"أرهقتني عشقًا"
البارت الثاني♥️
في الأصل لم يعي ما يخبره به يوسف ليقول ببلاهه: ليلى مين؟
يوسف: يا احمد ليلى يا احمد!! ليلى أكرم المحمدي!
حاول ان يبدو هادئًا وثابتًا ليخرج صوته متلجلجًا: وايه المشكله اما ليلى تيجي يعني؟ وبعدين رجعت فين مش فاهم!
يوسف: علي السكرتير بتاعي قالي النهرده انها اتقبلت في الوظيفه ضمن اللي مقدمين
احمد: غريبه! ازاي تسيب شركات والدها وتيجي تشتغل في حته تانيه؟
يوسف: مهو ده اللي مجنني برضو!
—————————————
فلاش بااك منذ ٦ سنوات
-ايه يا بنتي انتي مخك تخين؟
=انا مخي تخين! الله يسامحك ده كلو عشان مسألة بس!
-انا بقالي ساعه بفهمك وانتي مش راضيه تفهمي!
=هبت واقفه وقالت: خلاص اوعى انا مش عايزه منك حاجه لتكون فاكر انك عشان هندسه هتتنطط عليا لا بكره تشوف!
-ضحك بشده علي طريقتها وقال: خلاص مش مشكله نكمل بكره يا صغنن!
=ضحكت هي الاخرى بخفوت وانطلق كل منهم للجلوس بجوار اهلهم..
انتهى الفلاش بااك
————————————
اغلق عينيه بمراره قائلًا لنفسه: ايه اللي رجعها دلوقتي! دي لو عرفت مش هتكرهني زياده دي مش هتبص في وشي اصلا!
في صباح اليوم التالي..
ليلى: بصي يا ماما الطقم ده حلو؟
يارا: ايوه يا حبيبتي حلو يلا بقى عشان تفطري!
ليلى: لا يا ماما انا متأخره جدا بس متقلقيش هشتري حاجه أكلها وانا في الطريق!
