هو الروح

الرابع والعشرون

علياء صحيت مبسوطه  وبتضحك وتلاعب في زياد سميحه اول ما شافتها راحت قعدت علي السفره
وقالت   خير حليتي في الامتحان كويس ولا ايه
علياء باستها من خدها وقالتلها اه وجيبت امتياز كمان
سميحه   طيب لما نشوف اخر السنه هتجيبي ايه
علياء      اكيد امتياز ان شاء الله ادعيلي انت بس يا ماما اومال احمد فين مش هايفطر ولا ايه
سميحه    احمد طلع بعد الفجر هيروح يتمم علي شحنات جايه وبعدين يروح المخازن وبعد كده هيطلع علي الشركه ويبقا يصلي الجمعه ويجي علي الغدا ان شاءالله
علياء    يا حبيبي يا اخويا دا بيتعب خالص حتي يوم الجمعه شغال 
سميحه    ربنا يباركلنا فيه ويعوضه خير ويرزقه ببنت الحلال اللي تعمرلو بيتو وينطقلو الواد زياد يارب
علياء       يارب يرزقو بسما يارب
سميحه     يارب مانا قولت بنت الحلال يا بت وقصدي عليها
علياء 😂  انما الاعمال بالنيات بقا

عند سما  في شقتها

نيره  انا خايفه طارق يزعل لما يلاقيني انا وخالد  عندك في الشقه وهو جاي يزوركم  علشان خاطر يشوف  انس وكدا
سما     مايزعل  ولا يتفلق اولا زيارته غريبه وثانيا واخد الواد حجه وانا لو طلع الي في دماغي صح  هايبقا ليلته سوده ان شاءالله
نيره   بلاش يا سما طارق  ده يتخاف منه بلاش سايسيه احسن واتقي شره
سما   متعوليش هم انتي وتعالي نجهز غدا لينا يمكن يقعد يتغدا معانا
واخدتها ودخلو المطبخ

نيره    فيها ايه بس يا بنت الحلال  لو كنتي وافقتي علي احمد الجبيلي كان زمانك معاكي راجل يقف في ضهرك و..
سما     وطارق ياخد انس مني صح
نيره    مانا سالت خالد قالي لو اقل من سبع سنين مياخدوش  مش هايسقط عنك حق الحضانه لانس هيفضل معاكي
سما    طب وبعد مايكمل سبع سنين هياخدو صح وابقا رميت ابني لمرات اب  كارهاه واب  لا حياة لمن تنادي    لا انا مش هابهدل ابني يغور الجواز وسنينه انا عايزه احافظ علي انس مش عاوزاه يعاني بسببي
بعدين يكبر يكرهني ويدعي عليا
انا كده مبقاش ام يا نيره انا هابقا العن من مرات الاب
نيره     انا غلبت معاكي انا هاشوف الواد مازن شكله صحي هبص عليه واجيلك
سما   بصوت عالي  هو جوزك هاييجي امتا لاحسن طارق يجي الاول
نيره     هيصلي الجمعه وجاي

عند احمد في المخازن كان بيتمم علي الاجهزه الجديده وموبايلو رن

احمد     الو مين
شهاب   ازيك يا ابو حميد  اخبارك يا راجل
احمد   شهاب يخرب بيتك انت جيت مصر امتا
شهاب    من اسبوع كدا 
احمد    اسبوع وماشوفكش يا واطي
شهاب    معلش اصلي بجرب دوخة الروتين المصري كنت بخلص ورق التعيين في الجامعه خلصت ورق الماجيستير من امريكا ووصلته  للاداره لسه يوم الخميس  وعلي الاحد  ان شاءالله هستلم اول سيكشن
احمد    يا عم سيبك من شغل المعيدين ده وتعالي معايا في الشركه احسن
شهاب   لا انا مرتاح شغل  رجال الاعمال ده بيحرق الدم
احمد   مش احسن ما اشرح لطلبه حاجات انا عارف انهم مش هايفهموها  ويتحرق دمي كل يوم  وانبح حسي مع امخاخ جذمه
شهاب    باااس باااس خلاص قفلتني  ياعم قبل ما اشتغل     المهم اشوفك فين
احمد    علي بالليل بقا  في الكافيه بتاعنا
شهاب   طيب  اقابلك هناك بقا  سلام يا صاحبي
احمد    😂 سلام يا شهاب