هو الروح

السابع عشر

سما ازيك يادكتور نادر
نادر الحمد لله انتي كنت في المستشفي بتولدي
سما اه عن اذنك علشان انا واقفه في الشارع وغلط علي البيبي
نادر حمد الله علي السلامه اتفضلي
سما ركبت مع خالد ونهله ووصلوها الشقه وخالد ساب نهله تكمل مع سما باقي اليوم وبعدين اخدها وروحو

وسما قعدت مع انس تحكي فيه وقالتلو

حمد الله علي سلامة قلب ماما انا كنت مستنياك من بدري واتمنى ربنا يباركلي فيك وتكون مالي عليا دنيتي وحياتي انا هحاول علي قد ما اقدر اعوضك واكون ماما وبابا وكل حاجه ليك انت عوض ربنا ليا وباسته بكل حنيه

في المستشفي نادر راح الملفات وطلب ملف سما اصله شريك في المستشفي دي وعضو مجلس اداره يعني كل حاجه في ايده

وشاف البيانات وعرف انها مطلقه وانها ولدت ولد وسمته انس طارق يسري واخد رقم تيليفونها وعنوانها فرح خالص وقرر انه يبداء ويكلمها بس بعد فتره عشان متصدهوش

عدا عشر ايام علي ولادة انس وبرضو سما مجابتش سيره لحد في الامارات بس لما نهله اتصلت بيها مقدرتش تخبي عليها وقالتلها ونهله باركتلها وقعدت تقولها الولاده عامله ازاي وخطر ولا لا وولدت طبيعي ولا قيصري وقعدت ترغي دخل محمود وهي بتتكلم واتفاجا واخد منها السماعه
محمود انتي ازاي تعملي كدا
سما 😂 عملت ايه يا محمود
محمود كدا يا سما تولدي من غير ماتقولي افرض حصلك حاجه مش كنا اخدنا بالنا ووقفنا معاكي
سما انا الحمد لله بخير وانس بخير انا ولدت اديلي عشر ايام
محمود ليه ليه بتعملي كده عايزه تثبتي ايه
سما عايزه اثبت ان الرجاله ملهومش لازمه 😂
محمود الله يسامحك ولما هما ملهومش لازمه ربنا خلقنا ليه
سما مش عارفه له في ذلك حكم
محمود ممكن برضو ربنا يقوي ايمانك نهله خدي صحبتك بس اخر كلمه متسمعيهاش منها
نهله 😂 هو انتي قولتيلو ايه
سما قولتلو الرجاله ملهمش لزمه
نهله 😂 😂
محمود من جوه اوضته وهو بيغير هدومه بصوت عالي قال هزعل علي فكره
نهله لا متزعلش انتي غلطانه يا سما ليهم طبعا لازمه اومال كنتي هاتجيبي انس منين
سما 😂 يمكن دي الفايده الوحيده بس برضو مش بيجي من وراهم الا التعب واحنا اللي بنشيل الليله
نهله ربنا يستر متجيبيش سيرة التعب علشان انا علي اخري
سما هاتعدي علي خير باذن الله واحلي واحده تحجزيها لانس
نهله مينفعش تاخدو التانيه هديه
سما مش هانختلف
محمود بصوت عالي انا بناتي مش هايجوزو هيترهبنو فريحي روحك وانتي متعزميش ببناتي تاني علي حد
سما هو اللي هيجي يخطب ابني علي فكره ده قمر
محمود ابقي ابعتي صورته يا سما
سما حاضر سلام
نهله مع السلامه ومحمود مع الف سلامه مش هاواصيكي لو احتجتي حاجه انا موجود
سما تسلمو ربنا يخليكو ليا يارب

قفلت سما وبعديها بخمس دقايق بعتت صورة انس
محمود اخدها من نهله وبعتها لطارق وكتبلو
انس طارق يسري
نهله بتهكم ليه يا محمود بتعمل كده انتا عارف انه مش فاضي في شهر العسل بتاعو
محمود يمكن قلبه يحن
نهله ما توقعش