"أرهقتني عشقًا"♥️
"لم يكن بهينٍ ابدا نزعك من قلبي"
سمع كلامها صوت سامح المزمجر وهو يقول: انت بتهبب ايه! ثم سحب ليلى من يدها اتجاه احضانه حيث تشبثت هي بملابسه ثم اكمل بنبره تحذير: لاول واخر مره هقولك يا احمد ابعد عن ليلى! ثم اكمل بنبره اكثر تحذيرًا: سامعني؟؟
ابتسم احمد بسخريه ليقلل المسافه بينه وبين سامح ليقول: ممم والمفروض اني كدا اخاف مثلا وابعد صح؟
كاد ان يرد سامح عليه الا انه اكمل وهو ينتشل ليلى من احضان سامح ويذهب بها اتجاه الغرفه: مش عايز اصدمك بس ليلى قريب هتبقى بتاعتي.. معايا وجنبي في حضني ان شاء الله!
لكمه سامح بقوه قليلًا ارتد على اثرها للوراء لكنه لم يتأثر ليرد له احمد نفس اللكمه وهو يقول: متحاولش يا هه يا سامح! ثم لف انظاره ل "ليلى" التي شهقت بعنف منذ قليل على ما حدث ليقول: اتمنى انك تكوني فهمتي كلامي..واه صح مستنيكي بكره في المكتب عشان ليا سربرايز ليكي يحبيبتي!
قال تلك الكلمه وهو يقرب وجهه منها مما جعلها نرجع للوراء..تركها بهدوء وذهب اتجاه الغرفه لتهرول هي باتجاه سامح تساعده على الوقوف..
ليلي: سامح انت كويس صح؟
سامح: اه انا نيله ي ليلى نيله اهو! بقالي كم سنه بحاول ابعده عنك وجاي دلوقتي يقول بيحبك
ليلى بتردد: بصراحه انا معدتش فاهمه حاجه والله مبقتش فاهمه حاجه خالص..
———————————————
في اليوم التالي..
كانت تنظر لنفسها بهدوء في المرآه وهي شارده الذهن..لم عاد بعد كل تلك السنوات؟ هي دفنت حبها داخلها منذ زمن من اجل والدها واحترامها له..جاء هو وفعل فعلته الشنيعه تلك التي أدت لحقدها عليه مدى الحياه..
"فلاش بااك منذ اكتر من ٦سنوات"
-ليلى انا بحبك!
صدمت هي من ذلك الاعتراف..كيف لحب حياتها الوحيد ان يكون يحبها الآن؟
احمد: سكتي ليه ي ليلى؟ توتر قليلًا ثم اكمل: انتي مش بتحبيني؟
ليلى: معلش يا احمد بس مينفعش!
احمد باستغراب: هو ايه اللي مينفعش؟ انا بس بقولك اني بحبك مش اكتر! عايزك تبادليني مشاعرك ولو.. اخذ نفسًا عميقًا ثم اكمل: ولو ينفع نبقى مع بعض يبقى ده شيء كويس جدا!
بلغت اقصى مراحل الغضب لتقول ناهيه: انت بتستعبط يا احمد!! انت اكتر واحد عارف اني مش بتاعت الكلام ده ولا هكون بتاعت الكلام ده ابدا!
احمد بضيق: ليلى انا مش بقول حاجه غلط! انتي بتحبيني وانا بحبك فيها ايه؟
ليلى وهي تنهض من على الطاوله: عن اذنك عشان انا مشغوله!
ذهبت وتركته في لحظتها..كانت غاضبه جدا من نفسها.. هي لا تحبه..بل تعشقه..هو الوحيد الذي كان معه كامل طفولتها.. كيف يمكن له ان يخبرها بهذا الشأن؟
