M̺͆I̺͆S̺͆T̺͆A̺͆K̺͆E̺͆ ❌[Unicode × Zawgyi]

❌Three❌

Unicode

' ကံကောင်းလို့ ခြေဆစ်လေးပဲ လွဲသွားတာ ၊ သုံးလေးရက်နေရင် ကောင်းသွားမှာပါ '

ဒေါက်တာရဲ့စကားအား နားထဲမှာ အတိုင်းသားကြားနေရပေမဲ့ သူ့နှလုံးသားကတော့ သွေးစိမ်းရှင်ရှင်ကျလို့နေသည် ။

' အောက်မှာ ဆေးယူသွားပြီး သွားလို့ရပါပြီ '

' ကျေးဇူးတင်ပါတယ် ဒေါက်တာ '

ခေါင်းညိတ်ပြကာ ဒေါက်တာ အခန်းထဲက ထွက်သွားမှ ဘယ်သူမှန်းမသိတဲ့ Hyungတစ်ယောက်က လာရောက်တွဲကူသည် ။

' ညီလေး ဖြေးဖြေးထ '

' ကျေးဇူးတင်ပါတယ် Hyung '

ဘယ်သူမှန်းမသိပေမဲ့ သွေးတွေထွက်ပြီး ခြေထောက်ထောက်မရတဲ့ သူ့ကို တွဲထူကာ အခုလို ဆေးရုံသို့ခေါ်လာခဲ့ခြင်းဖြစ်သည် ။

' ခဏထိုင်အုန်းနော် ညီလေး '

ခုံမှာထိုင်စေကာ ထိုHyungက ဆေးဝယ်လို့နေသည်မို့ မျက်လုံးတွေကို ဘာရယ်မဟုတ် လျှောက်ကြည့်ရင်း မျက်လုံးထောင့်သို့ဝင်လာသည့် အရိပ်တစ်ခု ။

' ဖေဖေ '

ခပ်တိုးတိုးရေရွတ်ကာ ခေါ်ဖို့သူပြင်လိုက်ပေမဲ့ ဖေဖေ့လက်ကိုတွဲချိတ်လာသည့် ကိုယ်ဝန်ဆောင် အမျိုးသမီးကြောင့် အံ့သြမှုတွေနဲ့ စကားလုံးတွေ ဆွံ့အကုန်သည် ။

' ညီလေး သွားရအောင် '

' Nae Hyung '

ခေါင်းညိတ်ပြကာ ဖေဖေမမြင်အောင် ထိုနေရမှ သူလှမ်းထွက်ခဲ့လိုက်သည် ။

ထိုHyungဖွင့်ပေးသည့် ကားပေါ်အလိုက်သင့်တက်လိုက်သော်ငြား အကြည့်တွေက ဆေးရုံအတွင်းရှိ ဖေဖေ့ထံ၌သာ ။

ဘာတွေလုပ်နေတာလဲ ဖေဖေ ။

' ညီလေး ဘယ်ကိုမောင်းပေးရမလဲ '

' ဒီလမ်းတည့်တည့်ကနေပြီးတော့ ညာကွေ့လိုက်ရင် ရောက်ပြီ Hyung '

' အင်း '

သူပြောသည့်အတိုင်း တသဝေမတိမ်း Hyungက မောင်းနှင်လေသည် ။

' Hyungလိုက်ပို့မယ် '

' ရတယ် Hyung ၊ ကျေးဇူးတင်ပါတယ် ၊ ခြေထောက်ကိုထိန်းလျှောက်လိုက်ရင် အဆင်ပြေသွားမှာပါ '