت قبل نص سنه كده تكون سيبتنى  وتطلقنى
طارق   اكيد ان شاء الله 
وابتسملها ابتسامه صفرا وجه يطلع لبره قال
اه ومتنسيش انتى قدام الناس مراتى بلاش اسلوبك ده والا مش هاعديها المره الجايه
سما بصتله بقرف وقفلت وراه الباب
وانهار تماسكها وقعدت تعيط جامد  اوي ومش عارفه هيحصلها ايه تانى وهدت نفسها وصبرت روحها انها هاتسويه  علي نار هاديه هتنتقم منه ببرود هتعامله عادى  واكتر من العادى بس كانه هو مش موجود

في القاهره..
يسري   يالا يا ابراهيم  افطر خالينا نلحق الدكتور
ابراهيم  انا مش رايح حته
يسري   ده كلام  دا انا لفيت علي اكتر من واحد معرفه علشان  يحددو معاد قريب
ابراهيم   بقولك عندي كانسر في البنكرياس  ياعنى لو اشطر الشطار في الدكاتره مش هيعرف يتعامل معاه سيبنى الله يخليك يا يسري
يسري  عشان خاطر سما مش نفسك  تشيل اولادها متياسش عشان خاطري
ابراهيم بحزن   سما  خلي بالك منها يا يسري اوعا تسيبها او تتخلى عنها
يسري   كفايه بقا  متقعدش توصينى كل شويه  هتخف وهتشيل احفادك ان شاء الله انا من ساعة مكلمتنى وانا مش قادر انت اخويا اللي باقيلي من اهلي مليش غيرك
والدمعه فرت من عينه
ابراهيم شد علي كتف اخوه وطبطب عليه وقالو دي ارادة ربنا محدش بيخلد فيها وعمري ونهايتى كاتبهالي وبعدين ده بيحبنى انه ادانى تنبيه احسن من موت الغفله ربنا يتقبلنى ويغفرلي ويرضى عني وعنك وعن كل المسلمين
يسري   ونعم بالله  طب علشان خاطري نفطر ونروح للدكتور ده جاي مخصوص من جامعة كليفلاند باوهايو   يومين بس  هنا في مصر  ربنا يهديك يا اخويا
ابراهيم    حاضر يا ابو طارق بس ابقا فكرنى اتصل بسما لاحسن انسا
يسري   يا عم دول عرسان جداد سيبهم يفرحو شويه وخلينا احنا  منبقاش عزال
ابراهيم   شكلك هاتموت وخلصت من الواد وهتتجوز
يسري    هو انا فاضي يا اخويا الشركه واخده كل وقتي
ابراهيم    شويه وطارق هيشيل عنك كل حاجه  وتفضا وتتجوز  تانى وتقول هيما قال
يسري   😂 يسمع من بوقك ربنا
ابراهيم  😂😂😂😂😂
في الامارات